TOOS, Xoghayaha difaaca Maraykanka oo sheegay in in xabbad-joojinta lala galay Iiraan ay fursad u tahay "nabad dhab ah," iyadoo labada dhinacba ay guul sheeganayaan

Maraykanka iyo Israa’iil ayaa u muuqda inay hakiyeen weeraradii ay ku hayeen Iiraan inta ay xabbad-joojintu socoto

Kooban

Trump oo hakiyay hanjabaadi weerarka Iiraan
Sawiro: Iiraaniyiinta oo isugu soo baxay Tehran kadib xabad joojinta.
Israa'iil oo soo dhoweysay go'aanka Trump
Faahfaahinta xabbad joojinta labada todobaad ah ee ay ku heshiiyeen Maraykanka iyo Iiraan

Tebin toos ah

12 Daqiiqadood ka horCiidamada badda Iiraan oo fariin u diray maraakiibta ku sagan Hormuz, maxayse ku saabsan tahay
Shirkadda howlaha maraakiibta SSY ayaa u xaqiijisay BBC Verify in maraakiibta ku sugan Gulf ay heleen fariintan:
“Digniin dhammaan maraakiibta. Digniin dhammaan maraakiibta. Digniin dhammaan maraakiibta ku sugan Gacanka Persia iyo Badda Cuman. Tani waa Saldhigga Badda ee Islamic Revolutionary Guard Corps (IRGC). Gudbida Marin-biyoodka Hormuz weli waa xiran yahay, waana inaad oggolaansho ka heshaan IRGC ka hor intaadan maraakiibtu marin. Maraakiib kasta oo isku dayda inay gudbaan waa la beegsan doonaa oo la burburin doonaa.”
Claire Grierson, madaxa cilmi-baarista maraakiibta shidaalka ee SSY, ayaa u sheegtay BBC Verify in shirkaddu ay ogtahay in shaqaalaha maraakiibta ay maqleen fariintan kanaal raadiyo ah oo loo isticmaalo digniinaha badda ee caalamiga ah.
36 Daqiiqadood ka horWarbaahinta Iiraan oo hadda war cusub shaacisay
Warbaahinta Iiraan ayaa sheegaysa in maraakiibta shidaalku ay joojiyeen ka gudubka marin-biyoodka Hormuz, xilli Israa’iil ay Lubnaan ku garaacayso "weeraradii ugu weynaa" tan iyo markii uu billowday hawlgalkooda dhulka.
In loo ogolaado maraakiibta inay maraan marinkaas ayaa fure u ah xabbad-joojinta u dhaxaysa Iiraan iyo Maraykanka.
Hase yeeshee, wakaaladda wararka ee Fars oo xiriir la leh Ciidanka Ilaalada Kacaanka (IRGC) ayaa werisay in inkasta oo laba markab oo shidaal ah ay saaka ka gudbeen marinka ogolaansho ay ka heleen Iiraan, haddana la joojiyay isu-socodka maraakiibta shidaalka ee maraya marin-biyoodka Hormuz.
Wakaaladda Wararka ee Jamhuuriyadda Islaamiga ah (IRNA) ayaa sidoo kale sheegaysa in maraakiibta la joojiyay, iyadoo labada xarumoodba ay daliishadeen weerarada joogtada ah ee Israa’iil ay ku hayso Lubnaan.
50 Daqiiqadood ka horMaxaan Iran loogu ogoleyn in ay yeelato hubka Nukleerka?
Mas'uuliyiin ka kala socda Mareykanka iyo Iran ayaa wadahadallo fool ka fool ah ku yeeshay magaalada Muscat ee caasimadda Oman, iyagoo isku dayaya in ay gaadhaan heshiis cusub oo ku saabsan barnaamijka nukliyeerka ee Iran.
Horey waxaa u jiray heshiis nukliyeer oo ay kala saxiixdeen Iran iyo quwadaha waaweyn ee caalamka, balse sannadkii 2018, Donald Trump ayaa ku dhawaaqay in Mareykanku uu ka baxayo heshiiskaas, isagoo sidoo kale Iran saaray cunaqabateyn dhaqaale, taasoo si rasmi ah uga xanaajisay Tehran.
Markii uu xilka la wareegay, Madaxweyne Trump wuxuu bilaabay wadahadallo cusub oo ku saabsan heshiis nukliyeer oo cusub oo uu Iran la yeelanayo, wuxuuna uga digay in haddii wadahadalladaasi si guul leh ku dhammaan waayaan, ay suurtagal tahay in tallaabo milatari laga qaado dalkaas.
Halkan ka sii akhriso sheekada
Saacad ka horIiraan oo ka digtay tallaabo ay ku sheegtay xad-gudub xabbad-joojinta ah iyo dalka ay ku eedeysay
Telefishinka dowladda Iiraan, oo soo xiganaya bayaan ka soo baxay Ciidanka Ilaalada Kacaanka, ayaa ku dhawaaqay in diyaarad nooca aan duuliyaha lahayn ah oo ay Israa’iil samaysay oo la yiraahdo Hermes lagu soo riday iyadoo ku duulaysa magaalada koonfureed ee Lar maalintii Arbacada, iyagoo ka digay "xadgudub ka dhan ah xabbad-joojinta."
Bayaanka ayaa u qornaa: "Dhowr daqiiqo ka hor, diyaarad horumarsan oo nooca aan duuliyaha lahayn ah oo ah Hermes 900 ayaa lagu dhex qabtay laguna burburiyay hawada Lar ee gobolka Fars, kadib markii lagu riday nidaamka difaaca hawada ee casriga ah ee Ciidanka Ilaalada Kacaanka."
Bayaanka ayaa lagu muujiyay in "soo gelitaanka nooc kasta oo ay tahay diyaarad ay leeyihiin cadawga Maraykanka ama Israa’iil ee hawada dalka, xataa haddii aysan fulin hawlgallo milatari, ay ka dhigan tahay xadgudub ka dhan ah xabbad-joojinta, ayna ka dhalan doonto jawaab adag."
Saacad ka horWax badan ka ogow gantaalaha guuxooda ka dheereeya ee Hypersonic ee ay Iiraan heysato
Bishii November ee 2023 ayay ahayd markii Ilaalada Kacaanka Islaamiga ahaa ee Iran ku dhawaaqeen inuu haysto gantaal hypersonic ah oo ay u bixiyeen magaca Faatix oo micnahiisu yahay furasho.
Iran waxay sheegtay in gantaalkan uu wax ka beegsan karo ilaa masaafo gaadha 1,400 kiilomitir sidoo kale uu ku socon karo xawaare sare oo gaadha ilaa Mach 15 oo 5 km ilbiriqsigii kahor inta uusan ku dhicin bartilmaameedkiisa.
Waxaa sidoo kale la sheegay inuu leeyahay dhuun labaad oo loo dhaqaajin karo in loo adeegsado sidii kiciye kale oo u ogolaanaya inuu sii kordhiyo xawaarihiisa, taasoo saraakiisha sare ee Iran ay ku doodayaan in aysan jirin nidaam difaac oo dunida ilaa hadda la jaanqaadi kara.
Mas'uuliyiinta Iran sidoo kale waxay ay ku faaneen in Faarix uu siin doono awood cusub oo iska caabin ah.
Waxay iska beeniyeen shakigii reer Galbeedka ee ku aaddanaa in aysan Iran sameysan karin gantaallada xawaaraha sare leh ee guuxooda ka dheereeya, Mareykanka waxaa welwelka usii dheer tiknoolojiyadda gantaalkan cususb ay burburinayso suuqiisa bariga dhexe ee hubka maadaama gobolku sameysano hub casri ah.
Halkan ka sii akhriso sheekada
Saacad ka horDigniin adag oo uu soo saaray dalkii dhexdhexaadiyey xabbad-joojinii Iiran iyo Maraykanka
Ra’iisul Wasaaraha Bakistaan, Shehbaz Sharif, oo dalkiisu dhex-dhexaadinayo wadahadallada u dhexeeya Iiraan iyo Maraykanka, ayaa sheegay in lagu soo warramay xadgudubyo ka dhan ah xabbad-joojinta oo ka dhacay "goobo kooban oo ka tirsan aagga colaadda".
Qoraa uu soo dhigay bartiisa X, ayuu ku yiri: "Waxaa jira warar sheegaya xadgudubyo xabbad-joojin ah oo ka dhacay meelo yar oo ka mid ah aagga colaadda, kuwaas oo wiiqaya nuxurka hannaanka nabadda.
"Waxaan si kal iyo laab ah ugu baaqayaa dhammaan dhinacyada inay muujiyaan is-xakameyn oo ay dhowraan xabbad-joojinta labada toddobaad ah, sidii lagu heshiiyay, si diblomaasiyaddu ay door hoggaamineed uga qaadato xal u helidda colaadda si nabad ah."
Saacad ka horWaa kuma hoggaamiyaha uu hanjabay wasiirka difaacada Isreal ka dib xabbad-jojinta
Wasiirka Difaaca Israa’iil, Israel Katz, ayaa u digay xoghayaha guud ee Xisbullah, Naim Qassem, isagoo sheegay in "markiisa shakhsiga ah" ay soo socoto, kadib markii uu ku dhawaaqay in milatarigu ay boqolaal dagaalyahan ku qaadeen weeraro kadis ah oo lala beegsaday xarumo ku yaalla guud ahaan Lubnaan.
"Waxaan uga dignay Naim Qassem in Xisbullah ay qiimo aad u sarreeya ku bixin doonto weerarka ay Israa’iil ku soo qaaday iyadoo matalaysa Iiraan, maantana waxaan fulinnay tallaabo kale oo kamid ah ballanqaadkii," ayuu Katz ku yiri bayaan uu soo saaray.
"Marka shakhsiga ah ee argagixisada weyn Naim Qassem isna wuu imaan doonaa."
Iyadoo weerarada baaxadda leh ee Lubnaan ay sii socdaan inkastoo ay jirto xabbad-joojinta lala galay Iiraan, Katz ayaa sheegay in Israa’iil ay ku adkaysatay "in la kala saaro fagaarayaasha dagaalka ee Iiraan iyo Lubnaan, si loo beddelo xaqiiqada Lubnaan, loogana saaro khatarta dadka deggan waqooyiga."
2 Saacadood ka horCiidamada Ilaalada Kacaanka ee Iiraan oo war cusub ka sheegay Maraykanka
Saacado ka dib markii lagu dhawaaqay xabbad-joojin laba toddobaad ah oo lagu hakinay dagalkii ka oognaa bariga ee ka dhanka ahaa Iiraan, ayuu Madaxweyne Trump sheegay in Tehraan ay joojin doonto tayeynta Yuraaniyamka. Xoghayaha Difaaca ee Maraykanka, Pete Hegseth, ayaa ku celiyay hadalkaas, isagoo xusay in Iiraan ay tahay inay wareejiso Yuraaniyamka la hodimiyey ama uu Maraykanku ka qaadan doono.
Maraykanka iyo Israa’iil ayaa u muuqda inay hakiyeen weeraradii ay ku hayeen Iiraan inta ay xabbad-joojintu socoto. Madaxweynaha Iiraan, Masuud Bisishkiyaan, ayaa xaqiijiyay in dalkiisu uu ka qaybgali doono wadahadallo lala galayo Maraykanka oo ka dhici doona dalka Bakistaan.
Hase yeeshee, Ciidanka Ilaalada Kacaanka ayaa sheegay inaysan wax kalsooni ah ku qabin ballanqaadyada Maraykanka, isla markaana keebka qirga faraha ku sii hayaan
3 Saacadood ka horMaxay tahay arrinta aan lagala wadahadli karin Iiraan ee uu sheegay xoghayaha Difaaca Maraykanka?
Markii la weydiiyay in Iiraan ay wareejiso maadada uranium-ka ee la hodmiyey ay tahay mid "aan gorgortan geli karin" marka loo eego Mareykanka, Hegseth ayaa ku jawaabay inay mar walba ahayd mid aan gorgortan geli karin in Iiraan aysan haysan hubka nukliyeerka.
Wuxuu sheegay in Iiraan ay maadadaas la hodmiyey ku wareejin doonto si ikhtiyaari ah, haddii kale Mareykanku uu xajisan doono "fursadda" uu kaga falcelin karo si la mid ah hawlgalkii Midnight Hammer, kaas oo ahaa hawlgal wadajir ah oo ay 2025-kii fuliyeen Mareykanka iyo Israa'iil oo lagu duqeeyay goobaha nukliyeerka.
Waxa kale oo la weydiiyay in nidaamka hadda ka jira Teheran uu ka duwan yahay nidaamkii jiray 47-kii sano ee la soo dhaafay.
Hegseth ayaa mar kale tixraacay liiska madaxdii sarsare ee lagu dilay ololihii dhowaan dhacay.
"Waa koox dad ah oo cusub," ayuu yiri, isagoo raaciyay in kooxda hadda jirta ay leeyihiin "xisaab cusub oo ku saabsan waxa ay ka dhigan tahay in lala gorgortamo" Mareykanka.
3 Saacadood ka horSu’aal adag oo xoghayaha difaaca Maraykanka laga waydiiyey Iiraan iyo sida uu uga jawaabay
Xoghayaha difaaca Maraykanaka Hegseth ayaa la weydiiyay warbixinnada sheegaya in Iiraan ay weli sii waddo weerarrada ay ku qaadeyso bartilmaameedyada ku yaalla gobolka, iyo haddii dalkaas la siiyay "waqti kooban" oo uu ku joojiyo ficilladaas.
Xoghayaha Difaaca ayaa ku jawaabay in Mareykanku uu la socdo weerarrada Iiraan, balse wuxuu xusay inay u wanaagsan tahay dalkaas inay "fariimaha gaarsiiyaan ciidamadooda" ku sugan meelaha fogfog si ay u joojiyaan weerarrada.
Wuxuu sheegay in "ay qaadato waqti" inta ay xabbad-joojintu si buuxda u hirgaleyso, laakiin wuxuu rajo iyo kalsooni ka muujiyay in heshiiska lagu adkaysan doono.
3 Saacadood ka horWasiirka difaaca Maraykanka oo hadda hadlay iyo wixii uu ka sheegay Iiran
Xoghayaha Difaaca Mareykanka Pete Hegseth ayaa khudbaddiisa ku bilaabay isagoo sheegay in Iiraan ay khatar ku ahayd Mareykanka muddo 47 sano ah, balse ay taasi hadda tahay "wax aan sii jiri doonin."
Wuxuu sii raaciyay ammaan uu u jeedinayo Madaxweynaha Mareykanka Donald Trump, isagoo sheegay inuu "taariikh sameeyay."
“Madaxweyne Trump ayaa horseeday xilligan, Iiraan ayaana codsatay xabbad-joojintan, dhammaanteenna waan ognahay,” ayuu ku dooday.
Hegseth wuxuu sheegay in hawlgalkii "Epic Fury" uu ahaa mid "taariikhi ah oo xooggan," isagoo intaas ku daray in ciidamada Mareykanka ay "burburiyeen milateriga Iiraan."
4 Saacadood ka horWar ka soo kordhay Marinka Hormuz
Shirkadda dabagalka maraakiibta ee MarineTraffic ayaa tilmaamtay inay jiraan "calaamado hore oo muujinaya dhaqdhaqaaq maraakiib" oo laga dareemayo Marinka Hormuz, ka dib markii uu marinkaas si wax ku ool ah u xannibtay Iiraan.
Ururku wuxuu sheegay in laba markab ay mareen marinka, mid laga leeyahay dalka Giriigga, kan kalena ka diiwaan gashan yahay dalka Laybeeriya.
BBC-du si madax-bannaan uma xaqiijin warbixinnadan.
Marin-biyoodkan ayaa ahaa qodob la isku hayey toddobaadyadii la soo dhaafay, iyadoo qorshaha fog ee marinkuna uu weli yahay mid aan caddayn, haddana xabbad-joojinta kumeel-gaarka ah ee xalay lagu dhawaaqay waxay u baahan tahay in Iiraan ay dib u furto marinka.
Waddamada qaar ayaa markii hore heshiisyo la galay Iiraan si maraakiibtoodu ay u sii isticmaalaan marinkan muhiimka u ah dhoofka caalamiga ah waxaana ka mid ah waddamadaas Pakistan, Hindiya iyo Filibiin.
4 Saacadood ka horIsha ku haya warrarka wasiirka difaaca Maraykanka oo hadda warbaahinta la hadli doona
Wasiirka difaaca Maraykanka Pete Hegseth iyo Jeneral Dan Caine, ayaa la filayaa inay si wadajir ah warbaahinta ula hadlaaan ka dib xabbad-joojinta ay gaareen Maraykanka iyo Iiraan
Hadallada Hegseth ee munaasabadahan oo kale waxay ahaayeen kuwo buunbuunin badani ku jirto intii uu dagaalku socday, sidaas darteed waxaan filayaa inay maanta ka sii darnaadaan, marka la eego oggolaanshaha madaxweynaha ee xabbad-joojinta labada toddobaad ah.
Hegseth wuxuu u janjeeraa inuu soo tiriyo guulaha xeeladaysan ee ay maamulku u arkaan inay gaareen, isagoo inta badan diiradda saara burburinta muuqata ee lagu sameeyay hubka caadiga ah ee Iiraan. Laakiin su'aasha weyn ayaa ah sidii lix toddobaad oo dagaal ah ay u fuliyeen hadafkii ahaa in Iiraan si joogto ah looga horjoogsado hubka nukliyeerka.
Wax caddayn ah oo buuran looma hayo in weerarka milatari uu wax ka badan ka qabtay wixii ay horay u gaareen sannado badan oo diblomaasiyad ah. Dadka dhaliila ee jooga Washington ayaa horayba u sheegayay in tani ay dhab ahaantii sii dhiirigelisay Tehraan; aan aragno inay jiraan wax su'aalo ah oo arrintaas ku saabsan.
4 Saacadood ka horWar deg deg ah, Trump oo sheegay war cusub oo ku saabsan Iiraan
Madaxweynaha Maraykanka Donald Trump ayaa qoraal uu soo dhigay bartiisa Truth Social. Waxaa ku sheegay in Maraykanku uu la shaqayn doono Iiraan, "taas oo aan go'aaminnay inay martay waxa noqon doona Isbeddel Maamul oo aad u waxtar badan!"
Trump wuxuu sheegay in Iiraan aysan hodmin doonin yuraaniyam, Maraykankuna uu la shaqayn doono Tehraan.-2 Bombers)."
Trump wuxuu sheegay in Iiraan aysan kobcin doonin uranium-ka, Mareykankuna uu la shaqeyn doono Tehran si "loo qodo oo looga saaro dhammaan haraadiga Nukliyeerka ee aadka u.
"Hadda, iyo muddoba, waxay ku jirtay Ilaalo Satelaayt oo aad u saxan."
Wuxuu intaas ku daray: "Waxba laguma taaban tan iyo taariikhdii weerarka. Waxaan kala hadlaynaa, waana kala hadli doonaa Iiraan dhimista canshuuraha iyo cunaqabataynta. In badan oo ka mid ah 15-kii qodob horay ayaa loogu heshiiyey."
4 Saacadood ka horMadaxweyne xigeenka Maraykanka oo hadal cusub ka yiri heshiiska xabbad-joojinta
Madaxweyne ku-xigeenka Maraykanka JD Vance ayaa ku tilmaamay xabbad-joojinta mid ah "Xabbad-joojin jilicsan", isagoo ugu baaqay Iiraan inay "niyad sami" ugu gorgortanto heshiis waqti dheer ah.
Isagoo ka hadlayay magaalada Budapest, halkaas oo uu ku taageerayay Ra'iisul Wasaaraha Hungary Viktor Orbán ka hor doorashada qaranka ee dalkaas dhacaysa Axadda, Vance wuxuu sheegay in heshiis la gaari karo haddii "reer Iiraan ay diyaar u yihiin inay si niyad sami ah noola shaqeeyaan".
Hase yeeshee, wuxuu uga digay haddii ay "ka horyimaadaan xitaa xabbad-joojintan jilicsan ee aan dhisnay, markaas ma farxi doonaan."
Ra'iisul Wasaaraha Pakistan Shehbaz Sharif, oo dhexdhexaadinayay wadahadallada ayaa sheegay in Islamabad ay martigelin doonto wafuud ka kala socota Maraykanka iyo Iiraan maalinta Jimce ah "si looga sii gorgortamo heshiis kama dambeys ah oo lagu xallinayo dhammaan murannada jira."
Waxaa jira warar ka soo baxaya warbaahinta Iiraan oo sheegaya in Vance uu hoggaamin doono wadahadallada Maraykanka iyo Iiraan, balse weli kama aynaan maqalin wax xaqiijin ah oo dhanka Washington ka timid.
5 Saacadood ka horSababta istaraatiijiyadda difaaca ee Iiraan ay u adkayn karto xabbad-joojinta
Sida caadiga ah, marka la laayo dhammaan madaxda siyaasadda iyo militariga ee dal, waxay horseedi lahayd fowdo iyo xitaa dumid . balse gudaha Iiraan, taasi ma dhicin.
Arrintaas waxaa laga yaabaa inay sabab u tahay qaadashada istiraatiijiyadda difaaca ee loo difaaca kala baahsan, taas oo awoodda hawlgalka si wax ku ool ah ugu wareejinaysa taliyeyaasha deegaanka.
Taliyeyaashaas waxay haystaan liiska yoolalka ay rabaan inay beegsadaan, waxaana loo fasaxay inay si madax-bannaan u shaqeeyaan iyagoon wax xiriir ah ka sugin Tehran.
Tani waxay gaashaan uga noqotay istiraatiijiyadda "madax-laynta" ee Maraykanka iyo Israa'iil taas oo lagu laayay ku dhawaad dhammaan saraakiishii ugu sarreysay.
Si kastaba ha ahaatee, waxay sidoo kale caqabad ku noqon kartaa nabadda. Maadaama aysan jirin silsilad amar oo wax ku ool ah, waxaa laga yaabaa inay adkaato wareejinta amarrada xabbad-joojinta.
Sida iska cad, muddo ayay nagu qaadan doontaa inaan ogaano, laakiin tani waxay si weyn u horseedi kartaa suurtagalnimada inay weeraradu sii socdaan, xilli ay hoggaanka siyaasadeed ee Tehran isku dayayaan inay heshiis gaaraan.
6 Saacadood ka horMuxuu Trump kala kuklmay xisbigiisa Dimuqraadiga?
Iiraan iyo Maraykanka ayaa ku heshiiyey xabbad joojin laba toddobaad ah oo shuruudaysan, muddadaas oo gaadiidka maraakiibta loo ogolaan doono marinka Hormuz.
Tani waxay ku soo beegantay in ka badan hal bil ka dib markii Mareykanka iyo Israa'iil ay weerarro xiriir ah ku qaadeen Iiraan, saacado ka dib markii madaxweynaha Mareykanka Donald Trump uu ku hanjabay "xadaarad dhan ayaa dhiman doonta caawa" haddii Iiraan aysan dib u furin marin biyoodka.
Ra'iisul wasaaraha Pakistan Shehbaz Sharif oo dhexdhexaadinayey wada xaajoodyada, ayaa sheegay goor hore oo Arbacada ah in xabbad joojinta ay si degdeg ah u dhaqan gashay.
Dimuqraadiyiinta ayaa si degdeg ah u dhaleeceeyay ereyada Trump Talaadadii, iyadoo qaarkood ay aad ugu fogaadeen inay ku baaqaan in xilka laga qaado.
" Way caddahay in madaxwaynuhu uu ku sii socday hoos u dhac oo aanu ku haboonayn inuu hogaamiyo," ayuu ku qoray barta X Joaquin Castro oo ka tirsan aqalka koongareeska.
Chuck Schumer, oo ah dimuqraadiga ugu sarreeya Senate-ka Mareykanka, ayaa sheegay in Republican kasta oo aan ku biirin u codeynta joojinta dagaalka Iiraan "uu leeyahay cawaaqib kasta oo tani ay keento".
Halka qaar badan oo ka mid ah xisbiga Trump ay garab istaageen madaxweynahooda, haddana waxay aad uga fogaatay arrintan taageerada caalamiga ah ee uu inta badan helo.
Austin Scott, oo ah xubin koongareeska ka mid ah, kana tirsan xisbiga Jamhuuriga ee laga soo doorto Georgia, isla markaana ah xubin sare oo ka tirsan Guddiga Adeegga Hubka ee Aqalka, ayaa si adag u naqdiyay hanjabaadaha Trump ee ku saabsan ilbaxnimada dhimanaysa.
"Hadallada madaxweynaha waa kuwo aan faa'iido lahayn," ayuu u sheegay BBC, "kuma raacsani iyaga".
Sidoo kale akhri
Faahfaahinta xabbad joojinta labada todobaad ah ee ay ku heshiiyeen Maraykanka iyo Iiraan
Maxaan ka ognahay 'diyaaradda qiyaamaha' haddii uu dhaco dagaal Nukliyeer?
Trump oo ku hanjabay in caawa wax wayn dhici doonaan iyo Iran oo u jawaabtay
7 Saacadood ka horNinka Iiraan ku metalaya wadahadallada Pakistan
Wakaaladda wararka Iiraan, ISNA, ayaa werisay in Maxamed Baqer Qalibaf, afhayeenka Golaha barlamaanka uu hoggaamin doono kooxda wadaxaajoodka ee Iiraan wadahadallada Jimcaha ka dhacaya magaalada Islamabad ee dalka Pakistan.
Madaxweyne ku xigeenka Mareykanka, JD Vance ayaa sidoo kale ah madaxa wafdiga Mareykanka ee shirka ka qaybgalaya.
Wakaaladda wararka ayaa sheegtay, in qorshaha 10-ka qodob ee Iiraan uu ka kooban yahay barnaamijkeeda nukliyeerka iyo amniga gobolka oo keliya, balse sidoo kale uu ka mid yahay in laga qaado cunaqabataynta koowaad iyo tan labaad ee saaran Iiraan, kuwaas oo qaarkood ay dib uga soo bilaabatay qiyaastii 45 sano kahor..Iiraan ayaa ogolaatay in maraakiibta ay maraan marin biyoodka Hormuz muddo laba todobaad ah, iyadoo maristooda ay isku dubarideen ciidamada Iiraan.
Iiraan iyo Maraykanka ayaa ku heshiiyey xabbad joojin laba toddobaad ah oo shuruudaysan, muddadaas oo gaadiidka maraakiibta loo ogolaan doono marinka Hormuz.
Tani waxay ku soo beegantay in ka badan hal bil ka dib markii Mareykanka iyo Israa'iil ay weerarro xiriir ah ku qaadeen Iiraan, saacado ka dib markii madaxweynaha Mareykanka Donald Trump uu ku hanjabay "xadaarad dhan ayaa dhiman doonta caawa" haddii Iiraan aysan dib u furin marin biyoodka.
Sidoo kale akhri
Faahfaahinta xabbad joojinta labada todobaad ah ee ay ku heshiiyeen Maraykanka iyo Iiraan
Maxaan ka ognahay 'diyaaradda qiyaamaha' haddii uu dhaco dagaal Nukliyeer?
Trump oo ku hanjabay in caawa wax wayn dhici doonaan iyo Iran oo u jawaabtay
7 Saacadood ka horWar deg deg ah, Israa’iil oo go’aan ka soo saartay dagaalka Iiraan
Ciidamada Difaaca Israa'iil (IDF) ayaa sheegay inay joojiyeen weerarka ka dhanka ah Iiraan,balse ay sii wadi doonaan howlgallada ay ka wadaan dalka Lubnaan.
Bayaan uu ciidanku soo saaray ayaa lagu sheegay inay "dhammaystirtay mowjado weerar ah oo ka dhacay Iiraan" haddana ay joojisay rasaasta "iyadoo la raacayo tilmaamaha" hoggaanka siyaasadda.
Waxay intaas ku dartay inay "aad ugu diyaarsan tahay inay si difaac ah uga jawaabto xadgudub kasta" oo ka dhan ah Israa'iil.
Si kastaba ha ahaatee, iyadoo laga soo horjeedo kooxda xisbullah ee Lubnaan, "Ciidamada Difaaca ee Israa'iil waxay sii wadaan inay fuliyaan howlgallo dhulka ah oo bartilmaameedsan", ayay tiri.
Sidoo kale akhri
Faahfaahinta xabbad joojinta labada todobaad ah ee ay ku heshiiyeen Maraykanka iyo Iiraan
Maxaan ka ognahay 'diyaaradda qiyaamaha' haddii uu dhaco dagaal Nukliyeer?
Trump oo ku hanjabay in caawa wax wayn dhici doonaan iyo Iran oo u jawaabtay
8 Saacadood ka horWar deg deg ah, Israa'iil oo duqeymo geysatay iyadoo xabad joojin la gaaray
Milatariga Israa'iil ayaa duqeymo cirka ah ka fuliyay koonfurta Lubnaan maanta - taasoo muujinaysa in, Israa'iil, heshiiska xabad joojinta ee Mareykanka iyo Iiraan uusan khusayn Lubnaan.
Saaka, duqeymo cirka ah ayaa ka dhacay deegaannada Tyre iyo Nabatieh ee koonfurta dalka, ka dib markii heshiiska la shaaciyay.
Weli si buuxda looma dhameystirin kooxda wadahadallada Iiraan.
Ra'iisul wasaaraha Israa'iil, Benjamin Netanyahu, ayaa beeniyay in heshiisku uu sidoo kale daboolayo iskahorimaadka kooxda Lubnaan ee Xisbullah ee ay taageerto Iran.
Wali waxaan war ka sugeynaa dowladda Lubnaan iyo Xisbullah.
Pakistaan, oo dhexdhexaadineysay heshiiska, ayaa tilmaamtay in heshiiska xabad-joojinta uu sidoo kale uu qeyb ka ahaa Lubnaan.
Maalmihii ugu dambeeyay, warbixinno ayaa soo jeedinayay in Xisbullah ay ugu baaqday Iiraan inay ku darto garabka Lubnaan heshiis kasta.
Dhanka kale, Israa'iil waxay muujisay inay raadineyso inay abuurto waxa ay ku tilmaanto aag amni oo ku teedsan xuduudda gudaha dhulka Lubnaan.
Ciidamada Israa'iil ayaa weeraray Lubnaan, waxaana jira cabsi laga qabo in tani ay horseedi karto qabsashada qaybo ka mid ah dalka.
Sidoo kale akhri
Faahfaahinta xabbad joojinta labada todobaad ah ee ay ku heshiiyeen Maraykanka iyo Iiraan
Maxaan ka ognahay 'diyaaradda qiyaamaha' haddii uu dhaco dagaal Nukliyeer?
Trump oo ku hanjabay in caawa wax wayn dhici doonaan iyo Iran oo u jawaabtay

TOOS, Xoghayaha difaaca Maraykanka oo sheegay in in xabbad-joojinta lala galay Iiraan ay fursad u tahay "nabad dhab ah," iyadoo labada dhinacba ay guul sheeganayaan

Kooban

Tebin toos ah

12 Daqiiqadood ka horCiidamada badda Iiraan oo fariin u diray maraakiibta ku sagan Hormuz, maxayse ku saabsan tahay

36 Daqiiqadood ka horWarbaahinta Iiraan oo hadda war cusub shaacisay

50 Daqiiqadood ka horMaxaan Iran loogu ogoleyn in ay yeelato hubka Nukleerka?

Saacad ka horIiraan oo ka digtay tallaabo ay ku sheegtay xad-gudub xabbad-joojinta ah iyo dalka ay ku eedeysay

Saacad ka horWax badan ka ogow gantaalaha guuxooda ka dheereeya ee Hypersonic ee ay Iiraan heysato

Saacad ka horDigniin adag oo uu soo saaray dalkii dhexdhexaadiyey xabbad-joojinii Iiran iyo Maraykanka

Saacad ka horWaa kuma hoggaamiyaha uu hanjabay wasiirka difaacada Isreal ka dib xabbad-jojinta

2 Saacadood ka horCiidamada Ilaalada Kacaanka ee Iiraan oo war cusub ka sheegay Maraykanka

3 Saacadood ka horMaxay tahay arrinta aan lagala wadahadli karin Iiraan ee uu sheegay xoghayaha Difaaca Maraykanka?

3 Saacadood ka horSu’aal adag oo xoghayaha difaaca Maraykanka laga waydiiyey Iiraan iyo sida uu uga jawaabay

3 Saacadood ka horWasiirka difaaca Maraykanka oo hadda hadlay iyo wixii uu ka sheegay Iiran

4 Saacadood ka horWar ka soo kordhay Marinka Hormuz

4 Saacadood ka horIsha ku haya warrarka wasiirka difaaca Maraykanka oo hadda warbaahinta la hadli doona

4 Saacadood ka horWar deg deg ah, Trump oo sheegay war cusub oo ku saabsan Iiraan

4 Saacadood ka horMadaxweyne xigeenka Maraykanka oo hadal cusub ka yiri heshiiska xabbad-joojinta

5 Saacadood ka horSababta istaraatiijiyadda difaaca ee Iiraan ay u adkayn karto xabbad-joojinta

6 Saacadood ka horMuxuu Trump kala kuklmay xisbigiisa Dimuqraadiga?

7 Saacadood ka horNinka Iiraan ku metalaya wadahadallada Pakistan

7 Saacadood ka horWar deg deg ah, Israa’iil oo go’aan ka soo saartay dagaalka Iiraan

8 Saacadood ka horWar deg deg ah, Israa'iil oo duqeymo geysatay iyadoo xabad joojin la gaaray