Ateb y Galw: Dewi Williams

Hyfforddwr ffitrwydd personol o'r Canolbarth yw Dewi Williams. Mae ganddo hefyd ddiddordeb brwd mewn natur – sydd ddim yn syndod o ystyried mai ei dad yw'r naturiaethwr enwog Iolo Williams.

Roedd y ddau i'w gweld yn y gyfres Iolo a Dewi: Y Tad a'r Mab a Zambia sydd dal ar gael ar iPlayer. Yn 2027 mi fydd Dewi yn cyflwyno cyfres o raglenni bywyd gwyllt i blant 8-12 oed o'r enw Anturiaethau Gwyllt Dewi.

Dyma oedd ganddo i'w ddweud wrth iddo Ateb y Galw i Cymru Fyw.

Fy atgof cyntaf ydy bwyta Weetabix efo Dad ar gownter yn y gegin.

Rydw i'n cofio bwyta'r Weetabix a gwylio'r byd natur tu allan i'r ffenest - sy'n dangos gallu Dad yn y gegin yn coginio! Dydy'r bwyd ddim wedi gwella rhyw lawer yn y 28 mlynedd diweddaf... yn ffodus mae Mam yn gogydd arbennig!

Rydw i wedi bod yn meddwl am yr ateb yma llawer achos mae o'n gwestiwn anodd... Dwi wedi bod yn ffodus iawn i weld llawer o lefydd ar draws Cymru a hefyd y byd.

Rydw i am fynd am gopa Tryfan yng Ngogledd Cymru. Rydw i wedi dringo'r mynydd sawl gwaith a dwi'n hoff iawn o'r olygfa a'r siawns i ddringo o ochr gogleddol Tryfan ac wedyn i fyny Crib Danheddog i ymuno efo'r Glyderau.

Mae'r cwestiwn yma yn arwain fi i Groatia yn 2022 pan es i ar fy ngwyliau ar ben fy hun a diweddu fyny ar barti ar gwch llawn cwrw.

Roedd yr haul allan a chwrddais i grŵp mawr o genod o Gymru a chawsom brynhawn a noson grêt.

Roedd yna lawer o glasuron yn cael ei chwarae fel Gimme! Gimme! Gimme! a deifio i mewn i'r môr a bwyta pizza rhad wedi meddwi.

Byswn i'n dweud ffyddlon, gwydn ac egnïol.

Y digwyddiad sy'n neud i fi wenu ydy atgofion o sledgio efo brawd a ffrindiau fi i lawr be' oedden ni'n galw Mario Kart Hill. Maen nhw'n atgofion cynnes iawn yn trio osgoi'r tractor oedd yn clirio'r lôn a rasio i lawr y rhiw tuag at geir a'r pentref.

Atgof syml ond llawn cywilydd oedd methu cic o'r smotyn i fy nhîm Trefaldwyn pan oeddwn i'n 10 oed i golli yn y rownd derfynol.

Rydw i'n cofio crio llawer a 'mrawd yn brolio bod e wedi sgorio 13 gôl ar yr un amser i dîm arall. Dwi dal yn teimlo cywilydd ar ôl 18 mlynedd basio!

I fod yn onest dwi ddim yn crio llawer ond y tro diwethaf oedd ar ôl i Lerpwl ennill y bencampwriaeth yn 2025.

Dwi'n anghofio glanhau'r ystafell ymolchi ar ôl i fi deio fy ngwallt a gadael ôl y bleach ar hyd y sinc ond mae cael gwallt sy'n edrych yn fresh lot fwy pwysig!

Rydw i'n darllen pob dydd a darllen llawer o lyfrau ffuglen a sagas hanesyddol. Dwi'n meddwl mai'r llyfrau o'r gyfres Sigurd am Lychlynwyr yn teithio'r byd yw fy hoff gyfres.

Mae'r llyfrau'n grêt achos bod 'na gymaint o antur a hefyd brwydrau/cymeriadau oedd wedi cael eu seilio ar y gwir. Yn ogystal â bod yn lyfrau da, dwi wedi cael cwpwl o'r cymeriadau wedi eu gwneud i mewn i tattoos ar fy mraich trwy ddefnyddio disgrifiadau ac AI.

Byswn i'n hoffi cael diod efo Genghis Khan i glywed am hanesion y byd, tactegau milwrol ac i glywed am y byd o'r cyfnod yna.

Un ffaith does 'na ddim lot o bobl yn gwybod amdana i yw mai fi oedd y mentor ieuengaf yng Nghymru ar y pryd (2015) i blant oedd yn cael bywydau anodd.

Roeddwn i'n mynd a cwpwl o blant o gartrefi anodd allan i chwarae golf, pŵl, bowlio deg a gweithgareddau hwyl.

Dwi'n meddwl buaswn i'n treulio'r amser efo fy nheulu agos (Mam, Dad a Tomos fy mrawd) yn cael pryd o fwyd mawr yn sôn am ein hoff atgofion a thynnu coes ein gilydd tan fo ni'n cwympo allan!

Llun ohonof i a Tomos yng Nghanada ar ôl nofio yn llyn Minnewanka a dod allan o'r llyn yn crynu a trio edrych yn hamddenol ac aesthetic.

Gavin Henson ar ôl curo Lloegr yn 2005. Byswn i'n hoffi cael y teimlad yna o gicio'r gic cosb a mynd allan efo'r gwallt a'r tan iconic yna!

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.