BBC News, پښتو - کور پاڼه

اندونیزیا کې یوه ښځه او سړی د جنسي اړیکې لرلو په تور نیول شوي

د اندونیزیا په اچې ولایت کې یوه ښځه او سړی د جنسي اړیکې او شراب څښلو له کبله ۱۴۰ درې وهل شوي دي. یاد سړی او ښځه یو بل ته په نکاح شوي نه وو. چارواکي وایي، دا لومړی ځل دی چې په عام محضر کې د دومره لوړ شمېر درو سزا پلې کېږي او دا چې دغه ۲۱ کلنه ښځه د وهل کېدو پر مهال بې‌‌ حاله شوه.

جاپانی رباب غږوونکی: د "جاپانستان" په نوم البوم کې یې افغاني او جاپاني نغمې را ټولې کړې دي

کینګو سایتو، په جاپان کې زېږېدلی هنرمند دی، چې له کلونو راهیسې په پاریس کې ژوند کوي. هغه چې کله د ښکلو هنرونو په برخه کې د موسیقۍ زده کړو لپاره فرانسې ته ولاړ، له رباب سره اشنا شو او دې سره یې د هنر لوری ور بدل شو. کینګو سایتو وایي، د رباب غږ ور باندې ژور اغیز وکړ او په چټکۍ سره یې د هغه په هنري ژوند کې ځای پیدا کړ. کینګو سایتو د تمثل ترڅنګ د موسیقۍ تر لسو ډېري الې غږولی شي، خو د یاد شمېر سازونو له ډلې یې سیتار، طبله او رباب ډېر خوښېږي.

زومبي فنګس: د نوي کشف شوي ډول په اړه یې موږ څومره پوهېږو؟

ساینسپوهانو د برازیل د اټلانټیک ځنګل (د ریو دي جېنېرو په شاوخوا) کې د "زومبي فنګس" په نوم یو نوی ډول پېژندلی دی. دا فنګس د خپل ارغواني رنګ او د موندنې ځای له امله "Purpureocillium atlanticum پپوریو سیلیم اتلانتیکم " نومول شوی او د بریتانیا د رویال بوټانیک ګارډنز، کیو لخوا په ۲۰۲۵ کې د نباتاتو یا فنګسي ډولونو د ۱۰ غوره نویو ډولونو له جملې وټاکل شو. دا فنګس په ځانګړي ډول د غڼیو پر ناروغۍ تمرکز کوي، هغه چې په ځنګل کې د ښکار د نیولو لپاره کوچني جالونه یا تلکونه د دروازې سره جوړوي.

درې هغه لاملونه چې د سرو زرو بيه یې بې سارې لوړه کړه، د بېرته کمېدو لامل یې څه کېدی شي؟

په دې وروستیو کې د سرو زرو د یوه اونس یا نږدې (۲۸ ګرامه) سرو بیه په لومړي ځل له پنځو زرو ډالرو واوښته او د یوه لنډ وخت لپاره خو ان پنځه زره پنځه سوو ډالرو ته ورسېد که څه هم وروسته دا نرخ څه را ټیټ شو. د نقرې یا سپینو زرو بیې هم لوړې شوې دي تر دې چې هر اونس یې شاوخوا ۹۸ ډالره خرڅېده په داسې حال کې چې کال مخکې یې نرخ ۳۵ ډالره وو. د بیو یو ناڅاپه لوړیدو ته په کتو یو زیات شمېر پانګه وال دې ګرانبیه فلزاتو ته د امن او خوندي پناه ځای په نظر ګوري.

د بلوچستان په بریدونو کې ښځينه بریدګرې څوک وې؟

د پاکستان له بلوچستانه رپوټونه وايي چې هلته د تېرې شنبې له سهار راهیسې د بلوڅ بیلتون‌پالو له بریدونو را وروسته لا هم حالات ترینګلي دي. په دغه ایالت کې پر غونډو بندیز دوام لري او په مرکز کوټه کې خلک انټرنېټ ته په لاس‌رسي کې له ستونزو سره مخ دي. په دغه برید کې د بي‌اېل‌اې د درو ښځينه غړو د ګډون په اړه هم بېلابېل خبرونه لاس‌په‌لاس شوي دي. په همدې حال کې د بلوچستان اعلی وزیر سرفراز بوګټي په یوه خبري کنفرانس کې ویلي چې په دغه ایالت کې د عملیاتو پرمهال ۱۴۵ وسله‌وال وژل شوي دي.

درس