ویلادیمیر پوتین؛ له جاسوسۍ تر څلورم ځل ولسمشرۍ

ویلادیمیر پوتین د څلورم ځل لپاره د روسیې د ولسمشر په توګه لوړه وکړه. د لوړې مراسم کرېملېن تالار کې جوړ شوي وو او کابو پنځه زره کسانو پکې ګډون وکړ.

تر لوړې وروسته ښاغلي پوتین په خپله وینا کې وویل، د روسیې د ولس له وړتیاوو به کار اخلي او روسیې ته به د پرمختګ زمینه برابروي.

نوموړی له تېرو ۱۸ کلونو راهیسې په روسیه کې یا د ولسمشر او یا هم د لومړي وزیر په توګه په واک کې پاتې شوی.

مخالفین یې پر ده نیوکه کوي چې د یو امپراتور یا څار په څېر چلن کوي او نه غواړي له واکه لېرې شي.

نوموړی د تېر مارچ ټاکنو کې څلورم ځل ولسمشر شو.

هغه له ۱۸ کلونو راهیسې د ولسمشر او لومړي وزیر په توګه واکمن دی.

* پوتین ولې د امریکا پر فلوریډا بم غورځول غواړي؟

* پوتین: 'نه ماتېدونکي' اتومي سیستمونه مو چمتو کړي

مخالفان یې پخوانی څار(تزار) یا امپراتور واکمن بولي.

د شنبې په ورځ په مسکو او د روسیې نورو ښارونو کې د پوتین پرضد مظاهرې هم وشوې.

د دوشنبې په ورځ د نوي تاوتریخوالي وېره شته.

فرانس خبري اژانس وايي، ښايي د ۲۰۱۲ کال د ولسمشرۍ تر مراسمو دا مراسم کم وي.

دا اژانس زیاتوي ښايي ولسمشر پوتین یواځې له هغو کسانو سره وګوري چې د ده لپاره یې دواطلبې ټاکنیزې هڅې کړې دي.

که څه هم د روسیې د ټاکنو کمېسون وایي، نوموړي تېرو ټاکنو کې ۷۶ سلنه رایې وګتلې، خو د درغلیو رپوټونه هم ور کړل شوي دي.

* له پوتین سره څوک روسیه اداره کوي؟

* د پوتین او ټرمپ بله لیدنه چې له رسنیو پټه پاتې وه

یو نامي مخالف مشر الیکسي ناویلاني له ټاکنو منع شوی و.

نوموړی د تېرې شنبې په ورځ هم مظاهرو کې- په دې شعار سره چې "زموږ ستوری نه دی" د ګډون لپاره تیار و- خو ونیول شو.

د پوتین ولسواک مخالفان پر ده تور لګوي چې روسیه کې یي ولسواکي کمزورې کړې او داسې پالیسي یې غوره کړې چې له پارلمان یې ریښتوني مخالف ګوندونه لرې کړي او په واک کې یې خپل ځان او ملګري ساتلي دي.

پوتین بیا بیا ولسمشر کېږي؟

پوتین اول ځل ۲۰۰۰ کال کې ولسمشر شو، پر ۲۰۰۴ کال بیا وټاکل شو او ۲۰۰۸ کال یې خپل روزلی نیالګی دیمیتري میدویدوف ولسمشر شو، ځکه ده ته له دوه ځلې پرلپسې ولسمشر کېدلو ډېره اجازه نه وه.

خو بیا د شکونو په ریښتیا کېدلو سره پوتین پر ۲۰۱۲ کال دریم ځل د شپږو کلونو لپاره ولسمشر شو.

* پوتین کریمیا ته تللی دی

* عرب شهزاده، پوتین، ټرمپ او بلک واټر

کله چې دغه ۶۵ کلن سړی پر ۲۰۲۴ کال د څلورمې ولسمشرۍ پای ته رسېږي نو د یوې پېړۍ نږدې څلورمه برخه به واکمن پاتې وي.

دی به د روسیې له هغو واکمنو لږ پاتې را شي لکه د پخواني شوروي دیکتاتور ستالین چې ۳۱ کاله واکمن و، یا هم ځینې روسي څاران لکه الیکساندر دوه چې ۲۶ کاله او نیکولای یو چې ۳۰ کاله یې په واک منګولې کلکې کړې وې.

جاسوس ولسمشر شو

پوتین روسیه څنګه بدله کړه؟

عادي روسان د ویلادیمیر پوتین د لومړنیو کلونو واکمنۍ هرکلی کوي چې ټیکاو یې رامنځ ته کړ، د پیسو پړسوب یې کم کړ او پراختیايي کارونه یې وکړل.

شمالي قفقاز کې یې هغه بېلتونپالی تاوتریخوالی په خونړي ډول پای ته ورساوه چې له ده مخکې د بوریس یالڅین وخت کې پیل شوی و.

د تېل او ګاز په پیسو د ودې او پرمختیا په زیاتېدلو سره د پوتین واک زیات شو د خپلواکو رسنیو او سیاسي ازادۍ ملاتړ یې وکړ.

* "د پوتین پړانګ" په چین کې وزه خوړلې

* ویلا دیمیر پوتین د جاپانیانو سپی په ډالۍ ونه مانه

پر ۲۰۱۴ کال یې له روسیې سره د کریمیا په یو ځای کولو له سړې حګړې وروسته لوی نړیوال کړکېچ ته لمن ووهله، چې له امله یې تر نن پر روسیه د لوېدیځ بندیزونه لګېږي.

روسیه پر ۲۰۱۶ کال د امریکا په ولسمشرۍ ټاکنو کې په لاسوهنه تورنېږي، د مسکو او واشنګټن اړیکي نور هم خراب شول.

سږ کال برتانیا هم پر روسیه تور ولګاوه چې پر یو جاسوس یې لندن کې برید کړی دی، خو مسکو دا تورونه ردوي.

پوتین پر نړۍ څه منل غواړي؟

سیاسي شنونکي دیمیري اورشکین له فرانس خبري اژانس سره خبرو کې ویلي، چې اوسنۍ ولسمشرۍ کې به د نړیوالې تولنې په تړاو پوتین خپله پالیسې کې بدلون ولري.

"روسیه د افغان- شوروي جګړې وروسته داسې نه وه ګوښه شوې. اوس پوتین له روسیې سره د نوې ځمکې یو ځایول نه غواړي".

د هغه په خبره، پوتین به هڅه کوي پر نړۍ د روسیې ګټې او پخوانی ځای ومني.