Bliadhna nan ÒranYear of Song

Fliuch an oidhche,
Hù ill oro
Nochd 's gur fuar i,
O hì a bhò
Man d' thug Cloinn Nìll,
Hù ill oro
Druim a' chuain orr'
Boch ho rinn o.

Man d' thug Cloinn Nìll,
Hù ill oro
Druim a' chuain orr'
O hì a bhò
Luchd nan seòl àrd
Hù ill oro
'S nan long luatha
Boch ho rinn o.

Nam brataichean
Dearg is uaine
'S iomadh sgeir dhubh
Ris na shuath i
Agus bàirneach
Ghlas a ghluais i.
Agus duilisg
Dhonn a bhuain i.
Feir thu mach i
Uisge fuaraidh
Feir thu steach i
Abhainn Chluaidh i.
Cha tèid tonn àrd
Shìos na shuas innt'.
Mo bheannachd siud
'N t-saor a dh'fhuaigh'l i
Dh'fhàg e dìonach
làidir luath i.

Coisich a rùin, lùb nan geal làmh
'S bheir soraidh bhuam dha na Hearadh
Gu Seon Caimbeul donn mo leannan,
Bu thric a laigh mi fo d' earradh.
Ma tha, chan ann aig a' bhaile
An lagan uaigneach an cluain a' bharraich.
Do làmh fo m' cheann, d' aodach faram
'S mi fo chirb do bhreacain bhallaich
Gaoth nan àrd bheann draghadh fairis
Uisge fìorghlan, fuarghlan, fallain
O theang' an fhèidh a nì langan.
Fliuch an latha an-diugh 's gur fuar i
'S gun d' thug Cloinn Nill druim a' chuain dhith
Mas fhìor dhomh fhìn chì mi bhuam iad
Le an longannan loma, luatha
Le an ulagan cruinne cruaidhe
Le am brataichean gorm is uaine.
Rèiteach a nochd sa bhail' uarach
Sùilean ghobhar an ceann nan gruagach
'S ma dh'fhaodas mi, 's mi nì buannachd.
Nan cluinninn tè eile luaidh riut
Spìonainn bun is bàrr mo chuailean
'S leumadh mo shròin àrd na stuaigheadh
Dh'fhalbhadh m' anail na ceò uaine.
'S tu fireannach leam as docha
Shaltair air feur riamh no fochann
Laigh air a thaobh deas no toisgeil
No chuir bròg ma cheann a choiseadh
Mo mhil mhìochain 's mo mhil bheachain
Mo dhìtheinean eadar ghart thu
Mo cheòl, mo cheòl, mo cheòl fìdhleadh
'S mo cheòl clàrsaich àrd is ìseal.
'S gura mise th' air mo sgaradh
On chiad Mhàrt do thùs an earraich
M' òg fhleasgach donn gun bhith fallain
Chan eil feum air lèigh nad bhaile
Ge-tà, tha, na, feum air anart
'S mòran mòr de choinnlean geala
'S thug mi 'n oidhche raoir nam chaithris
'S bheir mi 'n oidhche nochd ann fhathast
Gun tèid ùir air sùil mo leannain
Ùir air sùil mo chiad ghràdh falaich.