Gwneud Addurniadau Nadolig

Bydd angen:

• Papur crêpe
• Cerdyn
• Rhubanau aur ac arian
• Paent aur ac arian
• Brwsh paent
• Pensil/pen ffelt /craeon
• Siswrn diogel
• Glud
• Cortyn
• Pren mesur


Mae'r Tweenies yn hoffi gwneud addurniadau Nadolig! Nawr fe elli di wneud dy rhai di! Gofyn i oedolyn dy helpu a rho gynnig arni!

1. Torri'r papur crêpe yn sgwariau mawr, plygu nhw yn hanner a dal ati i blygu'r papur drosodd nes bod gennyt stribedyn hir tua 2 centimedr ar draws.

2. Defnyddio'r cortyn i glymu cwlwm yng nghanol y stribedyn, ac agor y plygion allan.

3. Lliwio siapiau lleuad a sêr ar y cerdyn.

4. Torri pob siâp allan.

5. Paentio dy siapiau gyda'r paent aur ac arian. Tyllu twll bach yn agos at ymyl pob siâp ac wedyn rhoi darn o gortyn drwodd. Clymu'r cortyn gyda chwlwm.

6. Torri'r rhuban y ddarnau o tua 20 centimedr. Plygu'r darnau o ruban yn eu hanner a'u rhoi mewn parau.

7. Rhoi un darn wedi plygu ar draws un arall a'u gludo gyda thâp gludiog.

8. Nawr rwyt ti'n barod i addurno coeden Nadolig!