Bliadhna nan ÒranYear of Song

Air rubha 'n aiseig, thar stuadh an t-sail
Tha long mo bhruadair gam sheòladh gun dàil
Tìr a' Mhurain, cha toir mi fuath
An cala, 's ceann-uidhe, Baghasdal mu thuath.
Alleluiah...

'S bi 'n fhaire a' briseadh air machraichean uain'
O bhaile mòr nan geallaidhean, 's tric tha mo smuain
A' tionndadh 's a' tilleadh air sgiathan na gaoith
Gu cala, 's ceann-uidhe, Baghasdal mu thuath.
Alleluiah...

Is cianail m' aigne, fo uallach 's gun fhois
'S cruas nan cabhsairean gun ghainmhich fom chois
O nach fhaicinn, Èireisgeigh 's an caol
'S an cala, 's ceann-uidhe, Baghasdal mo ghaol.
Alleluiah...

'S madainn Dìdomhnaich le creideamh nar cridh'
Òg is aost', guidhe beannachd-na-sìth
O Reul na Mara, na treig solas m' àigh
An cala, 's ceann-uidhe, Uibhist mo ghràidh.
Alleluiah...