Ogham

Blianta fada sula raibh aon trácht ar scríbhneoireacht, ba ó bhéal go béal a cuireadh stair, natháin chainte agus béaloideas thart. Le himeacht aimsire, is minic a athraíodh an seanchas sin agus sin an fáth ar éirigh sé an-tábhachtach rudaí a scríobh síos. Ba mhian leis na Ceiltigh ainmneacha a choinneáil i gcuimhne - chun a thaispeáint uaireanta cér leis píosa talaimh nó a insint cé a bhí curtha faoi chloch éigin. Tá cuid de na clocha sin le fáil go fóill ach eolas a bheith agat fúthu.

Dhéanadh na Ceiltigh eangaí a ghearradh ar chlocha - agus b'ionann na heangaí seo agus litreacha den 'Oghamchraobh.' Is iad na litreacha sin san Oghamchraobh an scríbhneoireacht is ársa dá bhfuil le fáil in Éirinn.