Luis Quinones of Tigress UANL pour water on im sef during di Fifa Club World Cup semi-final for di Qatar Education City Stadium for February 2021 for Doha

World Cup 2022: Cool way to make desert stadium cool

Wen dem select di Gulf state of Qatar as host for di 2022 World Cup,some pipo no happy, some of di concern di di issue of di kingdom human rights record to actual logistical challenges like how players and fans go cope for kontri wey dia temperatures dey pass 40C?

Moving di tournament go winter period na one answer. But di desert nation wey get money still dey promise to leave better legacy: technology advancement wey go make am possible to hold di event all year round, even for di hottest kontris. Local Qatari footballer Hajar Saleh say di heat and humidity make playing for di region a massive challenge.

So how dem go make make life comfortable for players and spectators, wey e no go affect di earth?

Aerial view of Al Janoub Stadium wit large red arrows wey dey show di warm air

Keeping tins cool on di pitch and in di stands na im make dem invent solutions. Make we look inside.

On match days, 40,000 go fill the stands, each one na source of heat and moisture.

Di hot combination of Qatar temperature and warmth dem generate within di venue call for effective cooling system.

Na cool air from di vent under each seat go cool football fans for di stands.

Di small nozzle, go act as shower head, allow air to diffuse and cover all di spectators.

Di flow dey gentle, rather dan blowing like di air inside plane.

Dis go benefit di fans, but wat about di players on di pitch?

Modern footballers fit run more dan 10km during one match, wia dem dey lose up to three litres of dia sweat, so dem need to keep cool and hydrated.

Graphic image wey show show di inside of di Al Janoub Stadium for Qatar wit di pitch and stands colour in blue to indicate coolness.

For di hot environment of Qatar, e dey harder for sweat to comot and di body fit overheat, risking heat exhaustion.

So, for di Qatar World Cup, cold air go come out from big nozzles into di stadium to help create cool air over di pitch.

Di air conditioning expert wey follow develop di system, Dr Saud Abdul Ghani, say di the angle of di vents, and wia and how di cold air spread, mean say players no go too feel di breeze.

Di result na bubble of cool air within di stadium, e no high pass two metres from di ground or stands, instead of cold air wey go dey blast into di desert sky. So wetin go happun next?

As di cool air dey warm up again, e go comot through extractor fan wey dey di middle tier area.

Den di machine go filter am, re-cool and pump back into di stadium, to complete di process.

Once di cold water absorb di heat, e go pump inside one big 40,000 litre storage tank, 3km (1.86 miles) away, wia e go re-cool, ready for di next day match.

Graphic side view of stadium wit solar panels

Na one solar plant go power di entire cooling system around 80km (50 miles) from di centre of Qatar capital, Doha.

Dr Cool

Di man wey devise di entire system, Dr Saud Abdul Ghani, tell di BBC say Qatar wan create legacy, to serve di kontri long afta di footballers don go home.