Gwnewch Slalom Losin i brofi hyn!... Bydd angen... 6 rolyn cegin Bocs cardfwrdd gwag Tâp gludiog Glud Tudalennau i'w hargraffu Pensiliau lliw/paent Siswrn diogelwch Losin! Marshmallows, taffi Cyfarwyddiadau: 1. Cymerwch 6 rholyn cegin a gofynnwch i oedolyn i'ch helpu i dorri ar draws pob pen ar ongl. 2. Lliwiwch 3 rholyn o'r papur cegin mewn lliwiau o'ch dewis chi. 3. Ar ôl i'r paent sychu, gludiwch nhw gyda'i gilydd mewn llinell. 4. Ar un pen torrwch allan y geg, ac yna ychwanegu'r tafod a llygaid y neidr! Gofynnwch i oedolyn i'ch helpu i dorri allan. 5. Mi fydd yn rhaid ichi ail wneud camau 2 i 4 ar gyfer y 3 rholyn cegin arall, a'u rhoi ar un ochr. 6. Cymerwch y bocs cardfwrdd a thorrwch allan siapau hanner cylch sy'n ffitio eich neidr (gweler y llun) Gofynnwch i oedolyn i'ch helpu i dorri allan y siapau a rhoi'r nadroedd i mewn i'r bocs. 7. Lliwiwch y bocs mewn lliw lliwgar ac yna ei adael i sychu. 8. Argraffwch y tudalennau stensil, ac yna eu lliwio gan ddefnyddio'r pensiliau. 9. Rhowch glud ar y lluniau a'u gosod ar y bocs - mi fydd yn edrych yn wych! 10. Gludiwch y neidr wedi ei wneud o'r rholyn cegin a'i ffitio i mewn i'r bocs. A dyna chi! - mae'n bryd ichi roi cynnig ar eich ras Slalom Losin arbennig chi! Allwch chi ddyfalu pa losin fydd yn ennill? Y rheswm pam bod y losin yn syrthio i lawr drwy'r rolyn cegin yw oherwydd disgyrchiant. Mae disgyrchiant yn rym cudd sy'n gwneud pethau ddisgyn i lawr i'r ddaear. A dyna'r rheswm nad ydym yn arnofio fel y mae pobl yn gwneud yn y gofod, lle nad oes disgyrchiant. Mae gwrthrychau trymach yn disgyn i'r ddaear yn gynt. Beth am i chi geisio rasio gyda gwahanol fathau o losin a gweld pa un yw'r cyflymaf! Enillydd y ras honno fydd y trymaf hefyd. | ||||
 |