Waa kee dalka bilaabay in uu ka faa'iideysto shidaalkii Venezuela?

Markabka Minerva Gloria wuxuu ku xiran yahay Mississippi Sound, oo aan ka fogayn kaydka batroolka ee baaxadda leh ee Maraykanku ku leeyahay Gacanka Mexico.

Markabkan oo dhererkiisu dhan yahay 250 mitir, waxa uu shixnad qiimo leh ka soo qaaday dalka Venezuela, kaas oo lix bilood uun ka hor, aanay u suurto gasheen inuu gaaro Maraykanka.

Venezuela waxay leedahay kaydka saliida ee ugu wayn aduunka. Xilligii madaxweynihii hore ee Venezuela Nicholas Maduro, dhoofinta saliidda ayaa hoos u dhacday maalgashi la'aan awgeed. Dabadeed waxa soo baxay cunaqabatayn Maraykan ah oo ka dhan ah saliida loo soo dhoofiyo dalka Koonfurta Ameerika.

Balse madaxweynaha Mareykanka Donald Trump ayaa wacad ku maray in uu isticmaali doono saliidda kadib markii ciidamada Mareykanka ay ku qabteen Maduro weerar lama filaan ah oo dhacay bishii Janaayo.

Hadda saliid ayaa dib ugu soo qulquleysa Venezuela. Bishii Maarso, dhoofinta saliida ceyriin ee dalka bishii ayaa kor u dhaaftay hal milyan oo barmiil maalintii, waana markii ugu horeysay tan iyo bishii Sebtembar.

Saliida Venezuela

"Waa heshiis weyn," ayuu yiri Tim Potter, oo ah maamulaha warshadda sifeynta ee Chevron ee Pascagoula, Mississippi. Sidoo kale waa shirkadda kaliya ee ugu weyn ee saliidda Mareykanka ee hadda ka shaqeysa Venezuela.

Si wada jir ah tani waxay ka dhigan tahay in Chevron uu qaadan karo saliidda Venezuela, ka baaraandegi karo, oo si toos ah ugu rari karo macaamiisha Mareykanka.

Saliida cayriin ee Venezuela way fududahay in la iibsado sababtoo ah way adagtahay in la sifeeyo. Aad buu u culus tahay, dhumucdiisuna way badan tahay, waa madaw oo waxa ku jira baaruud sare. Waxa loo isticmaalaa in lagu sameeyo naaftada, shidaalka gawaarida, shidaalka diyaaradaha iyo alaabo kale.

Chevron waxa ay hadda soo dejinaysaa saliida ceyriinka ee Venezuela 250,000 oo barmiil maalintii, ayuu yiri Andy Walz, madaxweynaha Chevron.

Inkasta oo Chevron ay tahay shirkadda kaliya ee Maraykan ah ee awoodda u leh inay soo saarto saliid, kuwa kale waxay ka iibsanayaan saliidda Venezuelan wax soo saarka gudaha.

Chevron sidoo kale maaha shirkadda kaliya marka ay timaado sifeynta saliida ee Maraykanka. Dalka Maraykanka waxaa ku yaal 132 warshadood oo sifeeya saliidda cayriin.

Maraykanku waxa uu soo dhoofsadaa saliid aad u yar oo ka timaada Bariga Dhexe, qiyaastii 8% sanadka 2025. Kordhinta soo dejinta ee Venezuela waxay la macno tahay in shidaal badan la heli karo, taasoo la micno ah in shidaal ka jaban uu noqon doono mid la awoodi karo darawaliinta Mareykanka.

"Maraykanku waxa uu soo dhoofsadaa shidaal aad u yar isaga oo soo mara marinka Hormuz, mana soo dajin doono wax shidaal ah mustaqbalka isaga oo marinkaas maraya" ayuu yidhi madaxweynaha Maraykanka Donald Trump oo khudbad ka jeediyay todobaadkii hore.