le Cathy NicDhòmhnaill

Dè tha cho tarraingeach mu sgeulachdan Agatha Christie, 50 bliadhna bho bhàsaich i? Eadar Poirot agus Miss Marple, tha na milleanan eòlach air a cuid sgrìobhaidhean eadar nobhailean is cruthan teilibhisean dhiubh. Ach carson a tha i air maireachdainn mar phàirt de chultar is litreachas? Tha Cathy a' bruidhinn ri triùir mun dearbh chuspair.

Le iomadach duine a' dèanamh air beanntan na h-Alba agus na Roinn Eòrpa - gun luaidh air an iomadach àite eile air feadh an t-saoghail - airson sgìtheadh, tha Cathy cuideachd a' cluinntinn bho fheadhainn a bhios a-muigh air na raointean sgìthidh sna monaidhean gu math tric. Ciamar as còir dhuinn tòiseachadh, ma tha miann againn fheuchainn?

Leanaidh prògram Today air Radio 4 teaghlaichean le pàisdean òga airson còig bliadhna, feuch cò ris a tha e coltach clann a thogail sa latha an-diugh. Ach ciamar a tha pàrantan a' faicinn an diofar sna ginealaichean - eadar an togail fhèin agus togail an cuid cloinne fhèin? Tha Peigi Anna Scott, Ceitidh NicIlleBhrath, agus Àdhamh O Bròin a' beachdachadh air an iomadach ceist a tha an lùib a chòmhraidh is a chuspair.