Etu mmefu ego Naịjirịa si rịaelu kemgbe ọchịchị Onyeisiala Bola Tinubu
Kemgbe Onyeisiala Bola Tinubu banyere n'ọchịchị, lee etu mmefu ego nke afọ ọbụla si rịa-elu nakwa ihe atọ Naịjirịa kachasị mefuo ego na ya:
N'afọ 2023, Onyeisiala Tinubu tinyere mmefu ego mgbakwụnye ruru puku ijeri naịra abụọ na ụma (₦2.17 trillion).
Ihe atọ a kacha mefuo ego n'afọ ahụ gunyere:
* Nchekwa obodo
* Ego iti aka n'obi e kere ndị ihe na-esiriike
* Ịrụ ụzọ na akwammiri.
Na mmefu ego afọ 2024 ha kpọrọ mmefu ego nke nchekwube ọzọ ruru Puku ijeri naịra iri abụọ na asatọ na ụma (₦28.7).
Ihe atọ a kacha mefuo ego n'afọ ahụ gunyere:
* Nchekwa obodo
* Ọrụ mmepe obodo dịka ụzọ ụgbọoloko si Legọs gaa Kano steeti.
* Nakwa akụnụba.
N'afọ 2025 ka mmefu gbagoro Puku ijeri naịra iri ise na anọ na ụma (₦54.99 trillion).
Nchekwa, akụnụba na ọrụ mmepe obodo bụ ngalaba atọ kacha nwete ego n'afọ ahụ.
Mmefu ego Naịjirịa nke afọ 2026 bụbu puku ijieri naịra iri ise na asatọ na ụma (₦58.18 trillion) ka Onyeisiala Tinubu natara ikike ịgbakwụnye ego ọzọ ruru Puku ijeri naịra itoolu (N9 trillion naira) ka ọ bụrụ puku ijeri naịra iri isii na asatọ na ụma (N68.3 trillion).
Ajụjụ anyị bụ, kedụ ebe Onyeisiala Tinubu ga-esi enweta ego ndịa ọ chọrọ imefu nakwa etu ọ ga-esi emetụta onye ọbụla?
Onye ma nke ekwe na-akụ n'ihe gbasara akụnụba bụ Desmond Echeta, ọkammụta akụnaụba kwuru na onyeisiala Bola Tinubu nwereike inwete ego site n'ụzọ abụọ:
* Nke mbụ bụ ịgbazite ego
* Maọbụ n'ego na-amanye n'ego ole a na-ere mmanụ agbịdị ugbua bụ nke karịrị ego atụrụ n'uche n'akwụkwọ mmefu na mkpata nke afọ 2026.
