le Cathy NicDhòmhnaill.

Available for 2 days

Tha bràithrean fo chasaid murt anns an Fhraing, 's aire mhòr ga thoirt dhan chùis air feadh an t-saoghail. Cha ghabh dearbhadh cò aca da-rìreabh a mharbh daoine ri linn 's nach eil diofar sam bith eadar an DNA aca. Tha Patsi NicChoinnich anns an Fhraing, 's i a' toirt sùil air a' chùis. An t-seachdain sa chaidh, chuala sinn mu mar a chaidh peilear a lorg ann an ceann-leapa anns an robh Teàrlach Òg Stiùbhart na chadal ann an 1746. Tha na h-uimhir de sgeulachd a' Phrionnsa againn sgrìobhte ann an eachdraidh, ach dè na rudan nach eil cho aithnichte? Tha an t-eòlaiche eachdraidh Niall Bartlett ann an còmhradh ri Cathy mun a sin. Buinidh cèiliche na seachdain dhan na Hearadh ged a tha a dhachaigh an-diugh ann an Cathair Chaladain. Bha Murchadh Aonghas MacIlleathain na Chomhairliche airson Sgìre Ceann a Deas na Hearadh fad 8 bliadhna gus an do ghluais e a Dhùn Èideann far an robh e ag obair aig an Edinburgh Old Town Weaving Company, bùth air a' Royal Mile a bha a' tarraing tòrr dhaoine ainmeil agus luchd-turais bho air feadh an t-saoghail 's iad a' reic clò agus aodach tartain.