Naidheachdan 11:00m

Iran

Thuirt Iran gun do loisg iad tuilleadh urchairean agus drònaichean air feadh an Ear-Mheadhanaich a dh'aindeoin 's gu bheil na Stàitean Aonaichte a' cumail a-mach gun robh còmhraidhean sìthe ann. Thuirt Israel gun do bhuail iad dà làrach urchairean cruise ann an Tehran.

An atmhorachd

Dh'fhuirich ìre na h-atmhorachd aig 3% sa Ghearran. Ach tha na figearan airson na mìos mus do thòisich an cogadh san Ear-Mheadhanach air prìs na h-ola agus connadh a chur suas gu mòr.

Teine

Tha dithis an greim fo amharas gun do chuir iad teine ri ceithir ambaileansan a bhoineadh do charthanas Iùdhach ann an ceann a tuath Lunnain Diluain. Thuirt Poilis a' Mhet gu bheil dithis fhear, 45 agus 47, an greim aca.

Meningitis

Dh'aidich Ospadal Ealasaid Màthair na Banrigh ann am Margate ann an Kent gun do dh'fhuirich iad dà là mas tug iad aire do chùis meningitis mus do sgap an galair san sgìre. Tha dleasdanas laghail ann cùisean a thoirt am follais taobh a-staigh 24 uairean.

Pàrlamaid na h-Alba

Bidh luaidh aig Holyrood an-diugh air na buill-phàrlamaid a tha a' seasamh sìos aig an taghadh seo. Tha an treas cuid de na buill a th' ann an-dràsta a' falbh agus sgaoilidh a' phàrlamaid ron taghadh air an t-seachdamh là den Chèitean.

IFB Earra-Ghàidheal

Thèid beachdachadh air buidseat Bòrd Amalaichte Caidreachas Slàinte 's Cùram Sòisealta Earra-Ghàidheil 's Bhòid an-diugh. Ged nach tèid na gearraidhean as connspaidiche air an robh iad a' coimhead air adhart, tha rabhadh ann nach eil iad ann an suidheachadh seasmhach fhathast.