Ateb y Galw: Lowri Clancy Davies

Mae Lowri Davies yn gantores ac yn DJ o dde Iwerddon. Roedd hi'n un o'r cyfansoddwyr oedd yn cystadlu ar Cân i Gymru eleni gyda'i chân Hiraeth.

Mae cerddoriaeth yn y gwaed a hithau'n ferch i'r canwr gwerin o orllewin Cymru Ryland Teifi a'r cerddor Gwyddeleg Róisín Clancy, ac hefyd yn wyres i'r diweddar Bobby Clancy o'r grŵp werin byd-enwog y Clancy Brothers.

Wedi ei magu yng Nghymru ac Iwerddon ond yn bellach yn byw yn Llundain - Lowri Davies sy'n ateb cwestiynau busneslyd Cymru Fyw yr wythnos yma.

Fy atgof cyntaf yw mynd i Oakwood gyda fy nghyfnitheroedd a fy chwaer, yn cymryd y trên bach sy'n mynd â chi i mewn i'r parc. Cofio teimlo mor cŵl yn cerdded o gwmpas gyda fy nghyfnitheroedd hŷn, yn clywed cerddoriaeth DJ ym mhobman ac yn teimlo'n gyffrous ond hefyd ychydig yn ofnus!

Barri ac Ynys y Barri. Treuliais lawer o hafau yno ar y traeth wrth dyfu i fyny, ac roedd yr Eisteddfod wedi bod yno pan oeddwn i'n iau. Es i hefyd i Ysgol Sant Curig gerllaw.

Mae'n agos i Gaerdydd, felly roeddwn i'n mynd yn aml gyda fy nheulu i weld sioeau yng Nghanolfan Mileniwm Cymru, ac mae gen i atgofion hyfryd o fwyta hufen iâ ar y pier yng Nghaerdydd. Mae'r ardal yn llawn atgofion hapus i mi.

Mae'n debyg mai fy noson DJ gyntaf. Roedd y lleoliad Our Wicked Lady yn Brooklyn ar fin cau, ac roedd noson fy nghasgliad BK Loves UKG wedi gwerthu allan gyda dros 400 o RSVPs.

Ces i chwarae i dorf dda, daeth fy ffrindiau i gyd i gefnogi, ac wedyn fe wnaethon ni i barti ar y to yn Brooklyn tan y bore. Enwa rywbeth gwell!

Creadigol, hwyliog, cerddorol.

Pan oedd fy chwaer a minnau yn ffilmio'r rhaglen Ein Llwybrau Celtaidd. Roeddem yn cael ein cyfweld ac roedd disgwyl i ni fod yn ddifrifol, ond doedden ni ddim yn gallu stopio chwerthin. Gwnaeth hynny'r sefyllfa hyd yn oed yn fwy doniol, mae gennym ni'r arfer o chwerthin mewn sefyllfaoedd difrifol.

Pan oeddwn i'n blentyn fe wnes i feicio'n syth i mewn i arwydd a syrthio oddi ar fy meic wrth fynd heibio caffi lle roedd grŵp o fechgyn yn eu harddegau yn eistedd. Fe ddechreuon nhw chwerthin arna i a roeddwn i eisiau diflannu i'r llawr.

Wrth wrando ar y gân The Déise Day gan fy nhad, Ryland Teifi. Dw i newydd symud i Lundain ac roedd yn gwneud i mi golli cartref. Mae'r gân yn llawn hiraeth i mi.

Aros i fyny'n hwyr. Hyd yn oed os ydw i'n cael noson dawel gartref, anaml iawn dw i'n syrthio i gysgu cyn un neu ddau y bore. Dw i'n bendant yn berson nos ac yn hoffi aros allan yn hwyr, hyd yn oed os oes rhaid i mi godi'n gynnar drannoeth.

The Bell Jar gan Sylvia Plath. Dw i'n caru'r rhan lle mae hi'n defnyddio'r goeden ffigys fel trosiad am fywyd a'r dewisiadau sydd gennym ni. Dw i hefyd yn caru ei barddoniaeth, mae'r ffordd mae hi'n disgrifio profiad bod yn fenyw yn taro tant gyda fi yn fawr.

Sinéad O'Connor. Roedd fy mam, Róisín, yn canu ei chaneuon i mi wrth i mi dyfu i fyny, felly mae ei cherddoriaeth yn golygu llawer i mi.

Mae hi'n eilun mawr i mi ac yn ysbrydoliaeth enfawr. Byddwn i wrth fy modd yn siarad â hi am gerddoriaeth. Yn ôl pob sôn fe wnaeth fy nhadcu Bobby ei chysuro ar ôl iddi gael ei bwio ar ôl ei dadl fawr, felly byddwn i wrth fy modd yn siarad â hi am y profiad hwnnw hefyd.

Dwi'n eithaf gaeth i chwarae gwyddbwyll.

Byddwn i'n dechrau'r diwrnod gyda sesiwn gerddoriaeth fawr yn Mooney's, tafarn fy nheulu yn Iwerddon, gyda fy nheulu i gyd yn canu a chwarae. Wedyn byddwn i'n newid dillad ac yn mynd i rave ar y traeth i DJ-io tan ddiwedd y byd.

Mae'n debyg mai'r llun yma ohona i a'm cyfnitheroedd pan oedden ni'n iau. Mae'n fy atgoffa o atgofion hapus yn nhŷ fy mamgu a tadcu yn Ffostrasol.

Mae'n ddoniol achos mae'n edrych fel ein bod ni'n cael sesiwn gerddoriaeth, ac mae'n eiconig hefyd oherwydd mae'n dangos ein personoliaethau.

Peggy Gou. Mae'n edrych fel bod ganddi hi ffordd o fyw anhygoel fel DJ ac fel ffigwr diwylliannol, a byddwn i wrth fy modd yn gweld sut brofiad yw chwarae mewn gŵyl enfawr o flaen torf fawr.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.