शरद पवार यांनी सांगितला राजकारणात यशस्वी व्हायचा मंत्र
फोटो स्रोत, @PawarSpeaks
"राजकारणामध्ये कमी कष्टानं आणि कमी भांडवलानंही यश मिळतं, फक्त समोरच्या व्यक्तीचं नाव तुम्ही लक्षात ठेवायला हवं."
राष्ट्रवादी काँग्रेसचे अध्यक्ष शरद पवार यांनी हा सल्ला दिला आहे.
शरद पवार यांच्या वाढदिवसाच्या निमित्तानं 'नेमकचि बोलणे' या पुस्तकाचं प्रकाशन झालं. या पुस्तकामध्ये शरद पवार यांची काही भाषणं देण्यात आलेली आहेत.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त, 1
या प्रकाशन सोहळ्यामध्ये अभिनेते आणि कवी किशोर कदम यांनी शरद पवारांना सगळ्यांची नावं लक्षात ठेवणं कसं शक्य होतं, असं विचारलं त्यावेळी शरद पवारांनी याबाबतचा एक किस्सा सांगत जुन्या आठवणींना उजाळा दिला.
लोकं लहान गोष्टींतही समाधानी-पवार
किशोर कदम यांनी शरद पवारांना, तुम्ही भेटलेल्या सर्वांची नावं लक्षात ठेवता, याची ट्रिक काय? असा प्रश्न केला.
त्यावर शरद पवार म्हणाले की, "राजकारणामध्ये कमी कष्टानं आणि कमी भांडवलानंही यश मिळतं, फक्त समोरच्या व्यक्तीचं नाव तुम्ही लक्षात ठेवायला हवं."
त्यांनंतर पवार यांनी ते मुख्यमंत्री असतानाचा एक किस्सा सांगत, नाव लक्षात ठेवल्याचा फायदा कसा होतो, हे सांगितलं.
फोटो स्रोत, @PawarSpeaks
"मुख्यमंत्री असताना एके दिवशी माझ्या मतदारसंघातली एक महिला मला भेटायला आली. तिचं नेमकं काम ऐकून घेण्याआधीच मी तिला विचारलं, 'काय गं कुसुम, काय काम काढलं मुंबईला'."
तेवढं ऐकूुच, "साहेबांनी मला कुसुम म्हणून हाक मारली, आता काम होवो ना होवो, अशी लोकांची भावना असते. ते फार लहान-लहान गोष्टींमध्ये समाधानी होत असतात," असंही पवार म्हणाले.
"अशा गोष्टी जाणीवपूर्वक लक्षात ठेवल्या तर त्याचा फायदा होतो. मी राजकारणात असे एक-दोन लोकं पाहिले आहेत. यशवंतराव चव्हाण, वसंतदादा पाटील यांचा त्यात समावेश होता.
"कितीही जुनी ओळख असलेल्या व्यक्तीचं नाव त्यांच्या लक्षात राहत होतं. या गुणामुळं समाजात कायम स्वरूपी स्थान प्राप्त व्हायला यश मिळालं," असं देखील पवार यांनी यावेळी सांगितलं.
या कार्यक्रमात असेच इतरही काही किस्से उपस्थितांनी सांगितले. पुस्तकाचे लेखक सुधीर भोंगळे यांनीही यावेळी शरद पवारांचा टेम्पो चालवण्याचा एक किस्सा सांगत, त्यांच्या धडाडीचं कौतुक केलं.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त, 2
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
