Bliadhna nan ÒranYear of Song

Tìr nan Òg

Òran air a sgrìobhadh le: coinneach macLeòid agus air a sheinn le: Anna Mhoireach, anna mhoireach agus Iain Murchadh Moireasdan.

This is a song written by: coinneach macLeòid and sung by: Anna Mhoireach, anna mhoireach and Iain Murchadh Moireasdan.

Gàir nan tonn gur trom an nuallan
Seirm am chluais do ghlòir,
Dàn nam beann, gach allt is fuaran
Siaradh nuas led cheòl.

'S tu gach latha gun tàmh mo bhuaireadh,
D' iargain bhuan gam leòn,
'S tu gach oidhche chaoidh mo bhruadar
O Thìr nan Òg.

Bàs no bròn cha bheò nad loinn-thìr,
Ùir air foill 's air gò,
Sàir sìor òl do dheò 's do chaoimhneis,
Aoibhneas snàmh 's na neòil.

Reultan àrda latha 's a dh'oidhche
Boillsgeadh sèimh tro cheò,
Teudan tlàtha' fàs ad choilltean,
O Thìr nan Òg.

Cùl nan tonn tha long mo bhruadair
Fuaradh mar bu nòs,
Rùn an Dàin a ghnàth ga gluasad
Ciùin le luaths an eòin.

Iùbhraich Bhàin na fàg mim thruaghan
Taobh nan cuantan mòr,
Doimhne cràidh is gràidh gam dhuanadh
Gu Tìr nan Òg.

Rugadh Anna Mhoireach ann an Glaschu ach ghluais a pàrantan air ais a Leòdhas nuair a bha i trì. Chaidh i gu Sgoil a' Bhac, ...

Rugadh Iain Murchadh Moireasdan, John Murdo Dhànaidh Mhurchaidh a' Chlachair air an Tairbeart, anns Na Hearadh, ann an ...