Data a gwybodaethSystemau TGCh a sut maen nhw’n cael eu defnyddio

Beth yw system TGCh?

Mae TGCh a chyfrifiaduron yn ddau beth gwahanol.

Cyfrifiaduron yw’r galedwedd sy’n aml yn rhan o system TGCh.

Dyma pam mae’n bwysig ein bod yn dysgu am gyfrifiaduron, a hefyd yn dysgu sut, pam a phryd mae pobl yn eu defnyddio. Pŵer cyfrifiaduron a dulliau cyfathrebu sydd wedi caniatáu i systemau TGCh fod mor bwysig. Fel unrhyw gyfarpar, y peth pwysig amdanyn nhw yw beth maen nhw’n ein galluogi ni i’w wneud.

Mae systemau TGCh yn cael eu defnyddio mewn nifer o amgylcheddau, er enghraifft:

• swyddfeydd
• siopau
• ffatrïoedd
• awyrennau
• llongau

Maen nhw hefyd yn cael eu defnyddio mewn meysydd fel:

• cyfathrebu
• meddygaeth
• ffermio

Mae systemau TGCh yn gyffredin ac yn cael eu defnyddio bob dydd, ac eto maen nhw’n rhyfeddol o ran y ffordd maen nhw’n gallu rhoi pŵer ychwanegol i’r hyn rydyn ni’n ei wneud a’r hyn rydyn ni eisiau ei wneud.

Pwysigrwydd systemau TGCh

Drwy ddefnyddio systemau TGCh rydym:

• yn fwy cynhyrchiol – gallwn gwblhau mwy o dasgau, o fewn yr un faint o amser, am lai o gost drwy ddefnyddio cyfrifiaduron, o gymharu â’r hyn roedden ni’n gallu ei wneud cyn iddyn nhw gael eu dyfeisio
• yn gallu ymdrin â llawer iawn o wybodaeth a’i phrosesu’n gyflym
• yn gallu anfon a derbyn gwybodaeth yn gyflym