Ar Ais go hÉirinn

Vox Hiberniae. Glór na nGael.

Impímid ort, a ógánaigh naofa, theacht a shiúl inár measc arís.

Maith mo mhadadh. An bhfuil a fhios agat go ndearnadh brionglóid dom go raibh muintir na hÉireann ag glaoch orm dul ar ais chucu? (Ceann an mhadaidh á thochas aige.) Bhí mé i mo sclabhaí in Éirinn fadó. Cad é atá i gceist?

An té a fuair bás ar do shon, is é atá ag caint leat.

Canis, a mhadaidh, tá a fhios agam cad é a chaithfeas mé a dhéanamh. Ba mhian le Dia mé filleadh ar Éirinn. Tá obair aige dom ansin. Caithfidh mé slán a a fhágáil ag mo mhuintir – agus agatsa. Caithfidh mé fáil amach cé a thiocfas in éineacht liom – nó ní mór dúinn imeacht agus seoladh siar láithreach.

Mo mhuintir. Tá a fhios agaibh go gcaithfidh mé sibh a fhágáil agus filleadh ar an tír ina raibh mé i mo sclábhaí. Anois is i seirbhís Dé atá mé agus caithfidh mé bheith umhal dó agus filleadh ar mhuintir na hÉireann. Beidh cumha an domhain orm in bhur ndiaidh agus beidh mé ag smaoineamh oraibh agus mé ag paideoireacht. Go mbeannaí Dia dhaoibh.