IKIBIRIRAHO, Amerika na Iran bivuga ibiganiro ugutandukanye nyuma yuko Trump asubitse ibitero ku ngomero z'amashanyarazi

Amakuru y'ikibiriraho

Didier Bikorimana na Gisèle Berwa

1. Iminota 52 irahezeUbuyapani bugiye gusohora ububiko bw'igihugu bw'ibiva kuri peteroli

   

   Ahavuye isanamu, Reuters

   Minisitiri w’intebe w'UbuyapaniSanae Takaichi yavuze ko ku wa kane buzatangiragusohora igice cy’ububiko bwabwo bw’ibiva kuri peteroli, mu gusubiza ku mpungenge zikomeje kwiyongera zijyanye n'ubucuruzi bwabyo.

   Mu butumwa yashyize ku rubuga nkoranyambagarwa X, Takaichi yavuze ko “guhera muri iki cyumweru ku itariki ya 26, tuzatangira gusohora ububiko bw’igihugu”.

   Ubwo butumwa buvuga ko Ubuyapani bwari busanzwe bwaratangiye gukoresha ububiko bw’abikorera mu cyumweru gishize kugira ngo haboneke “ingano ikenewe ku gihugu cyose cy’Ubuyapani”.

   Hafi ya 95% by’ibiva kuri peteroli Ubuyapani bukoresha binyura mu muhora wa Hormuz.

   Izindi nkuru wasoma:

   Sanae Takaichi, umugore w'indwanyi watsinzwe kenshi ariko ntacike intege, agiye kuyobora Japan

   Japan na US: Ababa ku nkengera bagabishijwe ko hashobora kwaduka tsunami kubera nyamugigima ya 8.8

2. Haciye isaha 1Igiciro cy'ibikomoka kuri peteroli cyongeye kurenga $100 ku kagunguru

   

   Ahavuye isanamu, AFP via Getty images

   Igiciro ku bipimo mpuzamahanga cy’ibiva kuri peteroli (Brent crude) cyongeye kurenga amadolari 100 y’Amerika ku kagunguru, nyuma yo kugabanuka cyane ku wa mbere.

   Uyavunje mu mafaranga y’u Rwanda, ayo angana na 145,000 ku kagunguru.

   Mu gitondo cyo ku wa kabiri muri Aziya, icyo gipimo ngenderwaho cy’ibiva kuri peteroli cyazamutseho 3.75% kigera ku madolari 103.69, mu gihe igipimo cy’ibiva kuri peteroli gikoreshwa cyane muri Amerika (Nymex Light Sweet) cyo cyazamutseho 3.42% kigera ku madolari 91.55.

   Igiciro cya Brent cyari cyagabanutseho hejuru ya 10% ku wa mbere nyuma y’uko Perezida w’Amerika Donald Trump asubitse ibitero bishya kuri Iran, byafatwaga nko kongera ubukana bw’intambara, anavuga ko amasezerano y’amahoro ashobora kugerwaho vuba.

   Ariko ubu abashoramari bari gupima ayo makuru bayagereranya n’ibyo Tehran ivuga ihakana ko yagiranyeibiganiro n’Amerika

   Izindi nkuru wasoma:

   Kubera iki Trump ariko aca ku biti no ku mabuye arondera igitoro ca Venezuela?

   US yakuye ibihano kuri bimwe mu bitoro vya Iran mu gihe ibiro vya gaz vyaduze

3. Haciye amasaha 2Amerika na Iran bivuga ibiganiro ugutandukanye nyuma yuko Trump asubitse ibitero ku ngomero z'amashanyarazi

   

   Ahavuye isanamu, Getty Images

   Abategetsi bo muri Amerika na Irani bavuze mu buryo butandukanye ibiganiro hagati y’ibihugu byombi bijyanye n’intambara, nyuma yuko Perezida w’Amerika Donald Trump afashe icyemezo cyo gusubika ibitero yari yakangishije kugaba ku ngomero z'amashanyarazi za Irani.

   Ku wa gatandatu, Trump yahaye Irani igihe ntarengwa cy’amasaha 48 ngo ibe yamaze gufungura ubunigo bwa Hormuz – umuhora unyuramo ibikomoka kuri peteroli byinshi – bitaba ibyo Amerika “igasenya burundu” ingomero z'amashanyarazi zayo.

   Ku wa mbere, Trump yavuze ko yakerereje ibyo bitero nyuma y’ibiganiro by'"ingirakamaro" yagiranye na Irani, ariko umukuru w’inteko ishingamategeko ya Irani yahakanye avuga ko nta biganiro byabaye, abyita “amakuru y’ibinyoma”.

   Nyamara umutegetsi wo ku rwego rwo hejuru wo muri Irani yabwiye igitangazamakuru CBS, gikorana na BBC muri Amerika, ati: “Twakiriye ingingo z’Amerika binyuze ku bahuza ndetse zirimo gusuzumwa.”

   CBS isobanura ko iyi ntambwe yafashwe “nk’ishobora kubanziriza ibiganiro”, ndetse ko ibiganiro bitemejwe cyangwa ngo bibe birimo kuba.

   Ibiro bya perezida w’Amerika, byitwa White House, na byo byashishikarije kwigengesera, bivuga ko uko ibintu bimeze “bishobora guhinduka akanya ako ari ko kose” ndetse ko “ihwihwisa rijyanye n’inama ridakwiye gufatwa nka ntakuka kugeza [izo nama] zitangajwe ku mugaragaro na White House”.

   Izindi nkuru wasoma:

   Ni iki Amerika, Israel n'ibihugu by'Abarabu bifuza mu by'ukuri kuri Iran?

   Igiceri kidasanzwe cya zahabu kiriho Trump cyemejwe n'akanama ka leta

   Uburusiya, Ubushinwa, Amerika... abahomba n'abungukira mu ntambara ya Iran

4. Haciye amasaha 2Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw’aka kanya.