Naidheachdan 11:00m
Palestine Action
Thà inig riaghladh bhon Àrd-Chùirt an-diugh gun robh e mì-laghail do Riaghaltas na Rìoghachd Aonaichte Palestine Action ainmeachadh mar bhuidhinnn cheannairc, ach gun seas an casg sin an-drà sta san lagh gus an dèan Oifis na Dùthcha ath-thagradh. Thuirt na britheamhan gu bheil Palestine Action ri eucoir nach eil a' dol cho fada ri ceannairc. Thuirt Rùnaire na Dùthcha, Shabana Mahmood, gum bi an riaghaltas a' dèanamh ath-thagradh.
Co-labhairt Munich
Dh'innis Rùnaire nan Stà itean Aonaichte, Marco Rubio, do cheannardan Eòrpach gum feum iad beachdachadh às ùr air an à ite ann am poileataigs an t-saoghail. Tha dùil gun can Mgr Rubio ri Comhairle na Tèarainteachd ann am Munich an-diugh nach trèig na Stà itean Aonaichte NATO ach gum feum na dùthchannan Eòrpach ionnsachadh dìon a chur orra fhèin.
Goldman Sachs
Tha à rd-neach-lagha aig a' bhanca-tasgaidh, Goldman Sachs, a' fà gail a dreuchd an dèidh ceanglaichean dlùth tighinn am follais eadar i agus an t-eucoireach feise, Jeffrey Epstein. Tha puist-dealain, a dh'fhoillsich Roinn a' Cheartais anns na Stà itean Aonaichte, ag rà dh gun do mhair cà irdeas pearsanta Kathryn Ruemmler ri Epstein an dèidh a dhìteadh ann an 2008. Thuirt ise gun robh i air dèiligeadh ris ron sin na dreuchd mar neach-tagraidh ach nach b' aithne dhi aig an à m sin gun robh e fo rannschadh eucoir.
An Ceann-suidhe Trump
Tha Barack Obama am measg na rinn cà ineadh air a' Cheann-suidhe Trump, a chuir às do riaghladh laghail a bha a' cur smachd air truailleadh cà rboin anns na Stà itean Aonaichte. Thuirt Mgr Obama gun toir sin droch bhuaidh air slà inte agus air strì an aghaidh atharrachadh na gnà th-shìde. Thuirt Mgr Trump gu bheil esan a' cur às do phoileasaidh a bha a' mùchadh na h-eaconamaidh. Thuirt buidhnean carthannais anns na Stà itean Aonaichte gun dèan iad ath-thagradh anns na cùirtean.
Comhairle Earra-Ghà idheal is Bhòid
Thèid iarraidh air Comhairle Earra-Ghà idheal 's Bhòid gabhail ri à rdachadh 6% sa chìs-chomhairle. Agus tha coltas gu bheil luach £3m de ghearrraidhean romhpa airson na leabhraichean a chothromachadh. Bidh an t-ùghdarras ionadail a' bhòtadh air a' bhuidseat air an 25mh là den mhìos seo.
Orbex
Leig 20 companaidh fhaicinn gu bheil iad deònach sealbh a ghabhail air stòras na companaidh Orbex a chaidh gu rianachd, a' cur còrr 's 150 cosnadh ann an cunnart. Tha Orbex, a tha ri obair fà nais, stèidhichte ann am Farrais ach tha là rach aca ann an Ceann Lois agus là rach air mà l ann an Cataibh airson port-fà nais.