Awdl ragorol oedd yr awdl fuddugol, a cheir delweddu gwych a chynganeddu gloyw ynddi. Branwen yn hiraethu am Gymru a geir yn yr awdl, a'r môr yw'r ffin ynddi, y ffin rhwng Branwen a Chymru, y ffin rhwng dyhead a delfryd. Cerdd arall â chenedlaetholdeb yn thema iddi yw hon. Ysbryd gorffennol Cymru, iaith, diwylliant a thraddodiad, a gynrychiolir gan Franwen yn y gerdd.

Y Goron

Testun: Pryddest ar un o'r testunau canlynol: 'Cyni', 'Powys', 'Y Pentref'
Enillydd: J. M. Edwards ('Y Pentref')
Beirniaid: T. Gwynn Jones, S. B. Jones
Cerddi eraill: Gwyndaf ac R. Bryn WIlliams

Ymateb a sylwadau Alan Llwyd

Pryddest undonog a haniaethol yn y mesur moel. Soniai am y ddinas yn denu trigolion cefn-gwlad yn ystod blynyddoedd y dirwasgiad, thema a archwiliwyd ganddo yn ddiweddarach yn ei bryddest enwog 'Peiriannau'.

Y Fedal Ryddiaith                    Sefydlwyd ym 1937
 
Tlws y Ddrama                         Cystadleuaeth gynhlaiwyd rhwng 1961 a 1993
 
Tlws y Cerddor                        Sefydlwyd ym 1990 
 
Llyfrau perthnasol

Dau lyfr Canrif o Brifwyl gan Alan Llwyd,Cyhoeddwyr, Barddas. Mis Awst 2000.