آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
دوسری جنگ عظیم کا بم سوراخ کر کے ناکارہ بنایا گیا
ہانگ کانگ میں دوسری جنگ عظیم کے دوران گرایا گیا ایک بم برآمد ہونے سے افرا تفری مچ گئی۔
ایک طویل آپریشن کے بعد ہانگ کانگ پولیس کے بم کو ناکارہ بنانے والے دستے نے اس بم کو ناکارہ بنانے میں کامیابی حاصل کر لی۔
ساڑھے چار سو کلو وزن والا یہ بم وان چائی ضلع کے ایک تعمیراتی علاقے میں ملا تھا۔
بم ملنے کے بعد اس کے گرد علاقے سے سب سے پہلے تقریباً چار ہزار سے زیادہ افراد کا انخلا کیا گیا۔ اس کے بعد بم کو ناکارہ بنانے کے ماہرین کی ایک ٹیم نے اسے بے اثر کر دیا۔
یہ بھی پڑھیے
ایک ہفتے میں یہ دوسرا موقع ہے جب ہانگ کانگ میں جنگ عظیم کے دور کا بم ملا ہے۔
End of سب سے زیادہ پڑھی جانے والی
امریکی ساختہ ’این ایم 65‘ بم دوسری جنگ عظیم کے دوران جاپان کے زیر انتظام ہانگ کانگ پر گرایا گیا تھا۔
یہ بھی پڑھیے
جس جگہ یہ بم ملا تھا وہاں کسی زمانے میں برطانوی کالونی ہوا کرتی تھی جس پر سنہ 1941سے سنہ 1945تک جاپانی فوج کا قبضہ تھا۔
اسی علاقے میں ملنے والا ایسا ہی ایک اور بم سنیچر کو ناکارہ بنایا گیا تھا۔
بم کو ناکارہ بنانے والے سکواڈ کے ایک اہلکار ایلک میکورٹر نے مقامی اخبار ساؤتھ چائنا مارننگ پوسٹ کو بتایا کہ بم کو فیوز کرنے والا سسٹم اتنی بری حالت میں تھا کہ بم کو ناکارہ بنانے والے آلے کا اس تک پہنچنا مشکل تھا۔ ان کی ٹیم نے بم میں ایک بڑا سوراخ کیا تاکہ اس کے اندر موجود دھماکہ خیز مواد کو بے اثر کیا جا سکے۔
بم کے اندر موجود دھماکہ خیز مواد کو بےاثر کرنے کے بعد اسے کرین کی مدد سے اٹھا کر وہاں سے ہٹایا گیا۔
یہ آپریشن 24 گھنٹے تک جاری رہا۔ میکورٹر کے مطابق بم کو ناکارہ بنانے کے آپریشنز مشکل اور خطرناک ہوتے ہیں۔ اور اس بم کے معاملے میں یہ تینوں ہی باتیں درست تھیں۔