Thàinig Achd Dìon na Rìoghachd (DORA: The Defence of the Realm Act) gu bith air 8 Lùnastal 1914, agus thugadh ùghdarras dhan riaghaltas cha mhòr rud sam bith a dhèanamh a bha air fhaicinn riatanach airson cuideachadh leis a' chogadh agus airson an rìoghachd a dhìon.

Eisimpleirean de laghan DORA

Cha robh cead aig duine:

• bruidhinn air cùisean co-cheangailte ris an arm no ris an nèibhidh ann an àiteachan poblach
• fathannan a sgaoileadh mu chùisean armailteach
• prosbaig a cheannach
• a dhol air loidhneachan rèile no air drochaidean gun chead
• òr no airgead a leaghadh
• teine-ealain no drìlseachain a lasadh
• aran a thoirt do dh'eich no do chearcan
• inc neo-fhaicsinneach a chleachdadh nuair a bhiodh iad a' sgrìobhadh gu duine thall thairis

An toiseach, ghabh am poball ris gun robh feum air barrachd tèarainteachd agus smachd air sgìrean a bha riatanach do dh'oidhirp a' chogaidh. Ach mar a bha an cogadh a' dol air adhart, bha daoine a' cur an aghaidh mar a bha DORA a' toirt bhuapa saorsa bhunaiteach. Bha a' mhòr-chuid dhen bheachd gun robh mòran dhe na riaghailtean gun bhrìgh agus mì-ghoireasach.