Gallwn ni ddefnyddio dangosyddion i ddosbarthu llawer o gemegion fel cemegion asidig, niwtral neu alcalïaidd. Rydyn ni'n defnyddio'r raddfa pH i fesur asidedd ac alcalinedd. Pan mae asid yn cael ei niwtraleiddio, mae'n ffurfio halwyn.

Mae asidau’n adweithio â metelau, basau a charbonadau i gynhyrchu halwynau. Niwtralu yw’r adwaith rhwng asid a bas.

Rydyn ni’n defnyddio dull titradu i baratoi halwynau os yw’r adweithyddion yn hydawdd. Gallwn ni ddefnyddio titradiadau i gyfrifo crynodiad a chyfaint adweithyddion.