Naidheachdan 11:00m
Sir Keir Starmer
Bruidhnidh Sir Keir Starmer air beulaibh bhall-pà rlamaid Là barach an-diugh feuch an cuir iad taic ris anns an sgainneal mun Mhorair Mandelson. Leig ceannard oifis a' Phrìomhaire, Morgan McSweeney, dheth a dhreuchd an-dè, 's e ag rà dh gun robh esan a' gabhail an uallaich airson mar a chomhairlich e do Sir Keir am Morair Mandelson a chur na thosgaire a Washington. Ach thuirt Prìomh Mhinistear na h-Alba, John Swinney, gu bheil an t-uallach air a' cheann thall air Sir Keir Starmer fhèin agus gur e droch cho-dhùnadh a rinn e.
Ospasan
Tha ceannardan ospais ag rà dh gum feumar dèiligeadh le cion-cùraim deireadh-beatha ann an sgìrean dùthchail. Tha iad airson 's gun tèid coimhead ris agus Pà rlamaid na h-Alba gu bhith a' bhòtadh deireadh na mìos aig an ìre mu dheireadh de reachdas bàs le taic. Tha eagal air na h-ospasan gum bi daoine airson am beatha a thoirt gu crìch mura bi cùram deireadh-beatha ceart ri fhaighinn dhaibh anns na sgìrean aca fhèin.
Seirbheisean Adhair
Tha Comhairle nan Eilean Siar ag iarraidh gum biodh seirbheisean adhair nan eilean uile saor bho chosgaisean à rainneachd chà rboin. Chan eil aig plèanaichean beaga ri sin a phà igheadh an-drà sta, ach tha Ùghdarras Sgeama nan Eimiseanan am beachd am faochadh sin a tharraing. Tha Comhairle nan Eilean Siar air sgrìobhadh gu Riaghaltas na Rìoghachd Aonaichte ag rà dh gum bu chòir gach seirbheis eadar na h-eileanan agus a-mach 's a-steach às na h-eileanan a bhith saor bhuaithe.
Stalcair
Sheachain fireannach aois 71 binn prìosain an dèidh a bhith air fhaighinn ciontach gun robh e a' stalcadh a' chraoladair BBC Anne NicAilpein. Chaidh òrdugh coimhearsnachd dà bhliadhna a chur air Raibeart Green à Glaschu le cùmhnant gum bi faire air fad dà bhliadhna. Ann an Cùirt an t-Siorraidh an Glaschu chaidh òrdugh a chur air cuideachd nach fhaod e conaltradh sam bith a dhèanamh le Anne NicAilpein airson a' chòrr de a bheatha.
Bileachan-sneachda
Tha rabhadh ga chur gu daoine a bhios a' coiseachd nam beann mun chunnart a th' ann am bileachan-sneachda an dèidh do dhuine tuiteam 150 meatar le beinn ann an ear-dheas na Gà idhealtachd air an deireadh-sheachdain. Tha luchd-teasairginn ag rà dh gun robh e uabhasach fortanach nach deach a thiodhlacadh fon t-sneachd.
Drònaichean
Tha dòchas gun tòisich drònaichean a' giùlan chungaidhean leigheis is bathair anns na h-Eileanan Siar ann an ùine nach bi fada. Thuirt a' chompanaidh dhrònaichean carago Windracers gu bheil iad an dùil a leithid a stèidheachadh an taobh a-staigh bliadhna. Tha iad mar thà air na drònaichean fheuchainn ann an Arcaibh. 'S e an dòchas gum bi iad feumail airson stuth meadaigeach fhaighinn gu daoine, agus cuideachadh a' faighinn cuid de dh'iasg is maorach gu margaidhean ann an cabhaig.