Chwe Gwlad: Joyce a Lockwood i ddechrau i Gymru yn erbyn Ffrainc
Mae Jasmine Joyce a Seren Lockwood yn dychwelyd i'r 15 fydd yn dechrau ddydd Sadwrn
- Cyhoeddwyd
Mae prif hyfforddwr tîm rygbi merched Cymru, Sean Lynn, wedi enwi'r tîm fydd yn wynebu Ffrainc ym Mhencampwriaeth y Chwe Gwlad ddydd Sadwrn.
Mae'r asgellwr Jasmine Joyce a'r mewnwr Seren Lockwood yn dychwelyd i'r 15 fydd yn dechrau'r gêm.
Doedd Joyce ddim wedi cael ei chynnwys yn y 23 a gollodd yn erbyn Yr Alban y penwythnos diwethaf, tra bod Lockwood wedi dod oddi ar y fainc yn yr ail hanner.
Bydd Joyce yn cymryd lle Lisa Neumann, fydd yn colli gweddill y bencampwriaeth oherwydd anaf, tra bydd Lockwood yn dechrau yn lle Keira Bevan.
Mae'r clo Natalia John hefyd yn cymryd lle Alaw Pyrs ar y fainc, wrth i Gymru geisio curo Ffrainc am y tro cyntaf mewn 10 mlynedd.
Dydy Cymru ddim wedi ennill gêm ym Mhencampwriaeth y Chwe Gwlad ers iddyn nhw guro'r Eidal yn 2024, a bydd Ffrainc yn ffefrynnau mawr yn yr ornest ym Mharc yr Arfau brynhawn Sadwrn.
Tîm Cymru
Powell; Singleton, Cox, Keight, Joyce; George, Lockwood; Pyrs, Jones, Tuipulotu, Aiono, Crabb, Lewis, Williams (capt), King
Eilyddion: Reardon, Davies, Rose, John, Metcalfe, Evans, Bevan, Dallavalle
Trefn gemau Cymru
Cymru v Ffrainc, 15:35 dydd Sadwrn, 18 Ebrill
Lloegr v Cymru, 14:15 dydd Sadwrn, 25 Ebrill
Iwerddon v Cymru, 18:30 dydd Sadwrn, 9 Mai
Cymru v Yr Eidal, 12:15 dydd Sul, 17 Mai
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.