Naidheachdan 11:00m
Sir Jim Ratcliffe
Thuirt am Prìomhaire gum feum fear-gnothaich cho beartach 's a tha am Breatainn, Sir Jim Ratcliffe, leisgeul a thabhann airson a bheachdan air inimreachas. Thuirt Sir Jim, aig a bheil co-phà irt ann am Manchester United, gu bheil inimreachas air fàs gu ìre 's gu bheil e a' cosg cus dhan dùthaich. Ann an agallamh le Sky News thuirt e nach eil Sir Keir Starmer deònach rudan doirbh a dhèanamh airson sin a chur ceart. Thuirt am Prìomhaire gu bheil na briathran sin leamh agus ceà rr.
An Eaconomaidh
Bha fàs 0.1% san eaconomaidh sna trì mìosan gu deireadh na Dùbhlachd, a' fà gail fàs 1.3% ann fad na bliadhna an-uiridh. Cha robh fàs idir ann an roinn nan seirbheisean sna trì mìosan mu dheireadh, agus bha crìonadh ann an gnothachas proifeiseanta agus saidheansail. Ach bha fàs ann an tionnsgalachd.
Buidseat na h-Alba
Thèid bhòtadh airson a' chiad uair an-diugh air molaidhean buidseit Riaghaltas na h-Alba. Thuirt Rùnaire an Ionmhais, Shona Robison, gun toir e piseach air an NHS 's gun dèan e cuideachadh le cosgaisean bith-beò.
Ionnsaigh Sgeine
Tha gille, 13 bliadhna de dh'aois, fo chasaid gun do rinn e oidhirp air murt an dèidh ionnsaigh sgeine air dithis bhalach eile, 12 agus 13 bliadhna de dh'aois, aig Àrd-Sgoil Kingsbury ann an sgìre Brent ann an ceann an iar-thuath Lunnainn Dimà irt. Tha an dithis sin ann an suidheachadh seasmhach san ospadal.
Casaid oidhirp air murt
Thèid fear a tha 31 bhliadhna de dh'aois mu choinneimh na cùirte ann an Dùn Èideann an-diugh fo chasaid gun do rinn e oidhirp air murt. Chaidh an duine a chur an grèim an dèidh tachartas ann an sgìre Lochend anns a' bhaile oidhche Mhà irt anns an do bhuail cà r nach do stad ann am fireannach 36 bliadhna de dh'aois.
Casg
Chaidh casg o Gheamaichean Oilimpigeach a' Gheamhraidh air an Ucrà inianach, Vladyslav Heraskevych, airson clogaid a chleachdadh air a bheil dealbhan de lùth-chleasaichean às an dùthaich sin a chaill am beatha sa chogadh an aghaidh na Ruis. Tha an sgioba Ucrà inianach am beachd ath-thagradh a dhèanamh ris a' Chùirt airson Eadar-Mheadhanachd ann an Spòrs.