Pryderon ynghylch TGCh

Sgiliau TG yn cael eu hystyried yn hanfodol

Erbyn hyn mae sgiliau TG yn cael eu hystyried yn hanfodol yn y farchnad gyflogaeth. Gall pobl sydd â’r sgiliau hyn symud ymlaen yn eu gyrfaoedd tra bydd pobl sydd heb sgiliau o’r fath yn ei chael hi’n anodd i gael gwaith. Mae hyn yn creu cymdeithas ranedig – rhai sydd â sgiliau TG a rhai sydd heb sgiliau TG.

Mwy o ddibyniaeth ar TG

Beth sy’n digwydd os bydd cyfrifiadur ddim yn gweithio? Rydyn ni wedi mynd mor ddibynnol ar TG yn ein ffyrdd o fyw nes ein bod yn methu byw hebddi. Gallai busnesau golli llawer o arian os na fydd eu systemau TG yn gweithio. Er mwyn osgoi hyn, mae’n bosibl y bydd yn rhaid iddyn nhw gael system gyfrifiadurol , neu efallai ddwy system wrth gefn.