Roedd yna wahaniaeth mawr o ran lefelau'r dioddefaint yn y 1930au ym Mhrydain, a dywedodd yr hanesydd Bryn O’Callaghan bod yna ddwy Brydain yn y 1930au.

Yn sicr, roedd ardaloedd yr hen ddiwydiannau traddodiadol yn dioddef:

• cloddio am lo, ee cwm Rhondda
• cotwm, ee Swydd Gaerhirfryn
• dur ac adeiladu llongau, ee Glannau Mersi a Jarrow

Cyfeiriodd Ellen Wilkinson, AS Jarrow, at Jarrow fel y dref a lofruddiwyd.

Ond, roedd effaith Dirwasgiad y 1930au yn sylweddol wahanol ac yn llai trallodus mewn ardaloedd oedd yn elwa o gyflogaeth yn y diwydiannau ysgafn newydd, ee cerbydau a nwyddau trydanol.

Roedd yr ardaloedd yma’n bennaf yng nghanolbarth a de-ddwyrain Lloegr, ac yn sgil hynny cawson nhw fanteision o ran gwell tai a chysylltiadau trafnidiaeth yn ogystal â chynnydd mewn cyflogaeth a gallu i brynu nwyddau.

Mae’r cyferbyniad yma yn ategu’r ddadl bod yna wahaniaeth amlwg rhwng profiadau de-ddwyrain Cymru a gogledd Lloegr a’r bobl oedd yn byw yn ardaloedd mwy ffyniannus canolbarth a de-ddwyrain Lloegr.