Màs atomig cymharol
Mae gan wahanol atomMae pob elfen wedi'i gwneud o atomau. Mae atom wedi'i wneud o niwclews sy’n cynnwys protonau a niwtronau, wedi'i amgylchynu ag electronau. wahanol fasau. Mae màsFaint o fater sydd mewn gwrthrych. Rydyn ni’n mesur màs mewn gramau (g). atomau mor fach, mae hi’n fwy cyfleus gwybod eu masau o gymharu â’i gilydd. Rydyn ni’n defnyddio carbon fel yr atom safonol, ac mae ganddo fàs atomig cymharol (Ar) o 12.
- Os yw Ar atom yn llai na hyn, mae ei fàs yn llai na màs atom carbon.
- Os yw Ar atom yn fwy na hyn, mae ei fàs yn fwy na màs atom carbon.
Gwerthoedd Ar elfennau
Mae’r tabl yn dangos rhai gwerthoedd Ar:
| Elfen | Màs atomig cymharol |
| Hydrogen, H | 1 |
| Carbon, C | 12 |
| Ocsigen, O | 16 |
| Magnesiwm, Mg | 24 |
| Clorin, Cl | 35.5 |
| Elfen | Hydrogen, H |
|---|---|
| Màs atomig cymharol | 1 |
| Elfen | Carbon, C |
|---|---|
| Màs atomig cymharol | 12 |
| Elfen | Ocsigen, O |
|---|---|
| Màs atomig cymharol | 16 |
| Elfen | Magnesiwm, Mg |
|---|---|
| Màs atomig cymharol | 24 |
| Elfen | Clorin, Cl |
|---|---|
| Màs atomig cymharol | 35.5 |
Mae’r gwerthoedd hyn yn dangos bod màs atom magnesiwm ddwywaith cymaint â màs atom carbon, a 24 gwaith cymaint â màs atom hydrogen. Maen nhw hefyd yn dangos bod màs atom hydrogen 12 gwaith yn llai na màs atom carbon. Mae’r gwerthoedd Ar hefyd yn caniatáu i ti gyfrifo bod màs tri atom ocsigen yr un fath â màs dau atom magnesiwm.
Mae Ar clorin, sef 35.5, yn gyfartaledd masau’r gwahanol isotopAtomau o elfen â’r un nifer o brotonau ac electronau, ond niferoedd gwahanol o niwtronau. clorin.
Cyfrifo màs atomig cymharol o gyflenwad isotopig [Haen uwch yn unig]
Màs atomig cymharol elfen yw cyfartaledd pwysol masau atomau’r isotopau – oherwydd os oes llawer mwy o un isotop, bydd hwnnw’n cael llawer mwy o ddylanwad ar y màs cyfartalog na’r isotop llai cyffredin.
Er enghraifft, mae gan glorin ddau isotop: 35Cl a 37Cl. Ond dydy màs atomig cymharol clorin ddim yn 36. Mewn unrhyw sampl clorin, mae 75 y cant o’r atomau’n 35Cl ac mae’r 25 y cant arall yn 37Cl.
Rydyn ni’n cyfrifo’r màs atomig cymharol drwy ddefnyddio’r fformiwla ganlynol, wedi’i harddangos ar gyfer dau isotop. Mae’r cyflenwadau wedi’u rhoi fel gwerthoedd canran.
\(A_{r} = \frac{(mas~1 \times cyflenwad~1) + (mas~2 \times cyflenwad~2) + \ldots}{100}\)
Er enghraifft, gan ddefnyddio clorin:
\(A_{r} = \frac{(35 \times 75) + (37 \times 25)}{100}\)
\(A_{r} = \frac{(2625) + (925)}{100}\)
\(A_{r} = \frac{3550}{100}\)
\(A_{r} = 35.5\)