còmhla ris an Urr Calum Dòmhnallach, an Eaglais Shaor

Available for 19 days

Anns an t-seirbheis cluinnidh sibh na sailm agus an leughadh a leanas: Salm 33: 18-19 air fonn Evan agus 's e D R Dòmhnallach a tha os cionn na seinn le taic bho choitheanal Eaglais Naomh Chaluim Chille ann an Dùn Èideann Salm 34: 18-19 air fonn Coleshill agus 's e Calum MacLeòid a tha os cionn na seinn le taic bho choitheanal Eaglais Shaor Chàralabhaigh Salm 72: 12-13 air fonn London New agus 's e Calum Moireasdan a tha os cionn na seinn le taic bho choitheanal Eaglais nam Manach-liath ann an Inbhir Nis. Leughadh: Mata 15: 21-39 Ceann-teagaisg: Mata 15: 30-31 Thogadh Mgr Dòmhnallach ann am baile Shiaboist, air Taobh Siar Leòdhais. Às dèidh dha an sgoil fhàgail fhuair e obair ann am Muileann a' Chlò Hearaich a bha anns a' bhaile agus lean e air ag obair ann an sin airson 9 bliadhna. 'S ann às an aon bhaile a tha a bhean aige, Mairead agus tha dithis chloinne aca - Aonghas, a tha na shaor ann an Glaschu agus Anna, a tha na banaltram ann an Inbhir Nis. 'S ann nuair a bha e 23 bliadhna a chaidh Mgr Dòmhnallach iompachadh agus bliadhna no dhà às dèidh sin dh'fhairich e gairm chun na ministrealachd. Chaidh e air ais gu foghlam aig àrd-ìre agus gu ruige Oilthigh Obar Dheathain far an do rinn e MA. Às an sin chaidh e gu Colaiste na Diadhachd aig an Eaglais Shaor ann an Dùn Èideann. B' ann gu sgìre na Pàirce a chaidh e an toiseach na mhinistear agus bha e an sin airson 7 bliadhna gus an do ghluais e a Chalanais far an robh e na mhinistear airson 23 bliadhna. Leig e dheth a dhreuchd ann an 2025. Ged nach eil uallach coitheanal air, tha e fhathast gu math tric a' searmonachadh ann an diofar sgìrean air an deireadh sheachdain. Nuair a gheibh e ùine dha fhèin airson beagan cur-seachad, 's toil leis a bhith a' ruith chaorach, nì anns a bheil tlachd air a bhith aige bho làithean òige.