Naidheachdan 11:00m
Labour Together
Coimheadaidh Oifis a' Chaibineit ri aithrisean gun do phà igh am buidheann-breithneachaidh Labour Together airson rannsachadh air luchd-naidheachd a bha a' sgrùdadh a chuid maoineachaidh. Thuirt am Prìomhaire, Sir Keir Starmer, gun deadh coimhead ris a' chùis, an dèidh dhan BhBC fiosrachadh fhaighinn gun do choimhead an sgrùdadh - a rinn companaidh lobaidh Aimeireaganach - ri beachdan Iùdhach fear den luchd-naidheachd 's cuid de na bha e a' sgrìobhadh.
Grà in an aghaidh bhoireannach
Tha Riaghaltas na h-Alba a' foillseachadh iomairt ùir an-diugh an aghaidh fuath-bhan. Bidh iad ga ruith feadh grunn mheadhanan, a' comhairleachadh do bhalaich gun fuath an aghaidh bhoireannach a sgaoileadh air-loidhne. Tha am Prìomh Mhinistear John Swinney ag rà dh gu bheil e na dhragh mar a tha balaich agus daoine òga a' tighinn tarsainn air a leithid sin de stuth air-loidhne fiù 's ged nach biodh iad ga lorg.
Fòram nan Eilean
Tha comhairlean eileanach an Alba air a bhith a' cà ineadh co-dhùnadh Riaghaltas na Rìoghachd Aonaichte cur às do dh'Fhòram nan Eilean. Stèidhich an riaghaltas Tòraidheach am fòram ann an 2022 airson 's gun ionnsaicheadh coimhearsnachdan eileanach is ministearan bho chà ch a chèile, 's choinnich e ceithir tursan bhon uairsin. Thuirt ceannard Comhairle nan Eilean Siar, Pòl Steel, gun robh am fòram air a bhith feumail agus gun robh cruaidh-fheum air an leithid.
Gunnaichean nam poileas
Tha Caidreachas nam Poileas an Alba ag iarraidh gum biodh a h-uile cà r poilis a' giùlain ghunnaichean. Seo a' bhuidheann a tha a' riochdachadh nan oifigeraran poilis mar nà dar de dh'aonadh-chiùird. Bhiodh e comasach do phoilis na gunnaichean a chleachdadh ann an suidheachadh far an robh beatha ann an cunnart.
Ionnsaigh cheannairc Trà igh Bhondi
Nochd fireannach anns a' chùirt airson a' chiad uair an lùib chasaidean gun do mhuirt e 15 daoine aig fèis Iùdhach air Trà igh Bhondi an Astrà ilia. Tha Naveed Akram fo chasaid gun do loisg e air sluagh a bha a' comharrachadh fèill Hannukah ann an Sydney, còmhla ri athair Sajid. Mharbh na Poilis Sajid Akram aig an à m.
Bancaichean
Sgrìobh ball-pà rlamaid Albannach nan Eilean Siar, Alasdair Allan, gu buidheann bancaidh Lloyds, a' gearan mun cho-dhùnadh meur Banca na h-Alba ann am Beinn na Faoghla a dhùnadh. Tha e fhèin agus buill-phà rlamaid eile air sgrìobhadh le dragh mu 11 de bhancaichean a tha gan dùnadh ann an diofar sgìrean. Ach thuirt an Dr Allan nach robh e a' smaoineachadh gun robh tuigse aig Lloyds air suidheachadh Uibhist 's nach fhada a gheibheadh cuid de dh'eileanaich gu banca ach le a dhol air bà t-aiseig. Thuirt Lloyds gum bi cothrom aig daoine air bancadh air-loidhne agus gun gabh Oifis a' Phuist cleachdadh gu h-ionadail airson cuid de rudan.