KALLATTIIN, Iraan haleellaan Israa'el Libaanos irratti raawwattu atattamaan yoo dhaabbate malee haaloo bahuuf akeekkachiifte

Haguuggii Tamsaasa Kallattii

1. Sa'aatii 6 duraHaleellaan Libaanosirratti raawwatu dhaabachuu baannaan 'deebii gaabbiirratti hundaa'e' akka kenni IRGC ibse

   

   Madda suuraa, Reuters

   Humni Eegduu Warraaqsa Iraan IRGC haleellaan Libaanos irratti raawwatamu atattamaan hin dhaabatu yoo ta'e deebii gaabbiirraa madde akka raawwatu ibsuu miidiyaan biyyaalessaa Iraan IRIB jedhamu gabaase.

   IRGC ibsa telegiraam gubbaa baaseen ''warra Yunaayitiid Isteets waadaa cabsuufi michootasaanii yakkaa kan ta'an warra Tsiyooniif akeekkachiisa jabaa qabna'' jedhe.

   ''Weerarri michuu keenya Libaanosirratti raawwate atattamaan hin xumuramu yoo ta'e, nuti gahee keenya ni baana, deebii gaabbiirraa madde weerartoota naannichaaf kennina.''

   Ejensiin oduu biyyattii (IRNA) ammoo aanga'aa IRGC dubbisee ''Hezbollaa isa ofitti amanamummaa qabu haleeluun Iraaniin haleeluudha. Waraanichi bulchiinsa yakka hamaa kana raawwatu(Israa'el) kanaaf deebii jabaa kennuuf qophaa'aa jira'' jechuu gabaase.

   Haleellaa Israa'el guyyaa har'aa Libaanos bakka adda addaatti raawwatteen ogeeyyii fayyaa 12 dabalatee namootni89 ajjeefamuu Ministeerri fayyaa biyyattii Rooyitarsitti himeera.

   Lakkoofsi namoota madaa'anii 700 gaheera.

   Erga Israa'el Libaanosirratti haleellaa bantee namootni 1,500 ajjeefamaniiru.

2. Sa'aatii 7 dura'Ulaan Hormuz ammayyuu cufaadha'

   

   Madda suuraa, Getty Images

   Dhaabbatni daddabarsa doonii irratti hojjetu SSY jedhamu Ulaa Hormuuz keessa bahuuf ammallee danqaan jiruuchuu BBC Verify tti himeera.

   Dooniiwwaniif ergaan humnoota Warraaqqsa Islaamaa Iraan RGC irraa hayyama argatan malee darbuun dhorkaa ta'uu ibsu darbaa jiraa jedhe.

   ''Hunduu dhagahaa. Dooniiwwan hundi dhagahaa. Dooniiwwan Galoo galaanaa Parshiyaafi Omaaniirra jirtan marti dhagahaa. Kuni sagalee IRGC buufata galaanaati. Ulaan Hormuuz ammallee cufaadha. Ulaa kana keessa darbuu dura IRGC irraa hayyama qabaachuun barbaachisaadha. Kanaan ala Dooniin kamuu Ulaa Hormuuz keessa bahuuf yoo yaale xiyyeeffannoo haleellaa ta'uun ni rukutamu.

   Dhaamsi kun chaanaalii dooniiwwan marti nageenya yabala galaanaa baruuf hordofan irratti darbee dhagahaniiru jechuun ogeessi SSY BBCtti himeera.

3. Sa'aatii 8 duraIsraa'el Barreessaa Olaanaa Hezbollaatti 'dabareen kees ni dhufe' jechuun dhaadatte

   

   Madda suuraa, EPA

   Ministirri Ittisaa Israa'el Israa'el Kaatz Barreessaa Olaanaa Hezbollaa kan ta'e Na'iim Qaasiimiin ''dabareen kees ni dhufa'' jechuun itti dhaadate.

   Kaatz yaada kana kennuu dura waraannisaanii haleellaa battalaa jabaa waajiraalee Hezbollaa bakka adda addaa jirutti raawwateen milishoota hedduu galaafachuu beeksiiseera.

   ''Iraanirra goruun Israa'el haleeluusaaf Hezbollaan gatii qaalii akka baasu Na'iim Qaasimiin akeekkachiifnee ture. Har'a waadaa sana kabajuun tarkaanfii kan biraa milkeessineerra.''

   Kaatz dabaluun ''dabareen shorokeessaa ijoo Na'iim Qaasiimis dhiyootti dhufa'' jedhe.

   Iraan waliin waraanni jiru caamee dhukaasni dhaabatus dubbiin adda adda jira jechuun Israa'el Libaanosiin haleeluu itti fufteetti.

   Israa'el yaaddoo Kaaba isheetti Libaanos keessa dahatee jiru Hezbollaa balleessuu akka barbaaddu ibsiti.

4. Sa'aatii 8 duraMM Libaanos haleellaan Israa'el akka irraa dhaabatu hawaasa addunyaa deeggarsa gaafate

   

   Madda suuraa, EPA

   Ministirri Muummee Libaanos Nawaaf Salaam yaada X gubbaa qoodeen ''hiriyyoonni Libaanos haala danda'amu hundaan'' haleellaan Israa'el akka dhaabatu akka gargaaran waamicha dhiyeesse.

   ''Israa'el weerara ishee babal'isuun naannolee jireenyaa uummatni itti baayyatu haleelaa jirti, lubbuu namoota nagaa hidhannoo hin qabnee galaafachaa jirti, keessumaa magaalaa Beerut keessatti.''

   Yaada MM kana hordofee Ministeerri Ittisaa Israa'el erga Libaanos keessatti oppireeshinii eegalee guyyaa har'aa haleellaa isa jabaa raawwachuu beeksise.

   Nawaaf Salaam duulli Israa'el seera idila addunyaa kan cabse akka ta'e kaasun akka irraa dhaabatu michootaaf dhaamsa dhaame.

5. 8 Ebla 2026Odeeffannoo haaraa waa'ee ulaa Hormuz

   

   Madda suuraa, Getty Images

   Dhaabbanni doonii hordofu MarineTraffic jedhamu Iraan ulaa Hormuz banuu ishee hordofee "mallattoowwan sochii doonii jalqabaa" akka jiran agarsiiseera.

   Dhaabbatichi akka jedhetti dooniiwwan lama daandii kana keessa darbaniiru. Dooniiwwaan ulaa Hormuuz keessa darban keessaa tokko kan Giriik yoo ta’u, inni kaan ammoo Laayibeeriyaatti kan galmaa’edha.

   BBC'n addatti gabaasa kana hin mirkaneessine.

   Ulaan daandiwwaan doonii addunyaa kun torban darban keessa bakka waldhabdee guddaa ture.

   Haa ta'u malee karoorri yeroo dheeraa daandii bishaanii kanaaf qophaa’e ifa ta’uu baatus, yeroof dhukaasa dhaabuun kaleessa galgala labsameen Iraan ulaa daandii bishaanii kana akka bantu ta'eera.

   Biyyoonni tokko tokko kanneen akka Paakistaan, Hindii fi Filiippiinsi dabalatee dooniiwwan isaanii daandii doonii idil-addunyaa barbaachisaa kanatti akka fayyadaman hayyamuuf Iraan waliin waliigaltee uumuun isaanii ni yaadatama.

6. 8 Ebla 2026PSG vs Liiverpuul-wantoota beekuu qabdan

   

   Madda suuraa, Getty Images

   Liiverpuul fi PSGn amma dura morkii Awurooppaarratti yeroo jaha walitti dhufaniiru. Gareen lamaanuu yeroo sadi sadii wal injifataniiru. Yeroo dhumaaf kan walitti dhufan morkii Shaampiyoonsi Liigii Awurooppaa bara darbe marsaa mo'anii darbuurratti ture.

   Liiverpuul Paarisitti imalee 1-0n mo'amee deebi'e. Achiis Anfiilditti 1-0n mo'ate. Rukuttaa peenaalitiin PSGn mo'atee darbe. Bara sana yeroo duraaf Shaampiyoonaa Awurooppaa ta'e.

   Morkii dhaqaa galaa kanarratti Liivepuul to'annoo kubbaa isa xiqqaa fi yaalii goolii isa xiqqaa galmeesse.

   PSGn morkii Shaampiyoonsi Liigii Awurooppaa jaha darban garee Ingiliz waliin walitti dhuferratti hin injifatamne. Shan mo'atee tokko qixxee bahe. Mo'anii darbuurratti kilaboota Ingiliz waliin yeroo afur walitti dhufee yeroo arfanuu mo'atee darbeera.

   Morkii Shaampiyoonsi Liigii Awurooppaa darban shan keessaa afur irratti nuusa xumuraarratti injifatamee dorgommicha keessaa baheera.

   Muuniik bara 2020-21, Chelsiin bara 2021-22, Maanchister Siitii bara 2023-24 fi Riyaal Maadriid bara 2024-25 PSG mo'atanii walakkaa xumuraaf darbaniiru.

7. 8 Ebla 2026Tiraamp Iraan irratti odeeffannoo haaraa kennan

   

   Madda suuraa, YURI GRIPAS/POOL/EPA/Shutterstock

   Pireezidaantiin Ameerikaa Doonaald Tiraamp miidiyaa hawaasaa isaanii 'Truth' irratti TIraan waliin 'dhiyeenyaan hojjechaa jirra' jedhan.

   Tiraamp Ameerikaan Iraan waliin akka hojjetaa jirtu kan ibsan yoo ta'u "kun jijjiirama sirnaa baayyee bu'a qabeessa ta'e akka fidu' himan.

   Itti dabaluunis Iraan Yuuraaniyeemii akka hin gabbisnee kan dubbatan yoo ta’u, Ameerikaan ''meeshaa niwukilaraa raadiyoo-aktiivii guddaa qabu lafa jalatti gadi fageenyaan awwaalaman boombii B-2 dhabamsiisue dubbatan.

   "Amma, fi yeroo muraasaaf, bakkeewwan kunneen hordoffii saatalaayitii cimaa jala kan jiran yoo ta’u, ergasii wanti xuqame hin jiru'' jedhan

   "Guyyaa haleellaan kun raawwatamee as wanti tuqame hin jiru. Iraan waliin waa'ee gibira hir'isuu fi qoqqobbii irratti haasa'aa jirra, itti fufnee ni haasofnas, Qabxiilee 15 keessaa hedduun isaanii kanaan dura waliigaltee irra ga'ameera."

8. 8 Ebla 2026Tiraamp biyya Iraaniif meeshaa waraanaa dhiyeessiturra gibira akka kaahu beeksise

   Pirezidantiin US Doonaald Tiraamp maxxansa miidiyaa hawaasaa isaatiin biyya kamuu Iraaniif meeshaa waraanaa dhiyeessiturra gibira akka kaahu ibse.

   ''Biyyi kamuu Iraaniif meeshaa waraanaa dhiyeessitu atattamaan gibirri irra kaahama. Meeshaa kamuu gara Yunaayitiid Isteets ergamu irratti gibirri dhibbentaa 50 atattamaan hojiirra oolu irra kaahama. Ilaalchi godhamu, kan addatti ilaalamus hin jiru.''

9. 8 Ebla 2026Raayaan Arsenaaliin waancaaf dhaqqabsiisaa?

   

   Madda suuraa, Getty Images

   Amma Deevid Raayaan addunyaa irraa karra eegaa cimaadha. Yoo xiqqaate akka waayillan isaa jedhanitti.

   Injifannoo Arsenaal Ispoortiing Liisban irratti argate irratti yoo xiqqaate kubbaa ciccimaa carraa galchii tahuu qabu afur oolcheera.

   Kaayi Haavert galchii daqiiqaa dhumaatti lakkoofsiseen Arsenaal dirree isaan ala mo'atee deebi'eera.

   Arsenaal injifateera; Garuu Raayaan Arsenaaliin waancaaf dhaqqabsiisaa?

10. 8 Ebla 2026MM Abiy waa'ee L/J Taaddasaa maal murteessan?

    

    Madda suuraa, PMO

    Ministirri Muummee Abiy Ahimad yeroon turtii aangoo Pirezidantii Bulchiinsa Yeroo Tigraay L/Janaraal Taaddasaa Warradaa waggaa tokkoon dheeressan.

    Silaa turtiin aangoo isaanii guyyaa har'aa xumurama ture.

    Waajjirri Ministira Muummee Itoophiyaa aangoon isaanii dheeratu ibsa gabaabaa Roobii har'aa baasen beeksise.

    MM Abiy aangoo Pirezidantii Bulchiinsa Yeroo Tigraay waggaa tokkoon dheeressan

11. 8 Ebla 2026Waa'ee waliigaltee dhukaasa dhaabuu torban lamaa US fi Iraan maal beekna

    

    Madda suuraa, Reuters

    Ministirri Muummee Paakistaan Shehbaaz Shariif kan jaarsummaan qaamota lamaan walitti fiduuf sosso'aa turan akka jedhanitti, waliigalteen dhukaasa dhaabuu battaluma hojiirra ooleera.

    Waa'ee waliigaltee kanaa wanti hanga ammaa beeknu kunooti.

    Waa'ee waliigaltee dhukaasa dhaabuu torban lamaa US fi Iraan maal beekna

12. 8 Ebla 2026Waraanni Iraan Itoophiyaaf 'balaa hamaa' fidaa jiru maali?

    

    Madda suuraa, Getty Images

    Waraanni Giddugala Bahaa hammeesse Itoophiyaa dabalatee biyyoota Afrikaaf ''balaa hamaa fidee dhufaa jira'' jechuun gabaasni haaraa bahe mul'ise.

    Biyyi Gaanfa Afrikaa Itoophiyaan Iraanirraa fageenya kilomeetira kumaan lakkaa'amun fagaattus daafii waraana kanarraa hin oolle.

    Waraanni Iraan Itoophiyaa dabalatee Afrikaaf 'balaa hamaa' fidaa jiru maali?

13. 8 Ebla 2026Israa'el haleellaa Iraanirratti gaggeessuu dhaabufi kan Libaanos akka itti fuftu beeksifte

    

    Madda suuraa, AFP

    USfi Iraan torban lamaaf dhukaasa dhaabuuf waliigaluu ibsuu isaanii hordofee Israa'elis waliigalticha akka deeggartu beeksisfte.

    Haleellaa Iraan irratti gaggeessitus akka dhaabdu ifa goote. Humni Waraanaa Israa'el ibsa baaseen, waliigalteen dhukaasa dhaabuu ibsamuu hordogee Iraan haleeluu dhaabera jedhe.

    Haa ta'u garuu, waliigaltichi waraana Libaanos keessatti Israa'elifi Hezbollaan gaggeessan akka hin ilaallanne ibsuun, haleellaa Libaanos keessatti gaggeessuu akka itti fufu ibse.

    Haleellaa dhumaa Iraanirratti gaggeessee xumuruu kan beeksise Humni Waraanaa Israa'el, "waliigaltichi kan cabu taanan haleellaa cimaa gaggeessuuf qophiidha" jechuun ibse.

    Dabaluunis, "Haa ta'u malee haleellaan Libaanos keessatti Hezbollaarratti gaggeessuu ittan fufa" jedhe ibsa baase kanaan.

14. 8 Ebla 2026USfi Iraan waliigaltee dhukaasa dhaabuu torban lamaa dhiyaate fudhatan

    Maxxansa YouTube irra dabri

    Qabiyyee Google YouTube hayyamtaa?

    Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Google YouTubeimaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.

    Accept and continue

    Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu. YouTube beeksisa qabaachuu danda'a.

    Xumura maxxansa YouTube

    Ameerikaafi Iraan yaada waliigaltee dhukaasa dhaabuu torban lamaa dhiyaate fudhatan.

    Biyyoonni lamaan torban lamaaf dhukaasa dhaabuuf kan waliigalan tattaaffii Paakistaan taasisteeni.

    Yeroo torban lamaa kana keessatti Iraan dhukaasa dhaabuuf waliigaluu qofa osoo hin taane, Ulaa Hormuuz banuuf tole jetteetti.

15. 8 Ebla 2026Ameerikaafi Iraan Ulaa Hormuuz banuuf waliigaluu isaaniin booda gatiin boba’aa hir’achaa jira

    

    Madda suuraa, Getty Images

    Ameerikaafi Iraan Ulaa Hormuuz akka banamuuf torban lamaaf dhukaasa dhaabuuf waliigaluu hordofee gafiin boba’aa idil-addunyaa baay'ee hir’iseera.

    Gatii boba’aa idil-addunyaa safaruuf kan hojiirraa oolu jikiti boba'aa Bireent gatiin barmeela tokko dhibbentaa 13 hir’atee dolaaraa 94.80 galeera.

    Ameerikaatti kan gurguramu ammoo dhibbentaa 15n hir’atee dolaara 96.75 ta’eera.

    Ammas taanaan garuu gatiin boba’aa osoo waraanni Iraan hin jalqabamiin dura kan itti gurguramaa ture barmeela tokko dolaara 70 caalee itti fufeera.

    Ameerikaafi Israa’eiin waraanni kan irratti baname Iraan dooniiwwan karaa Ulaa Hormuuz darban irratti haleellaa akka raawwattu dhaadachuusheetiin booda dhiyeessiin boba’aafi gaazii Baha Giddugaleessaa kan danqame yoo ta’u, gatiin inarjiis baayyee dabaleera.

    Ulaaan kun cufamuu hordofee dooniiwwan boba’aa fe’atanii yeroo dheeraaf galaanarra turan baayyeen waliiigaltee kanaan akka darbaniif ni hayyamamaaf jedhamee eegama.

    Dooniiwwan kunneen darbuun gabaa boba’aa idil-addunyaarratti aaragalfii guddaa akka uumu ogeessonni dubbachaa jiru.

    Waraanni Iraan Itoophiyaa dabalatee Afrikaaf 'balaa hamaa' fidaa jiru maali?

    Waa'ee waliigaltee dhukaasa dhaabuu torban lamaa US fi Iraan maal beekna

16. 8 Ebla 2026Israa'el waliigaltee dhukaasa dhaabuu US-Iraan nan deeggara, garuu waliigaltichi Libaanos hin dabalatu jette

    

    Madda suuraa, EPA

    Israa'el waliigaltee dhukaasa dhaabuu torban lamaa US fi Iraan taasifame akka deeggartu ibsitee, garuu waliigaltichi waraana Libaanositti gaggeeffamu "hin dabalatu" jette.

    "Israa'el haleellaa Pirezidaant Tiraamp Iraanirratti gaggeessuu torban lamaaf adda kutuusaanii ni deeggarti," jette.

    Dabaluunis, "Israa'el tattaaffii Iraan meeshaa nikularaa, misaa'ela akka hin hidhanne gochaa jirtu akkasumas Iraan akka US, Israa'elifi biyyoota Arabaaf yaaddoo yaaddoo akka hin taane taasisuuf gootu ni deeggarti.

    "Marii ittaanee godhamu keessatti kaayyowwan kanneen galmaan gahuuf kutannoo akka qabdu US Israa'elitti himteetti," jedha ibsi mootummaan Israa'el baase kun.

    Israa'el dhukaasa dhaabuu US-Iraan taasisan waraana Libaanositti Hezbollaa waliin gaggeessitu akka hin ilaallanne beeksifte.

    Gama biraan ammoo paartiin mormituu Israa'el ijjannoo mootummaan Netaaniyaahuu qabu qeequun balaaleffataniiru.

    MM duraanii Israa'el kan ta'e Yaa'ir Laappiid "Israa'el marii godhamurratti kallattiin hirmaachuu dhabuunshee "kufaatii Netaaniyaahuti" jedhe.

17. 8 Ebla 2026Iraanonni waliigaltee dhukaasa dhaabuu beeksifamuun booda Tehraan keessatti daandiitti bahan

18. 8 Ebla 2026Iraan waraana Ameerikaa fi Israa'el irratti banan kana akka injifatte ibsaa jirti

    

    Madda suuraa, Getty Images

    Mootummaan Iraanii fi miiidyaan biyyattii akka waraana kana injifatan dubbachaa fi agarsiisaa jiru.

    Manni Maree Nageenya Biyyaalessaa Iraan Iraan waraana kana keessatti amma waan barbaaddu hundaa milkeessiteetti.

    Diinni ammoo seenaa keessatti kufaatii guddaa jedhamu galmeesse jedhee ibsa baase.

    Waraanni kun ajjeessaa gaggeessaa olaanaa biyyattii Alii Haameniin jalqabe. Jeneraalotaa fi hoggantoota olaanoo Iraan hedduutu ajjeefame.

    Sirna Bulchiinsichaaf dhimma jireenyaaf du'aa ture. Kanaafuu waraana guyyaa 30 olii Ameerikaa fi Israa'el keessaa sirni kun ooluun isaa akka mo'chaatti yoo ilaalan isaaniif dhugaadha.

    Iraan waraanni kun akka dhaabbatu barbaaddi ture. Garuu biyyoota ollaa ishee haleeluu hin dhiisne.

    Hulaa Hoormuz cufuun ishee garuu akka Iraan humna argattuu fi Ameerikaatti qormaata taatu godheera.

19. 8 Ebla 2026USfi Iraan waliigaltee dhukaasa dhaabuu torban lamaa fudhatan dhiyaate fudhatan

    

    Madda suuraa, Getty Images

    Ameerikaafi Iraan yaada waliigaltee dhukaasa dhaabuu torban lamaa dhiyaate fudhatan.

    Biyyoonni lamaan torban lamaaf dhukaasa dhaabuuf kan waliigalan tattaaffii Paakistaan taasisteeni.

    Yeroo torban lamaa kana keessatti Iraan dhukaasa dhaabuuf waliigaluu qofa osoo hin taane, Ulaa Hormuuz banuuf tole jetteetti.

    Paakistaan akka beeksistetti, waliigalteen dhukaasa dhaabuu kun hatattamaan kan hojiirra oolu yoo ta'u, torban lamaan kana keessatti waliigaltee guuturra gahuuf mariin nagaa ni nagaa ni gaggeeffame.

    Biyyoonni lamaan waliigalteerra kan gaha, Tiraamp akeekkachiisa sa'aatii 48 Iraanif kennuu hordofeeti.

20. 8 Ebla 2026Ashamaa!

    Tamsaasa kallattii BBC Afaan Oromoo kan har'aa eegalleera.

    Ameerikaafi Iraan waliigaltee dhukaasa dhaabuu torbee lamaa dhiyaaterratti waliigalaniiru. Tiraamp Iraan sodaachisuu isaatti milkaa'eraa?

    Waliigalteen dhukaasa dhaabuu kun gara waraana dhaabutti geessaa? Jala buunee isin biraan geenya.

    Akkasumasmarsaritii, Facebook, YouTube fi WhatsApp BBC Afaan Oromoo mil'achuu hin dagatinaa.

    Dhiyaadhaa!