Nigeria govment amend charges against former AGF Abubakar Malami, drop terrorism financing

File photo of Malami accompanied by security operatives
Read am in 5 mins

Di federal govment of Nigeria don amend di charges wey dem bin sama on top di former Attorney General of di Federation Abubakar Malami.

Malami and in son Abdul Aziz Abubakar Malami bin dey stand trial for alleged abuse of office, illegal possession of firearms, and also accuse say e bin dey sponsor terrorism.

For di Federal High Court, Abuja dis Wednesday, Akinlolu Kehinde counsel for di Nigeria govment inform di court say dem don amend di charges so dem wan withdraw di old charges and rearraign di defendants on di new charges.

Di defence lawyer, Shaibu Aruwa confam say dem don get copy of di new charges and e no get any objections.

One of di charges be say Malami and im son bin engage in preparation to commit terrorism as dem get for dia possession one Sturm Magnum 17 gun plus 16 live rounds of cartridges and anoda 27 empty cartridges.

Skip content and continue reading

End of content

Dem plead not guilty to di charges.

Justice Joyce Abdulmalik allow di defendants to continue to dey enjoy di bail wey di court bin grant dem, and fix May 26 for continuation of trial.

Di charge wey di FG drop na di allegation say Malami knowingly abet terrorism financing by refusing to prosecute terrorism financiers wey dia casefiles bin come to im office as di Attorney General of di Federation, for prosecution, and say di offence dey contrary to Section 26 (2) of di Terrorism Act, 2022.

Di amended charges against Malami and son

Count one: Say you Abubakar Malami and Abdulaziz Abubakar Malami sometime for December, 2025, for Geeze Phase II Area, Birnin Kebbi LGA, Kebbi State, within di jurisdiction of dis Honourable Court, bin engage in preparation to commit acts of terrorism as you get for your possession and no license, one Sturm Magnum 17 – 0101 firearm, Sixteen (16) Redstar AAA 5'20 live rounds of Cartridges and Twenty-Seven (27) expended Redstar, and therefore you commit offence contrary to and punishable under Section 29 of di Terrorism (Prevention and Prohibition) Act, 2022.

Count two: Say you, Abubakar Malami and Abdulaziz Abubakar Malami sometime for December, 2025, for Geeze Phase II Area, Birnin Kebbi LGA, Kebbi State, within di jurisdiction of dis Honourable Court, you bin conspire amongst yoursef in preparation to commit acts of terrorism as you get for your possession witout a license a Sturm Magnum 17 - 0101 firearm, Sixteen (16) Redstar AAA 5'20 live rounds of Cartridges and Twenty-Seven (27) expended Redstar, contrary to Section 26 (1) of di Terrorism (Prevention and Prohibition Act) 2022 and punishable under Section 26 (3) (a) and (b) of di Terrorism (Prevention and Prohibition Act) 2022.

Count three: Say you, Abubakar Malami and Abdulaziz Abubakar Malami sometime for December, 2025, for Geeze Phase II Area, Birnin Kebbi LGA, Kebbi State within di jurisdiction of dis Honourable Court, witout license, you get for your possession one Sturm Magnum 17 - 0101 firearm and you commit offence contrary to Section 3 of di Firearms Act, CAP F28, Laws of di Federation of Nigeria, 2004 and punishable under Section 27 (1) (a) (i) of di Firearms Act, CAP F28, Laws of di Federation of Nigeria, 2004.

Count four: Say you, Abubakar Malami and Abdulaziz Abubakar Malami sometime for December, 2025, for Geeze Phase II Area, Birnin Kebbi LGA, Kebbi State within di jurisdiction of dis Honourable Court, witout a license, get for your possession Sixteen (16) Redstar AAA 5'20 live rounds of Cartridges and you commit offence contrary to Section 8 (1) (b) (ii) of di Firearms Act, CAP F28, Laws of di Federation of Nigeria, 2004 and punishable under Section 27 (1) (a) (i) of di Firearms Act, CAP F28, Laws of di Federation of Nigeria, 2004.

Count five: Say you, Abubakar Malami and Abdulaziz Abubakar Malami sometime for December, 2025, for Geeze Phase II Area, Birnin Kebbi LGA, Kebbi State within di jurisdiction of dis Honourable Court, witout license, you get for your possession Twenty-Seven (27) expended Redstar AAA 5'20 live rounds of Cartridges and you commit offence contrary to Section 8 (1) (b) (ii) of di Firearms Act, CAP F28, Laws of di Federation of Nigeria, 2004 and punishable under Section 27 (1) (a) (i) of di Firearms Act, CAP F28, Laws of di Federation of Nigeria, 2004.

Remember say Malami get anoda court mata wey di Economic and Financial Crimes Commission (EFCC) knack im and im wife and son.

Dat case dey bifor Justice Emeka Nwite, also for di Federal High Court, Abuja.

Di EFCC accuse di Malami family say dem buy properties for several places for Nigeria wit money wey dem suppose know say na proceed of unlawful activity.

Dem also plead not guilty and di court grant dem bail for 500 million naira and two sureties wey go get property for Asokoro or Maitama areas for Abuja.