Michoonni waliin Hormuuz tiksuu baannaan egereen NATO ‘baayyee fokkisaa’ akka ta'u Tiraamp akeekkachiise

Haguuggii Tamsaasa Kallattii

1. 16 Bitooteessa 2026'Waan isaan jedhan baruufan biyyoota biroo gargaarsa gaafadhe' - Tiraamp

   

   Madda suuraa, Getty Images

   Tiraamp Ulaa Hormuuz irratti biyyoota kaan gargaarsa kan gaafate ''waan isaan jedhan baruuf malee gargaarsa isaanii barbaadnee miti,'' jedhe.

   Ittaansuun yaada kanaan dura jedhe irra deebi'uun US biyyoota kaan tiksiti garuu biyyooti kaan '' yeroo nuti isaan barbaannu, nuu hin qaqqaban,'' jedhe.

   Yeroo waa'ee Mojtaabaa Kaameenee dubbatu ammoo haleellaa irra gaheen fuullisaa akka hin taane tahuufi miilasaa tokko dhabuu gorsitootaafi miidiyaa irraa akka dhagahe hime.

   ''Du'uufi lubbuun jiraachuusaa garuu hin beekne, namni isa arge hin jiru, Kun waan hin baratamne dha,'' jedhe Tiraamp.

   Kana malees UK'n ilaalcha waraana kanarratti qabduun ''akkaan dinqameera,'' jedhe.

   ''Torban lama dura 'maalif dooniiwwan muraasa hin ergitan' jennaan Istaamar kana gochuu hin feene,'' jedhe Tiraamp.

   ''Xiyyaar-waraana lama gaafannullee, isaan garuu kana gochuu hin barbaanne,''

   Ministirra Mummee UK kan xiyyaar waraanaa kennuuf kan dhiyesse ''erga waraanni dhaabbateeti,'' jedhe.

   ''Waan UK'n gootutti gammadaa miti,'' jechuun ''hirmaachuun isaan hin oolu, garuu onneedhumaan keessa seenuu qabu,'' jedhe.

2. 16 Bitooteessa 2026'Waraanni Iraan ajandaa NATO miti' - Chaansilara Jarmanii

   

   Madda suuraa, Reuters

   Chaansilarri Jarman Fireedrik Merz biyyi isaanii waraana US fi Israa'el Iraanirratti bananitti hin hirmaattu jechuusaanii Rooytarsi gabaase.

   "Akkaataa seera bu'uuraa Dhaabbata Biyyoota Gamtoomanii, Gamtaa Awurooppaa fi NATO irraa ergamni akkasii nuu kennamu hin jiru.

   Kanaafuu jalqabumarraa waraanni kun ajandaa NATO miti" jedhan ibsa miidiyaaf Barliin irraa kennaniin.

   US fi Israa'el waraana kana eegaluun dura Jarmanii waliin hin mariyanne jedhan.

   Kana jechuun, Merz akka jedhanitti, "loltoonni Jarmanii ni hirmaatu moo hin hin hirmaatan kan jedhus hin mari'anne"jechuu dha.

   "Kanaafidha gaaffiin akkaataa Jarmaniin waraana kanatti hirmaachuu qabduu kan hin kaane," jedhan.

3. 16 Bitooteessa 2026US iddoowwan qiyyaafannoo Iraan 7,000 haleelteetti - Tiraamp

   

   Madda suuraa, Reuters

   Waraanni erga jalqabee Ameerikaan iddoowwan Iraan irratti qiyyaafatame 7,000 haleeltee dooniiwwan 100 dhidhimsiteeetti jedhe Tiraamp

   ''Akka jiraniin barbadaa'aniiru,'' jedhe Pireezidantiin US. "Humni qilleensaafi humni galaanaa biyyattii hin jiran, hogganootisaanis akkasuma, teeknolojiin farra xiyyaara-waraanaas manca'aniiru.

   Ameerikaafi Isaraa'el ''waan waggaa baayyee dura gochuu qaban raawwachaa jiru,'' jedhe. Har'a Ameerikaan warshaalee dirooniwwaniifi misaayelotni Iraan itti oomishaman haleelteetti.

   Dabaluunis odolli Kaarg torbee darbe haleelamuu himuun ''ujummoo'' iddoo boba'aa keewwataniin alatti barbadaa'eera jedhe.

   Pireezidantichi iddoo boba'aa barbadeessuun waan ''daqiiqaa'' keessatti raawwatu dha jechuun yaada akka geeddaruu danda'u himeera.

   Tiraampi biyyoonni kuun Ulaa Hormuz keessatti US gargaaruuf naatoo hin agarsiifne jedhe.

   US dandeettii ulaa Hormuuz ugguruun dooniiwwan daldalaatti yaaddoo uumuu Iraan cabsuuf “tumaa” jirti jedhe.

   Dooniiwwan Iraan fanjii awwaalan 30 barbadeessimeerras jedhe. Iraan ulaa Hormuz kanarra fanjii awwaaluu ishee garuu hin beeku jedheera.

   Iraaniif of eeggannoo gochaa turuu fi biyyoonni kuun akka ulaa kanarratti nu gargaaran jechuunis waamicha godhe.

   Biyyoonni hedduun nu gargaaruuuf karaarra jiru jedhe. Biyyoota tumsa kana didanittis qoose. Hin hirmaannu jechaa jiru….. “ Akka isaan tiksinu nan beeka, garuu yeroo gargaarsa barbaadnutti garuu nu waliin hin dhaabbanne” jedhe.

   Maqaa biyyoota tumsuuf fedha agarsiisanii hin eerre Tiraampi. "Maqaa jaraa waamuu nan danda'a garuu maqaa isaanii akkan dhawuu ni fedhu moo hin fedhan hin beeku, tarii qiyyaafannoo ta'uu hin fedhan."

4. 16 Bitooteessa 2026Dooniiwwan Hindii lama Ulaa Hormuuz keessa dabraniiru

   

   Madda suuraa, MarineTraffic

   Dooniiwwan Hindii lama kan boba'aa Petrooliyemii qulqullaaye baatan - Nanda Devi fi Shivalik - jedhaman Sanbat-duraa Ulaa Hormuz irraan qaxxaamuranii jiru.

   Akka gabaasa websaayitii imala dooniiwwanii hordofu Marine Traffic irraa hubatametti dooniiwwan kunneen gara buufata doonii Hindii kutaa bulchiinsa Gujiraat imalaa jiru.

   Dooniiwwan lamaan kunneen buufata doonii Ras Laffan kan Kaataar irraa boba'aa fe'achuun kallattii imala isaanii kan mul'isu fi oonlaayinii kan hordofamaniin singaalii Automatic Identification System (AIS) cufachuun imalaa turan.

   Kana malees dooniiwwan waraanaa Hindii lama Bitootessa 14 yeroo isaan signaalii balleessan isaan waliin turuu mirkanaayeera.

   Nanda Devi boru buufata doonii Hindii Kaandilaa qaqqabdi. Shivalik immoo buufata doonii Mundiraa kan geesse har'a yeroodhaani.

   Ministirri Dhimma Alaa Hindii Financial Times'tti akka himetti dooniiwwan Indiyaaf addatti karaan dugda handaaqqoo ta'eefii ulaa Hormuz keessa kan dabarsu hin jiraatu garuu gita keenya mootummaa Iraan waliin dubbataa jirra jedhan.

5. 16 Bitooteessa 2026Ulaan Hormuuz diinota keenyaaf 'akkuma cufametti tura - Ministira Haajaa Alaa Iraan Abbaas Araagchii

   

   Madda suuraa, Reuters

   Ministirri Haajaa Alaa Iraan Abbaas Araagchii Iraan dhukaasa dhaabuuf hin gaafanne ykn US waliin ergaa walitti hin dabarsine jechuun dabalataan Ulaan Hormuuz ''diinota keenyatti akkuma cufameen tura,'' jedhan.

   Akka Aragaachiin jedhanitti ''Warri Ameerikaa Ulaan Hormuuz banaa tahee akka turuuf biyyootni akka isaan gargaaran gaafachaa jiru... akka keenyatti banaadhuma jira,'' jedhan.

   ''Kan cufaa tahe diinota keenyatti dha, kanneen biyya keenya seeraan ala weeraraniifi michoota isaaniitti,''

   Kana malees ''waraanni kuni akka irra hin deebi'amnetti xumuramuu qaba,'' jedhan.

6. 16 Bitooteessa 2026Suuraalee haleellaa Ameerikaa fi Israa'el Iraan keessatti geggeessan agarsiisan

   Suuraalen kunneen haleellaan Israa'eliifi Ameerikaa Iraan keessatti itti fufuu agarsiisu

   Humni Waraanaa Israa'el haleellaa bal'aa magaalawwan Teehraan, Shiraaziifi Taabriiz jedhamutti akka bane himeera.

   

   Madda suuraa, Reuters

   

   Madda suuraa, Reuters

   

   Madda suuraa, Reuters

   

   Madda suuraa, Reuters

7. 16 Bitooteessa 2026UK'n ulaan Hormuuz akka banamuuf michoota waliin hoojetaa jirti - Ministira Mummee UK

   

   Madda suuraa, EPA

   Ministirri Muummee UK oppireeshiniin Ameerikaa ''mootummaa jibbisiisaa Iraan akkaan laaffiseera,'' jedhan.

   Haa tahu malee, lola booda ''waliigalteen jiraachuu qabaata'' kunis humna niwkilaara ijaaruu Iraan kan laaffisuufi sochii doonii addunyaa kan eegu tahuu qaba jedhan.

   ''Gabaa tasgabbeessuuf,'' Ulaan Hormuuz banamu qaba jedhan.

   ''Suni ammoo hojii laayyoo miti,'' kanaaf UK'n ''michootashee hunda waliin kan hojjetaa jirtu,'' kanaanis karoora hojjechuu danda'u dhiyeessuun bilisummaa daldalaa naannichaa deebisuu feeti jedhan.

   Hanqina boba'aan Itoophiyaanis yaaddoo keessa jirti

8. 16 Bitooteessa 2026UAE'n erga waraanni jalqabee namni 7 du'ee 145 madaa'an jette

   

   Madda suuraa, Getty Images

   Ministeerri Ittisaa UAE haleellaa Iraaniin namoota ajjeefamaniifi madaa'an maqaa ifa baaseera.

   Haleellaa kanaan namoonni torba ajjeefamuu hime.

   Isaan keessaa lama miseensota humna waraana UAE yoo tahan namoonni nagaa shan ajjeefamuu himuun, isaaniis lammiilee biyyoota Paakistaan, Neeppaal, Baangilaadesh fi Filisxeem fa'i jedhan.

   Kana malees namoonni 145 madaa salphaafi jabaa irra gaheera jedhan.

   Kanneen madaa'an lammiilee biyyoota Siwiidiin, Turkii, Naayijeeriyaa, Hindii, Gaanaa fa'i dha jedhe ministeerri ittisaa.

   Waraanni Iraan erga jalqabee humni ittisaa UAE misaayela baalistikii 304, misaayelli kiruuzii 15 fi UAV 1,627 qollifanneerra jedhe.

   MM Abiy waraana Iraan gidduutti UAEtti maal raawwatan?

9. 16 Bitooteessa 2026Ameerikaan doonii Iraan fakkeessitee dhuguma biyyootatti dhukaastee?

   Maxxansa YouTube irra dabri

   Qabiyyee Google YouTube hayyamtaa?

   Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Google YouTubeimaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.

   Accept and continue

   Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu. YouTube beeksisa qabaachuu danda'a.

   Xumura maxxansa YouTube

   Viidiyoon Netaaniyaahu dhugaamoo AI dha? Motjabaa Kaameniin du'aniiruu?

   Doonii waraanaa US waa isa mudatee? Hunduu bakka tokkotti.

   Seenaa daawwadhaa!

10. 16 Bitooteessa 2026'NATO'n Ulaa Hormuuz keessaa harka qabachuun natti hin mula'tu' - Ministira Hajaa Alaa Jarman

    

    Madda suuraa, EPA

    Ministira Hajaa Alaa Jarman Johaan Wadeefuul Nato'n cufamuu ulaa Hormuuz qooda hin qabu jedhe.

    ''Gama kanaan Nato'n dhimma ulaa Hormuuz irratti itti gaafatamummaa fudhachuu fi murtoo kennuunsaaa natti hin mul'atu. Yoo taheera tahes qaamni Nato ibsa haa kennu,'' jedhu.

    Ministarichi kana kan dubbatan kora minitsaroonni hajaa alaa Gamtaa Awurooppaa Biraasalsitti wal gahuu isaaniitiin duradha.

    Ministarichi haalli Baha Gidduugalaa, Yukireen ammallee waan mirkana hin qabne tahu waan dursa kenninuuf nageenya keenya dha jedhan.

    Yeroo gatiin boba'aa dabalu irree waraanaa Raashiyaa ni jabeessa. Raashiyaarraa qoqqobbii laaffisuun karaa sirrii miti jedhan.

11. 16 Bitooteessa 2026Israa'el xiyyaara hogganaan waliigalaa duraanii Iraan fayyadamu barbadeessuu himte

    

    Madda suuraa, Getty Images

    Humni waraanaa Israa'el xiyyaara hogganaan waliigalaa duraanii Iraan Ayaatolaa Alii kameenii itti gargaaramaa ture Buufata Xiyyaaraa Mehrabaad Iraan keessa jiru barbadeessuu hime.

    Xiyyaarri kun meeshaa waraanaa bittee saffisiisuuf, akkasumas biyyoota waliin michummaa qaban gidduutti hariiroo jabeeffachuuf aanga'oota olaanoo fi qondaalota waraanaa biroon itti fayyadamaa tureera.

    Kanaan alatti, qiyyaafannaan waraana Israa'el biraan Iraan keessatti dhukaastota misaa'elaati.

    Gabaasni Israa'el tokko akka jedhetti, %70 kan ta'an amma barbadaa'uun hojiin ala ta'aniiru.

12. 16 Bitooteessa 2026Chaayinaan waamicha Tiraamp hordofuun deebii kennite

    

    Madda suuraa, Reuters

    Chaayinaan yaada Tiraamp Chaayinaan Ulaa Hormuuz akka banamuu fi eegamuuf gargaarsa gochuu qabdi jedhan hordofuun deebii kenniteen furmatni jiru hatattamaan waraanaa dhaabuudhaa jechuun Tiraampiif deebii kennite

    Chaayinaan deebii kan kennite Pirezidaantiin Ameerikaa Doonald Tiraamp gaaffii fi deebii tibbana gaazexaa Biriteen Faayinaanshiyaal Taayims waliin taasisaniin, Beejiing gargaarsa ulaa Hormuz eeguu hin taasifne ta’e walga'ii hogganaa Chaayinaa Shii Jinping waliintaasifamu akka tursiisan dubbatan.

    Dubbi himaan ministeera dhimma alaa Chaayinaa waa'ee yaada pirezidaantii Ameerikaa yeroo gaafatamanitti, ''hariiroo Chaayinaa fi Ameerikaa keessatti dippilomaasiin hoggantoota biyyaa gahee tarsiimoo bakka hin bu'amne qaba'' jedhan.

    Dhimma daawwannaa Pirezidaanti Tiraamp ilaalchisees hanga yoonaa biyyootni lammanuu karooraa fi qunnamtii isaanii eegatuma akka jiran eeran.

    Haa ta'uu malee dhimma dooniiwwan waraanaa gara ulaa Hormuzitti akka ergaman gaafachuu i ilaalchisee gaaffii dhiyaateef deebii kan kennan Liin Jiyaan, waldhabdeen dhiheenya kana uumame daandii daldalaa jeequu fi nagaa naannoo fi idil-addunyaa gufachiiseera jedhan.

    Dubbi himaan kun, ''Chaayinaan qaamoleen hundi hatattamaan waraanaa akka dhaabban waamicha ishee irra deebitee dhiyeessiti'' jedhu.

    Chaayinaan waraanni fi diinummaankun akka hin hammaanne ittisuuf ga'ee ishee ba'uuf kutannoo qabdi jechuun ibsaniiru

13. 16 Bitooteessa 2026Haleellaan US-Israa'el Iraan irratti banan waraana NATO miti - Ministira UK

    

    Madda suuraa, EPA

    Ministirri Hojii fi Sooramaa UK Paat Maak Faaden haleellaan US-Israa'el Iraan irratti banan waraana NATO miti jedhe.

    Humni tokkoomuun walirraa ittisuu NATO'n "waan haala amma Baha Giddugaleessaatti argaa jirru fakkaatu" yaaduun hin turre kan hundeeffame jedhe ministirri UK kun.

    US fi UK dabalatee biyyoota 12 ta'aniin bara 1949 kan hundeeffame NATO'n, qajeeltoowwan ijoo isaa keessaa Keewwata 5, kan 'haleellaan biyya tokkorratti raawwatame haleellaa hunda irratti raawwatamedha' jedhudha.

    Ajajaan Waliigalaa duraanii UK Jeneraal Sir Niik Kaarter akkuma kana NATO'n "michummaa yeroo michoota keessaa tokko waraana ofiin filatee itti deeme deeggaruun warri kaanis akka isa duuka bu'aniif dirqisiisuu miti," jedhe.

    Ajajaan duraanii Jenraal Kaarter yaada Maak Faaden waliin waliigala yoo ta'eef gaafatamee, "sirriidha" jechuun walitti bu'iinsi ammaa kun "waraana NATO miti" garuu "tarkaanfii US-Israa'elidha" jedhe.

    Odeeffannoo dabalataa kana waliin walqabataniif:

    Nato'n maali, akkamitti humna ittisaa isaa dabalaa jira?

    NATO'n eenyu, keewwatni 4 fi keewwatni 5 waliigaltichaa maal of keessaa qaba?

14. 16 Bitooteessa 2026Gamtaan Awurooppaa akkamitti akka Ulaan Hormuz banamurratti mari'achuuf

    

    Madda suuraa, EPA

    Biyyoonni miseensa Gamtaa Awurooppaa Ulaa Hormuz banaa ta’ee akka turuuf gama Awurooppaatiin maal gochuun akka danda’amu ni mari’atu jedhan hogganaan imaammata alaa Gamtichaa.

    Walgahii dhimma alaa Gamtaa Awurooppaa Biraaselsitti gaggeeffamu dura, “ulaan doonii Hormuz banaa ta’ee turuun dantaa keenyadha,” jedhan jechuun dhaabbati oduu Rooyitarsi gabaasera.

    Erga rakkoon kun jalqabee dooniiwwan hedduun ulaa galaanaa dhiphoo kana dura boba'aan addunyaa %20 keessa darbu keessa darbuuf yaalan haleelamuu isaaniitu himama.

    Pirezidaantiin Ameerikaa Doonaald Traamp, michoonni Ameerikaa NATO'n Ulaan kun akka banamuuf yoo hin gargaarre ''egereen NATO'f baay'ee hamaa ta'a'' jechuun akeekkachiisan.

    UK'n akka jettetti, Tiraamp MM Biriteen Kiir Istarmer waliin waa’ee barbaachisummaa ulaa Hormuz deebisanii banuu' fi jeequmsa doonii idil-addunyaa dhaabuu '' irratti dubbataniiru.

    Awustiraaliyaa fi Jaappaan doonii waraanaa isaanii ulaa Hormuz eeguuf erguu akka hin barbaannee beeksisaniiru

15. 16 Bitooteessa 2026Yeroo Wiirtuun Qorannoo Iraan haleellaa Israa'el gaggeesisteen gubatu

16. 16 Bitooteessa 2026Daawwadhaa: Yeroo Israa'el misaa'elii itti dhukaafame Tel Aviiv irratti qolattu

17. 16 Bitooteessa 2026Iraan doonii waraanaa guddaa US Galaana Diimaarratti argamurrattin xiyyeeffadhe jette

    

    Madda suuraa, Getty Images

    Waraanni Iraan doonii waraanaa guddicha Ameerikaa xiyyaara baatu Galaana Diimaarratti argamu biyyattiif [Iraaniif] yaaddoo waan ta'eef xiyyeeffannoo haleelamuu keessa jiraachuu beeksise.

    Qaama Eegduu Warraaqsaa Rippabilika Islaamaa Iraan kan ta'e Hataam Al-Anbiyaa ibsa baaseen, "Dooniin waraanaa Ameerikaa xiyyaarota baatu jeeraard Foord Galaana Diimaarratti argamuun" Iraaniif "yaaddoo" waan ta'uuf dhiyeessii fi wiirtuleen tajaajilawwan Doonichaa guutummaan guutuutti "qiyyaafannoo humnoota waraanaa Iraan" akka ta'aniti ilaalamu jedheera.

    Dheerina meetira dhibba sadii kan qabu dooniin jeettiiwwan waraanaa baatu Jeeraard R. Foord kun addunyaarratti doonii waraanaa guddicha.

    Baha Giddugaleessaatti Ajajaan Giddugaleessaa Waraana Ameerikaa (Sentikoom) Kamisa darbe doonii waraanaa kana kutaa isaa gama tokkorratti abiddi ka'ee akka ture beeksiseera.

    Haata malee, abiddi kun to'annoo jala akka oolfameefi "sochii doonichaa waliigalaarra miidhaa rakkoo geesisu akka hin taaneefi guutummaan guutuutti hojiisaa hojjechaa jiraachuun" ibseera.

    Ajajaan Giddugalaa kun itti dabaluun, abiddi doonicharratti ka'e "waraanicha waliin kan walqabatu miti" jechuun sababa sochii waraanaatiin akka hin taane eereera.

    Dooniin xiyyaara waraanaa baatu Jeeraard R. Foord kun tarkaanfii waraanaa Ameerikaa Venezuweelaatti gaggeeffameen booda, osoo waraanni Iraan irratti baname hin jalqabiin dura, gara Baha Giddugaleessaatti akka socho'u taasifamee amma Galaana Diimaarratti argama.

    Odeeffannoo kana waliin walqabataniif:

    USS Abraham Lincoln: Dooniin waraanaa guddichi Ameerikaan gara Iraanitti butte maal qabateera?

    US Antaartikaan ala hundarraa buufataalee waraanaa akka qabdu beektuu?

    Buufanni waraanaa Ameerikaa gurguddoon Baha Giddu Galeessaa keessa eessa jiru?

18. 16 Bitooteessa 2026Haleellaa diroonii Buufata Xiyyaaraa Dubaay cinaatti gaggeeffame

    Haleellaa diroonii Buufata Xiyyaaraa Idil-addunyaa Dubaay cinaatti raawwateen booda aara mul'atu.

19. 16 Bitooteessa 2026Somaalilaand dhuguma Israa'eliif buufata waraanaa kennitee?

    

    Madda suuraa, Getty Images

    Somaaliland Israa'el irraa beekamtii biyyummaa ishee argachuu hordofee Israa'el buufata waraanaa naannawa Galaanaa Diimatti akka ijaartuuf Somaalilaandi haala mijeessuuf wali galtee gabaasaleen jedhan ni dhiyaatu.

    Gabaasni Biloombergi irraa tibbana ba'es akka agarsiisutti Israa'el waa'ee walta'iinsa nageenyaa ta'uu danda'u irratti Somaali laandi waliin mari'ateerti.

    Gabaasa guutuu: Israa'el Huutii adamsuuf Galaana Diimaa irratti buufata waraanaa ijaaraa jirtii?

20. 16 Bitooteessa 2026Iraan Ameerikaan dirooniikoo fakkeessite biyyoota haleelte jechuun himatte

    

    Madda suuraa, Getty Images

    Gaafa Dilbataa Ministirri Dhimma Alaa Iraan Abbaas Araagchi haleellaa biyyoonni Galoo Galaanaarratti raawwataa jiruuf US fi Isaa'el himachuun akeekanii turan, akka gabaasa Tajaajila Oduu Faars kan Eegduu Warraaqsa Iraanitti hidhata qabutti.

    Dirooniin Ameerikaa Lukaas jedhamu diroonii Iraan Shaahid jedhamu waliin ''tokkuma'' jedhan.

    Sababa kanaaf, hariiroo Iraan biyyoota kanaa waliin qabdu balleessuuf'' dirooniiwwan kuni hojiirra ooluu malu jedhan.

    Ameerikaan diroonii Lukaas jedhamu yeroo jalqabaaf waraana adeemaa jiruurratti fayyadamteetti.

    Haa ta'u malee, ''Iraanumatti deebisnee dhukaasne'' jedhanii turan qondaalli waraanaa US.

    Dubbii Angawaa Iraanis ''soba'' jetteetti Ameerikaan.

    Himannaa Iraanitti deebii kan kennan Ajaji Waliigalaa waraana US Iraan ''dirooniifi misaa'elota kumaatama'' ollaa isheetti dhukaaste jedhe.

    ''Dirooniiwwan Ameerikaa naannichatti kanneen yaaddoo ta'an caasaalee waraanaa Iraan qofaratti xiyyeeffatu,'' jedheera ibsi X gubbaa bahe.

    Gabaasa addaa:Dirooniin Iraaniifi Ameerikaa wal fakkaatuu?