Guardiola iyo Arteta keebaa aad u doonayo in uu qaado koob?

Xafiiltanka Arsenal iyo Manchester City u dhexeeya wuxuu u weecday dhankaas iyo garoonka Wembley, laakiin uma eka mid ku saabsan kaliya Koobka Carabao.

Mikel Arteta iyo naadigiisa waxay horyaalka Ingiriiska ku hoggaaminayaan sagaal dhibcood, waxayna aadayaan Champions League iyagoo halkaas taagan.

Si kastaba ha ahaatee, markii saddexaad afartii xilli ciyaareed ee la soo dhaafay ayaa Pep Guardiola iyo naadigiisa laga saaray Champions League.

Labada naadi waxay ku jiraan FA Cup. Kulanka Carabao waa hal fursad oo naadiyan ku soo bandhigi karaan sida ay u sareeyaan.

Labada kooxood ayaa laba jeer oo kale iska hor imaan doona ka hor inta xilli ciyaareedkan uusan dhammaan. Mar waxay isku arkayaan garoonka Etihad ciyaar hoyraalka Ingiriiska ah halka kulanka Kalena uu yahay FA Cup.

Labadan naadi kan ku guuleysta kulanka Wembley miyaa la dhihi karaa wuu ka awood badan yahay kan kale?

Labada naadi keebaa si weyn ugu baahan guusha?

Naadiga Arteta ee Arsenal ayaa si weyn u dooneysa guusha si ka badan kooxda Guardiola. Si kasta oo ay u soo bandhigaan ciyaar wanaagsan hadana koobka ma qaadayaan.

Kii ugu dambeeyay koob FA cup ah oo Arsenal ay qaado intii uu la joogay Arteta wuxuu ahaa sanadkii 2020-kii.

Arteta, oo hore kaaliye ugu ahaa naadiga Pep ee City, ayaa koob la qaaday Arsenal sagaal bilood kaddib markii uu ka tagay City.

Si kastaba ha ahaatee, xiligaas Guardiola wuxuu ku guuleysay Champions League, afar koob oo horyaal Ingiriiska ah, FA Cup, EFL Cup, UEFA Super Cup, iyo kan kooxaha adduunka ee FIFA.

Tan iyo markii uu koobka la qaaday Arsenal, Arteta ayaa ku guuldareystay in uu qaado koobab kale sida Europa League, EFL Cup, iyo Champions League.

Intaa waxaa u dheer in City iyo Arsenal ay wada ciyaareen dhowr kulan. Arteta wuxuu guuleystay afar kulan halka sagaal kulan ay City ka badisay.

Tani waxay ka dhigan tahay in Arteta uusan dooneyn in uu iska jooga halka ugu sareeya balse uu si weyn ugu baahan yahay in uu qaado koob si ka badan Guardiola.

Difaacii hore ee xulka qaranka Ingiriiska, horena Arsenal uga tirsanaa ayaa ka hadlay fakarkiisa, wuxuuna sheegay "Waxay ila tahay in Arteta uu si weyn u doonayo koob maxaa yeelay ma uusan qaadin koobab ku filan intii uu joogay Arsenal".

Wuxuu sheegay in cadaasi badan uu saaran yahay Arteta xilli ciyaareedkan. Taasi macnaheeda ma ahan in Pep Guardiola uusan dooneyn koob. Hadii City ay guuleysto waxay taasi su'aal gelineysaa kalsoonida Arsenal.

"Tani waxay ka caawineysaa sideeda kulan ee haray", ayuu yiri Matt Apson.

Difaacii hore ee Manchester City, Nedum Onuoha, ayaa sheegay in ay wax weyn u tahay City hadii ay ka adkaadaan Arsenal.

"City way careysan yihiin sababtoo ah waxay lumiyeen guushii Champions League. Waxay ku muujin karaan caradooda ah in Real Madrid ay kaga adkaatay Carabao Cup-ka."

Wuxuu intaas ku daray in uu u maleynayo hadii koobka la qaado ka hor fasaxa in taasi ay bedeli doonto aragtida xilliga.

Arsenal waxay koobka qaadeysay laga soo bilaabo xilli ciyaareedyadii 2003-04 markaas uu naadiga la joogay Arsene Wenger.

Sagaal dhibcood ayey ku hoggaaminayaan liiska kala horeynta, waxaana u haray hal ciyaar oo kaliya.

Ciyaartan kaddib City waxay lumineysaa dhibco halka Arsenal-na ay hore ugu sii socoto

Apson wuxuu qabaa in guuldarada Arsenal aysan dhaawaceyn oo kaliya Arteta.

"Qaabka ay u dhisan yihiin wuu xooggan yahay. Hadii laga badiyo, ma filayo in taasi ay xanibeyso" ayuu yiri Apson oo intaas ku daray "Wax weyn ayey u tahay Arsenal in ay guuleysato. Taasi waxay cabir u tahay sumcadoodu"

"City in looga adkaado Wembley waa wax weyn. In laga badinayna way u xun tahay" ayuu yiri Apson

Yaa guuleysanayo?

Apson wuxuu qabaa in labada naadi ay haystaan fursado ay ku qaadi karaan koobka.

"Waxaan dhihi karaa Arsenal ayaa ku guuleysan doonta. Sababtoo ah, waxaan ogahay nooca ciyaar ay soo bandhigi doonaan", ayuu yiri.

"City waa naadi weli xooggan. Marka ay hagaagsan yihiin cid kasta way ka adkaan karaan, balse way adag tahay in la saadaaliyo.