ઈરાને ઇઝરાયલ પર કરેલા હુમલા બાદ થયેલી તબાહીની 12 તસવીરો

ઇમેજ સ્રોત, Getty Images
અમેરિકા અને ઇઝરાયલ દ્વારા ઈરાન પર હવાઈ હુમલા શરૂ કરાયા તેને ત્રણ સપ્તાહ કરતા વધુ સમય વીતી ગયો છે અને મધ્યપૂર્વની કટોકટી ચોથા સપ્તાહમાં પ્રવેશી છે.
દરમિયાન અમેરિકાના રાષ્ટ્રપતિ ડોનાલ્ડ ટ્રમ્પે ઈરાનને હોર્મુઝની સામુદ્રધુની ખોલવા માટે 48 કલાકનો સમય આપ્યો છે અને ઈરાન તેમની વાત નહીં માને તો તેનાં વીજમથકો ઉડાવી દેવાની ધમકી આપી છે.
બીજી તરફ ઈરાને પણ વળતી કાર્યવાહીમાં ઇઝરાયલ પર મોટા પાયે હુમલા શરૂ કર્યા છે. ખાસ કરીને દક્ષિણ ઇઝરાયલમાં રહેણાંક વિસ્તારોમાં ભારે નુકસાન થયું છે જે આ તસવીરોમાં જોઈ શકાય છે.

ઇમેજ સ્રોત, Reuters
શનિવારે ઈરાનની એક મિસાઇલ સાઉથ ઇઝરાયલના નાનકડા અરાદ શહેર પર ત્રાટકી હતી. ઇઝરાયલની ઍર ડિફેન્સ સિસ્ટમ તેને રોકવામાં નિષ્ફળ રહી હતી.

ઇમેજ સ્રોત, Reuters
પ્રાથમિક માહિતી પ્રમાણે ઈરાનના હુમલામાં 10 લોકો ગંભીર રીતે ઇજાગ્રસ્ત થયા છે. બાકીના લોકોને પણ હૉસ્પિટલોમાં સારવાર આપવામાં આવી રહી છે. ઇઝરાયલના વડા પ્રધાન બેન્જામિન નેતન્યાહૂએ પણ આ હુમલાને 'બહુ મુશ્કેલ સાંજ' ગણાવી હતી.

ઇમેજ સ્રોત, Reuters
ઈરાન વિરુદ્ધ ઇઝરાયલ અને અમેરિકાનું યુદ્ધ કોઈ ચોક્કસ દિશામાં જતું ન હોય તેવું લાગે છે. ડોનાલ્ડ ટ્રમ્પે આ યુદ્ધ અમેરિકા જીતી ગયું છે તેવો દાવો કર્યો છે, છતાં વાસ્તવિકતા અલગ દેખાય છે.

ઇમેજ સ્રોત, Reuters
ટ્રમ્પનું કહેવું છે કે યુદ્ધ લગભગ સમાપ્ત થઈ ગયું છે. બીજી તરફ મરીન્સની ટુકડીઓ સહિત અમેરિકાનું ભૂમિદળ આ ક્ષેત્રમાં મોકલવામાં આવી રહ્યું છે.

ઇમેજ સ્રોત, Getty Images
ઇઝરાયલના ડિમોના ન્યુક્લિયર પ્લાન્ટ પાસે ઈરાનની મિસાઇલો ત્રાટકી હતી. ત્યાર પછી બચાવ કર્મચારીઓ રાહત કામમાં જોડાયા છે. કેટલાક અહેવાલ પ્રમાણે આ હુમલામાં 100થી વધુ લોકોને ઇજા થઈ છે.
End of સૌથી વધારે વંચાયેલા સમાચાર

ઇમેજ સ્રોત, Jorge NOVOMINSKY / AFPTV / AFP via Getty Images
ઇઝરાયલની મેગન ડૅવિડ એડોમ ઇમર્જન્સી સર્વિસે શનિવારે સાંજે અરાદમાં થયેલા મિસાઇલ હુમલા વિશે વધુ માહિતી આપી છે.
ઇઝરાયલના વડા પ્રધાન બેન્જામિન નેતન્યાહૂએ કહ્યું કે દરેક મોરચા પર અમારા દુશ્મનો પર હુમલો જારી રાખવા અમે કૃતનિશ્ચયી છીએ.

ઇમેજ સ્રોત, Mostafa Alkharouf/Anadolu via Getty Images
ઈરાને મધ્યપૂર્વમાં અમેરિકા સાથે સંકળાયેલાં ઍનર્જી માળખા પર હુમલા કર્યા છે અને હવે ઇઝરાયલમાં પણ મોટા હુમલા થયા છે. આ વખતે ડિમોના અને અરાદ શહેર તેના નિશાન પર છે.

ઇમેજ સ્રોત, Reuters
ઈરાને ડિમોના શહેર પાસે અણુમથકને નિશાન બનાવીને મિસાઇલ છોડી હોવાનું માનવામાં આવે છે. કારણ કે મિસાઇલ જ્યાં ખાબકી તે જગ્યાથી ન્યુક્લિયર ફૅસિલિટી માત્ર 13 કિલોમીટરના અંતરે આવેલી છે.

ઇમેજ સ્રોત, Getty Images
ગઈકાલે અહેવાલ આવ્યા હતા કે ઈરાને પોતાના પ્રદેશથી લગભગ 3,800 કિમીના અંતરે આવેલા યુકે અને અમેરિકાના સંયુક્ત મિલિટરી બેઝ ડિયેગો ગાર્સિયા પર મિસાઇલો છોડી છે. આ જગ્યા હિંદ મહાસાગરમાં આવેલી છે. આ હુમલામાં કોઈ નુકસાનની પુષ્ટિ થઈ નથી.

ઇમેજ સ્રોત, Reuters
બ્રિટને અમેરિકન સેનાને વધુ બ્રિટિશ મથકોનો ઉપયોગ કરવાની મંજૂરી આપી ત્યાર પછી ઈરાને આ અસફળ હુમલો કરવામાં આવ્યો હોવાનું માનવામાં આવે છે. ઈરાને હજુ સુધી ડિયેગો ગાર્સિયા પર મિસાઇલ હુમલાની પુષ્ટિ કે ખંડન કર્યું નથી.

ઇમેજ સ્રોત, Getty Images
બ્રિટનના સંરક્ષણ મંત્રાલયે એક નિવેદનમાં જણાવ્યું છે કે, ઈરાનના હુમલા સમગ્ર પ્રદેશમાં ફેલાઈ ગયા છે. તેમણે હોર્મુઝની સામુદ્રધુનીને બંધક બનાવી લીધી છે, જેનાથી બ્રિટન અને તેના સહયોગીઓનાં હિત માટે ખતરો છે.
બીબીસી માટે કલેક્ટિવ ન્યૂઝરૂમનું પ્રકાશન












