मँचेस्टरच्या आजीची तुरुंगात जायची इच्छा झाली पूर्ण

फोटो स्रोत, PA
आयुष्यात काहीतरी अतरंगी गोष्टी करण्याची सगळ्यांची इच्छा असते. मँचेस्टरमध्ये एक खापरपणजी आहे. तिनेही एक इच्छा व्यक्त केली, तुरुंगात जाण्याची आणि ती काही अंशी पूर्णही झाली.
होजी बर्ड नावाची आजी आयुष्यभर अतिशय छान वागली. आता आयुष्याच्या संध्याकाळी तिला काहीतरी खोडकरपणा करायची इच्छा झाली आणि तिची रवानगी थेट तुरुंगात झाली.
शनिवारी हा सगळा प्रकार झाला. मात्र त्यांची नात पाम स्मिथ यांच्या मते पोलिसांनी तिला तुरुंगात टाकताना एक लक्ष्मणरेषा आखली.

फोटो स्रोत, Family Handout
म्हणजे काय तर प्रत्यक्ष तुरुंगात टाकण्याऐवजी तिची कसून चौकशी केली. इतकंच नाही तर तिला चहा आणि केकही खायला दिलं.
या होजी आजीला सहा मुली, 20 नातवंडं, 28 पतवंडं, 2 खापरपतवंडं आहेत. या आजीवर चोरीचा आळ होता.
"आजीवर एका किराण्याच्या दुकानातून वस्तू चोरल्याचा आरोप होता." त्यावर "मी तिथून कधीच वस्तू घेत नाही." असं उत्तर तिने दिलं.

फोटो स्रोत, PA
"पोलिसांनी तिला बेड्या घातल्या आणि व्हॅनमध्ये बसवून घेऊन गेले आणि तिची कसून चौकशी केली. तिला तुरुंगातही जायचं होतं मात्र तिथे पोलिसांनी मर्यादारेषा आखून दिली. त्याऐवजी तिला चहा आणि केक दिले."
या अनुभवामुळे आजी फारच उत्साहित होती. ती आपला अनुभव रविवारी सगळ्यांना सांगत होती असं तिच्या नातीने सांगितलं.
हा अनुभव दिल्याबद्दल आम्हाला आनंद झाला असं ट्विट मँचेस्टर पोलिसांनी केलं आहे.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)








