Catholics for Nigeria don gada to do 'March for Life'

Catholic for Rivers State waka through Port Harcourt -Aba expressway, Azikiwe road and end di waka for St. Mary Catholic Church inside old PH Township
Wetin we call dis foto, Catholic for Rivers State waka through Port Harcourt -Aba expressway, Azikiwe road and end di waka for St. Mary Catholic Church inside old PH Township

Catholic faithful don enta road for different parts of Nigeria for di peaceful protest wey dem dey do today on top di killi-killi of dia members and oda Nigerians.

Catholics faithful for Port Harcourt also want di whole world to know say dem no dey happy with di killi-killi of innocent pipo
Wetin we call dis foto, Catholics faithful for Port Harcourt also want di whole world to know say dem no dey happy with di killi-killi of innocent pipo

Dia protest dey come as dem dey bury di two catholic priests wey suspected herdsmen kill for St. Ignatius Catholic Parish inside Ayar Mbalom for Gwer East Local Government Area of Benue State about a month ago.

Catholics faithful as dem gada for mass inside Corpus Christi Cathedral Port Harcourt before di protest
Wetin we call dis foto, Catholics faithful as dem gada for mass inside Corpus Christi Cathedral Port Harcourt before di protest

Catholic Bishops Conference of Nigeria (CBCN) bin give order to all Catholic faithful all over Nigeria to come out and do peaceful and prayerful protest, wey dem title 'March for Life,' on Tuesday to let goment know say dem no dey happy for wetin happen.

Catholics Bishops Conference of Nigeria order dia memebers to do peacefull protest today
Wetin we call dis foto, Catholics Bishops Conference of Nigeria order dia memebers to do peacefull protest today

Already, Benue state Governor, Samuel Ortom don declare Tuesday as work-free day to honour those wey die.

BBC News Pidgin tori pesin for Nigeria capital, Abuja, Dooshima Abu, report say Catholics for dia no care about di early morning rain, dem still come out plenti to do di protest.

Dem first gada for di National Ecumenical Centre before dem go enta street and hold service take honour those wey die.

Wetin we call dis Video, 'Catholics for Abuja say dem don tire for di kill-kill'

For Port Harcourt, Karina Igonikon, dey follow di protest and she tok say dem begin di mass first before dem come waka enta road in solidarity with di all those wey suspected herdsmen don kill.

Di Catholic Bishop of Port Harcourt-Camilus Etokudoh remind everi bodi say life dey sacred and also condemn di killi-killi of pipo.

Skip Di one wey oda users dey read well well and continue reading
Di one wey oda users dey read well well

End of Di one wey oda users dey read well well

E say di peaceful protest march no dey political and dis no be time to do politics with di death of pipo:

"Herdsmen don take ove many of our land across di kontri and we go continue to petition president Buhari to come chok mouth solve dis mata."

Catholics dey match for street
Wetin we call dis foto, Catholics for Lagos say dem go do mass before dem match go goment secretariat for Alausa, Ikeja
Catholics also gada for Lagos to support di peaceful protest
Wetin we call dis foto, Catholics also gada for Lagos to support di peaceful protest

Meanwhile, BBC tori pesin for Lagos- Andrew Gift report say di Catholic Archbishop of Lagos-Most Rev. Alfred Adewale Martins call goment to solve dis palava before e go lead to anoda ethnic clash.