Naidheachdan 11:00m
Cogadh Iran
Thuirt am prìomhaire Israelach, Benjamin Netanyahu, gun do choilean iad còrr is leth de na h-amasan sa chogadh an aghaidh Iran. Ach dhiùlt e innse dè an clà r-ama a th' aige airson deireadh a' chogaidh.
Scott Mills
Thà inig e am follais gun do cheasnaich poilis ann an Lunnain Scott Mills ann an 2018 mu chasaidean feiseil co-cheangailte ri balach a bha na dheugaire. Dh'innis am BBC an-dè gun do chuir iad Mills, a bha na phreasantair air Radio 2, a-mach às a' bhuidhinn co-cheangailte ri casaidean mu a dhol a-mach phearsanta.
Taighean ùra
Bha lùghdachadh san à ireamh thaighean ùra a thogadh an Alba an-uiridh. Tha na figearan suas dhan Dùbhlachd ag rà dh gun deach beagan a bharrachd air 17,300 dachaigh ùr a thogail eadar na roinnean poblach agus prìobhaideach. A bharrachd air à m a' phandemic 's e sin an à ireamah as lugha dhachaighean prìobhaideach bho 2014, agus an ìre as lugha de thaigheadas shòisealta bho thòisich clà radh ann an 1997.
Grà isgean grumaidh
Bidh an rannsachadh neo-eisimeileach air grà isgean grumaidh ann an Sasainn agus sa Chuimrigh a' coimhead air an robh pà irt aig cinneadh, cultar neo creidheamh ann an droch-dhìol air clann agus an tug iad buaidh air an dòigh san do dhèilig na h-ùghdarrasan ris. Chaidh modhan obrach an rannsachaidh fhoillseachadh sa mhadainn an-diugh agus tòisichidh an là n-rannsachadh air an ath-mhìos.
Grà isgean dhrugaichean
Tha an carthannas cloinne Barnardo's ag rà dh gu bheil grà isgean dhrugaichean a' gabhail brath air òigridh air a' Ghà idhealtachd. Tha an carthannas ag rà dh gu bheil eucoirich ag amas agus a' maoidheadh gu h-à raid air daoine òga so-leònta sa bhaile. Dh'innis poilis bho chion ghoirid gu bheil mu 12 grà isg dhrugaichean, mòran dhiubh sin a tha stèidhichte ann an Sasainn, ag obair ann an Inbhir Nis.
Taigheadas connspaideach
Bidh comhairlichean anns na h-Eileanan Siar a' beachdachadh an-diugh air cead-dealbhachaidh do sgeama thaigheadais faisg air Port-Adhair Steòrnabhaigh anns am biodh faisg air 100 taigh. Tha am plana connspaideach agus tha muinntir Mhealaboist 's Bhrà igh na h-Aoidhe ag rà dh gun atharraicheadh an leasachadh an sgìre gu tur. Agus tha buidheann na h-à rainneachd, SEPA, a' togail dragh mu dheidhinn.