An Nowodhow - the News in Cornish

Available for over a year

Recording 1/3 Myttin da. Konsel Kernow re ros kummyas dhe dhyghtyoryon gool ilow Boardmasters a geworra peswora dydh a ilow vyw nessa bledhen. Yn termyn eus passyes, y hwarva an ilow vyw yntra dy’Gwener ha dy’Sul a-varr yn mis Est, mes yn dew vil seyth warn ugens y talleth dy’Yow. Dres henna, yma kummyas dhe’n dhyghtyoryon kressya nivelyow son gwrys gans an bagasow ow performya ena, spit dhe brederow a nebes konseloryon. Kevarwodher an gool, Rob Spring y hanow, a leveris y fynnas ev surhe may fo an gool “orth nivelyow dell dhesedh dhe wolyow keswlasek bras, heb ania kentrevogyon”. Byttegyns, perghen park-havi Trelugh, Abby Paull, a leveris, “Pub bledhen ni a dhegemer krodhvolyow dhyworth gwestoryon ow tochya ilow diwedhes y’n nos, kosk goderrys ha fleghes na yllons omdhiskwitha”. Hi a geworras bos own dhedhi y fedha moy krodhvolyow y’n termyn a dheu. Translation 1/3 Good morning. Cornwall Council has given the organisers of the Boardmasters music festival permission to add a fourth day of live music next year. Previously, the live music took place between Friday and Sunday early in August, but in 2027 it will begin on a Thursday. Additionally, the organisers have permission to increase the sound levels produced by the bands performing there, despite the concerns of some councillors. Festival director Rob Spring said that he wanted to ensure that the festival would be “at the levels expected of major international festivals, without creating a nuisance for neighbours”. However, the owner of Treloy holiday park, Abby Paull, said, “Each year we receive complaints from guests about late night music, sleep disruption and children being unable to settle." She added that she was afraid that there would be more complaints in future. Recording 2/3 Ygerys veu an Edenva yn mis Meurth, nans yw pymp bledhen warn ugens. Ha, rag solempnya an penn-bloodh na, an trest a dhellos derivas ow tielvenna y gevro dhe erbysiedh Kernow a-dhia nena. Pennweythresek Edenva, Andy Jasper y hanow, a dhelivras an derivas dhe Westminster rag diskwedhes an dalvosogeth a skoodhya ragdresow selys yn bys naturel. Dres an pymp bledhen warn ugens eus passyes, an trest a dhynerghis moy es pymp milvil warn ugens a vysytyoryon, ha keworra hwegh poynt eth bilvil a beunsow dhe’n erbysiedh leel. Dres henna, an trest a leveris y hwra an ragdres skoodhya a-dro dhe seyth kans soodh pub bledhen. Patron yw an Edenva rag displegyansow kerghynedhel yn ranndiryow erel an Ruvaneth Unys. Y trehevir seulabrys Edenva nowydh yn Morecambe, hag yma towlow rag onan moy yn Alban. Translation 2/3 The Eden Project was opened twenty-five years ago, in March. And, to celebrate this anniversary, the trust has published a report analysing its contribution to Cornwall’s economy since then. The chief executive of the Eden Project, Andy Jasper, delivered the report to Westminster to demonstrate the value of supporting projects based on the natural world. Over the last 25 years, the trust has welcomed more than 25 million visitors and added about £6.8 billion pounds to the local economy. In addition, the trust said that the project supports about 700 jobs every year. The Eden Project is now a model for environmental developments in other parts of the UK. A new Eden Project is already under construction in Morecambe, and there are plans for another in Scotland. Recording 3/3 Konsel Kernow re gomendyas towlow rag treylya kyns skol yn Krugglas dhe anedhow. Drehevys veu an skol gynsa diwedhes y’n nownsegves kansbledhen gans pennser kernewek a vri Silvanus Trevail, mes degys veu yn dew vil ha deg, wosa an ygeryans a skol nowydh. A-dhia nena, y feu an skol gesys dhe goll, ha nans yw hwegh bledhen, ogas ha distruys veu pan wrug vandals gorra tan ynni. Yth esa govenek dhe anedhysi leel sawya an drehevyans ha gul devnydh anodho avel kresen gemenethel. Mes, y’n gwettha prys, ny allsons i kavos arghasans lowr. An berghennow nowydh a vynn drehevel eth chi war an tyller, hag yma govenek dhedha gwitha kemmys a’n skol dherowel es dell yllons. Ha henn yw oll ahanav vy an seythen ma. Terebo nessa! Translation 3/3 Cornwall Council has approved plans to convert a former school in Carclaze into homes. The primary school was built late in the 19th century by the famous Cornish architect Silvanus Trevail, but it was closed in 2010 after a new school opened. Since then, the school was left derelict, and six years ago, it was almost destroyed when vandals set fire to it. Local residents hoped to save the building and use it as a community centre, but unfortunately, the were unable to raise enough funding. The new owners intend to build eight houses on the site, and they hope to retain as much of the original as possible. And that’s all from me for this week. Until next time! Pic: Newquay by Jules.