Ymateb a sylwadau Alan Llwyd

Wedi i'w gefnder, R. Williams Parry, ennill gyda'i awdl ' Yr Haf' ym Mae Colwyn ddwy flynedd ynghynt, dyma un arall o'r to ifanc cyffrous newydd yn ennill ei gadair gyntaf ac yn creu hanes. Ceir yn yr awdl enghraifft gynnar o un o themâu mawr Parry-Williams, sef ymlyniad wrth fro.

Y Goron

Testun. Pryddest: ' Gerallt Gymro'
Enillydd: T. H. Parry-Williams
Beirniaid: Ben Davies, yr Athro Syr Edward Anwyl, Gwili

Ymateb a sylwadau Alan Llwyd

Buddugoliaeth fawr ac Eisteddfod gofiadwy i aelod arall o'r to ifanc o'r beirdd academaidd a rhamantaidd, pobl fel T. Gwynn Jones, R. Silyn Roberts, W. J. Gruffydd ac R. Williams Parry. Pryddest yn y traddodiad cofiannol yw hon eto, ond daeth Parry-Williams ag elfen bersonol i mewn iddi, oherwydd wrth ganu am hiraeth Gerallt am Gymru o Baris yr oedd yn canu ei hiraeth ei hun. Yr oedd yn fyfyriwr yn Freiburg, Yr Almaen, ar y pryd.

Y Fedal Ryddiaith                    Sefydlwyd ym 1937
 
Tlws y Ddrama                         Cystadleuaeth gynhlaiwyd rhwng 1961 a 1993
 
Tlws y Cerddor                        Sefydlwyd ym 1990 
 
Llyfrau perthnasol

Dau lyfr Canrif o Brifwyl gan Alan Llwyd, Cyhoeddwyr, Barddas. Mis Awst 2000.