còmhla ri Emma NicLaomainn

Available for 16 days

Chaidh dealbhan iongantach de dh'fheur-mara a' fàs ann an cearcallan a ghlacadh air camara ann an Caolas Bharraigh. Tha na cearcallan-sìthe mar a thathas a' gabhal oirre, a' togail aire dhaoine ri linn cho gann 's a chì thu a leithid, agus gu h-àraidh aig àm far a bheil feur-mara air crìonadh gu mòr ann an Alba. Tha Diorbhail Wentworth ag obair na h-Oifigear Pròiseict Feur-mara aig Urras Iasgaich Taobh Siar Rois, agus tha i a' mìneachadh do dh'Emma dè dìreach a th'ann am feur-mara, agus carson a tha na dealbhan seo cho cudromach. S iomadh tionndaidh a chaidh a chur air leabhraichean Agatha Christie thar nam bliadhnaichean. Tha an fhear as ùire, an t-sreath Seven Dials, ri fhaicinn air Netflix an-dràsta. Tha Ruairidh Mac an t-Saoir, a tha gu math dèidheil air sgrìobhadh Agatha Christie, air sùil a thoirt air. Agus tha seachdain gu math trang agus inntinneach aig Fèis Ròis agus triùir luchd-ciùil à Bhietnam a tadhal orra. Mar phàirt den phrògram Ceangalaichean Comhairle Bhreatainn tro Chultar, tha cothrom aig an triùir co-obrachadh le Mairearad Green agus Mike Vass, a bharrachd air a bhith an lùib chlasaichean agus bùthtan-obrach na fèise. Tha Emma a' cluinntinn an tuilleadh bho Jamie Dòmhnallach bho Fèis Rois.