le Cathy NicDhòmhnaill

Tharraing trusgain Stephen Libby à Steòrnabhagh aire mhòr air a phrògram telebhisean, The Traitors. Dè tha do chuid aodaich ag innse mu do dheidhinn agus a bheil e dèanamh diofar dhut fhèin, gu dè th'ort bho là gu là? Tha sinn a' faighinn beachd bho aoighean aig a bheil ùidh ann a fasan agus stoidhle.

Dh'èirich ùpraid ann a soaghal ball-coise ann an 2002, nuair a choisich Roy Keane air falbh bho sgioba na h-Eirinn, goirid ro Chupa na Cruinne. Tha film ùr, air a bheil Saipan, a' tarraing air na thachair. Tha John Neil Dòmhnallach a' toirt beachd air a film.

'S ì Alice Nic a' Mhaoilein, cèiliche na seachdain. Thogadh Alice ann an teaghlach gu math ceòlmhòr. Bha a seanair, Seonaidh Mac a' Mhaoilein, ainmeal mar sheinneadear 's a chòmhlan, The Lochies. Tha'n dìleab sin prìseil dhith agus i direach air clàr ùr fhoillseachadh i fhèin, air a bheil Àrach mar thiotal.