le Cathy NicDhòmhnaill

Available for 10 days

Le fios gun tòisich an Tour de France ann an Dun Eideann ann an 2027, dè na slighean eile ann an Alba a bhiodh math son an fharpais? Tha Gòrdan Camshron, Tina Bruce, agus Kerr Gibb a' beachdachadh air a' ghnothaich. Cluinnidh sinn bhon sgrìobhadair Iain Fionnlagh MacLeòid mun bhloga aige far a bheil e a' taisbeanadh diofar sheallaidhean de dhualchas is eachdraidh nan eilean is nan Gàidheal. Agus leis gur e seo an àm dhen bhliadhna nuair a bhios gu leòr ann an coimhearsnachdan Pròsdanach a' beachdachadh air clàradh son campaichean na h-Eaglais Saoire nas fhaide air adhart sa bhliadhna, dè tha còrdadh ri daoine mun dèidhinn? Còmhla ri Cathy tha triùir aig a bheil iomadach deagh chuimhne air na turasan aca gu diofar champaichean air feadh na rìoghachd. 'S iomadh rud a thig is a dh' fhalbhas às an fhasan - agus tha e coltach gu bheil barrachd is barrachd dhaoine a' cleachdadh sauna, is e gu mòr air a mholadh dhuinn a thaobh slàinte inntinn is fiù bodhaig. Ach dè an tarraing a th' ann? Sin a' cheist a th'aig Cathy dha feadhainn a tha air leth dèidheil orra.