Ben Cabango: 'Swrreal i fod mas yn Euro 2020'

Bum mlynedd yn ôl roedd Ben Cabango yn gwylio gemau Cymru yn Euro 2016 yn yr ardal cefnogwyr yng Nghaerdydd.

Mae e nawr yn y garfan ar gyfer Euro 2020!

Tipyn o dro ar fyd i'r pêl-droediwr ifanc, ac mae'n deg dweud ei fod yn edrych ymlaen yn arw at y profiad.

Dywedodd fod ysbryd y garfan yn dda, a'u bod yn gobeithio am bethau mawr.

Bu'n siarad gyda Dylan Griffiths yn Baku, Azerbaijan, lle bydd Cymru'n wynebu'r Swistir yn eu gêm gyntaf ddydd Sadwrn.