An Nowodhow - the News in Cornish

Available for over a year

Recording 1/3 Myttin da. Mirva Chi Pennlegh yn Pennsans re brenas lymnans oyl gans an artydh a vri Walter Langley orth kost a bymp ha tri ugens mil beuns. Langley o onan a’n kynsa artydhyon dhe dhos ha triga yn Kernow West, le may hwrug ev, war-barth hag artydhyon erel kepar ha Stanhope Forbes, selya an drevesigeth a artydhyon aswonys avel Skol Lulynn. Gwrys veu an lymnans, Pyskadoryon Gernewek y hanow, yn mil, naw kans hag eth, hag arghasans rag y brena a veu sevys gans Kowetha Chi Pennlegh gans an gweres a rontys dhyworth kowethyansow art erel. Gwithyades an virva, Katie Herbert hy hanow, a dhisplegyas y teuth Langley dhyworth teylu a’n renkasow-gweytha yn Birmingham, hag yn sewyans y feu ev tennys dhe lymna an trajediow ha bewnans kales a’n bobel a Lulynn. Translation 1/3 Good morning. Penlee House Gallery in Penzance has bought an oil painting by the famous artist Walter Langley for £65,000. Langley was one of the first artists to come and live in West Cornwall where, together with other artists such as Stanhope Forbes, he founded the famous colony of artists known as the Newlyn School. The picture, entitled "Cornish Fisherfolk” was painted in 1908 and funding to buy it was raised by The Friends of Penlee House with the help of grants from other art institutions. Gallery curator, Katie Herbert, explained that Langley came from a working-class family in Birmingham, and was therefore drawn to depict the tragedies and the hard lives of the people of Newlyn. Recording 2/3 Klub pel droos Essa re dheklaryas y fynn ev nowedhi hag ena gul devnydh a hen dollva Tamar avel tokynva. Yma an kowethyans Treusvaow Tamar owth ynstallya tollvaow nowydh war bons Tamar, hag ev a brofyas onan a’n re koth dhe’n klub. Nyns yw hemma an kynsa prys an klub dhe wul yndella. Asleys veu an tollvaow nans yw ugens bledhen, hag y’n eur na an klub a dhegemeras tollva goth dhyworth Treusvaow Tamar, hag yma hi hwath yn hy le orth sportva Kimberley. Steve Rimmer, dyghtyer ynjynorieth an pons, a leveris y hwre an ro “gwitha darn byghan a’n istori a Bons Tamar”. Ha neb unn bodhek orth an klub, Tom Potts, a dheskrifas an tybyans avel “bryntin dres eghen”, mes keworra na wrussa tus gans Taggys Tamar degemeres tokynyow diskontys orth fyttys Essa. Translation 2/3 Saltash football club has announced that it is going to refurbish an old Tamar toll booth and then use it as a ticket office. The company Tamar Crossings is installing new toll booths on the Tamar Bridge, and it has offered one of the old ones to the club. And this is not the first time the club has done this. The booths were replaced twenty years ago, and at that time the club received an old toll booth from Tamar Crossings, and it’s still there in Kimberley Stadium. Steve Rimmer, the bridge’s engineering manager, said that the gift would “preserve a small piece of Tamar Bridge history”. And one of the volunteers at the club, Tom Potts, described the idea as “absolutely brilliant”, but added that holders of Tamar Tags would not get discounted tickets to Saltash games! Recording 3/3 Hyns horn Great Western re dhislennas delow a’n Vorvoren a Eglossenar yn gorsav Porthia. Oll war-barth, an kowethyans re ynstallyas pymp delow yn gorsavow dyghtys ganso rag solempnya mythys ha henhwedhlow an ranndir soth west. GWR re dhellos ynwedh dyllans nowydh a’y lyver Linen dhe Dir Henhwedhlow hag a syns ynno unnek drolla hengovek, keffrys ha hwedhel flamm nowydh, skrifys gans Michael Morpurgo, An Morhogh Marthus a Lannvorek y hanow. Yn-medh leveryas a-barth GWR, Paul Gentleman, “Y fydh an delowyow gesys y’ga le dres nebes seythennyow a dheu may hallo tus diyskynna… ha, dell waytyn, hwithra an powdir a-dro dhedha, ha diskudha an leow may tallathas an hwedhlow ma”. Ha henn yw oll ahanav vy an seythen ma. Terebo nessa! Translation 3/3 Great Western Railway has unveiled a statue of the Mermaid of Zennor at St Ives station. In total, the company has installed five statues in stations which it manages to celebrate the myths and legends of the south west region. GWR has also published a new edition of its book Line to Legend Land which contains eleven traditional tales, as well as a brand new story, written by Michael Morpurgo, called The Miracle Dolphin of Mevagissey. Paul Gentleman, a spokesman for GWR, said, "The statues are going to be around for the next few weeks so that people get out... and hopefully explore the countryside around and find out where these stories originated from" And that’s all from me for this week. Until next time! Picture of Mousehole by BBC Weather Watcher/Mousehole Pat.