လွှတ်တော် အမြဲတမ်းကော်မတီတွေမှာ ဗိုလ်ချုပ်ဟောင်းတွေ ဦးဆောင်
လွှတ်တော် အမြဲတမ်းကော်မတီတွေမှာ ဗိုလ်ချုပ်ဟောင်းတွေ ဦးဆောင်
နေပြည်တော်မှာကျင်းပနေတဲ့ လွှတ်တော်နှစ်ရပ်မှာ လွှတ်တော် အမြဲတမ်း ကော်မတီလေးခုကိုဆက်တိုက်ဖွဲ့စည်းနေပါတယ်။ ဒီကော်မတီတွေဟာ အစိုးရကို အပြန်အလှန်ထိန်းကျောင်းကြပ်မတ်ရမယ့် အဓိကကျတဲ့လွှတ်တော်ရဲ့ ယန္တရားကြီးတွေ လည်းဖြစ်ပါတယ်။ အဲဒီကော်မတီလေးခုလုံးကို ကြံ့ခိုင်ရေးပါတီက ကိုယ်စားလှယ်တွေပဲ ဦးဆောင်ပြီး တပ်ကိုယ်စားလှယ် ၂ ဦးစီလည်း ထည့်သွင်းဖွဲ့စည်းထားပါတယ်။ ဥက္ကဋ္ဌအများစုဟာလည်း စစ်ဗိုလ်ချုပ်ဟောင်းတွေ ဖြစ်ပါတယ်။ လာမယ့် မတ်လ ၂၆ရက်နေ့မှာ ကော်မတီအားလုံးဖွဲ့စည်းမှု အပြီးသတ် ဆောင်ရွက်မှာဖြစ်ပါတယ်။ အပြည့်အစုံကို မအေးသူစံက နေပြည်တော်က နေ သတင်းပေးပို့ထားပါတယ်။
